Uşaqlara qayğı Vətənin gələcəyinə qayğıdır
Qazax Rayon İcra Hakimiyyətinin başçısı Rəcəb Babaşov
fəaliyyətə başladığı ilk gündən körpə balalara qayğı ilə yanaşır. Bu gün rayon rəhbərinin şəhər 3 saylı körpələr
evi-uşaq bağçasının açılışı zamanı səhnəcik nümayiş etdirən körpə
fidanları qəbul etməsi də bu qayğının
bariz nümunəsidir. İcra Hakimiyyətində keçirilən görüşdə bağçanın
müəllimləri və uşaqlar iştirak ediblər. Rayon İcra Hakimiyyətinin başçısı Rəcəb Babaşov görüşdə
çıxış edərək bildirib ki, bu gün bu gözəl balaları qəbul etməkdə əsas məqsədim
onlara olan diqqət və qayğını göstərmək, xüsusi istedadı ilə seçilən uşaqları
daha da ruhlandırmaqdır. Nəinki bu uşaqlara, eləcə də bütün körpə balalara daim
diqqət mərkəzində olduqlarını hər zaman hiss etdirmək lazımdır. Körpə üzünü
güldürmək, uşaq sevincinə şərik olmaq hər birimizin ürəyindən gələn ən təmiz
istək olmalıdır. Çünki uşaqlara olan qayğı Vətənin gələcəyinə olan qayğıdır. Bu
gün nə qədər yaxşı diqqət ayırsaq, qayğı ilə yanaşsaq gələcəkdə o qədər sağlam
nəsil yetişdirmiş olarıq. İcra
başçısı bildirib ki, fəaliyyətə başladığım ilk gündən bütün uşaqları öz nəvəm qədər
sevir və əzizləyirəm. Bağçalara xüsusi diqqət ayırmağımın da əsas məqsədi odur
ki, uşaqlar gözəl şəraiti olan bağçalarda tərbiyə olunsunlar. Çünki bizim fidan
balalarımız hər şeyin ən yaxşısına layiqdirlər. Bu gün sevindirici haldır ki,
biz bu istiqamətdə işlərə başladıq və uğurla da davam etdiririk. Bu yaxınlarda açılışını
etdiyimiz 3 saylı bağça da tam müasir tələblərə cavab verən bağçalar səviyyəsindədir.
Yaradılan yüksək şərait və təchizat böyük şəhərlərdə olan bağçalardan heç nəyi
ilə geri qalmır. Yaxın günlərdə şəhərdə
yerləşən 6 saylı uşaq bağçasında və İkinci Şıxlı kənd 2 saylı uşaq bağçasında
da əsaslı təmir işlərinə başlanılacaqdır. Bundan sonra çalışacağıq ki, bu ilin
axırına kimi digər bağçalar da əsaslı şəkildə təmir olunsun. Səmimi söhbət əsasında keçən görüşdə uşaqlardan Sərxan
Mustafayev, Banu Alıyeva, Rəna Zeynalova, Aysu Məmmədrzayeva da öz ürək
sözlərini bildirib, arzu və istəklərini çatdırıblar. Vətənə, anaya,
şəhidlərimizə həsr olunmuş şeirlərini təqdim ediblər. Bağça müdiri Asya Alhüseynova, tərbiyəçi müəllimlərdən
Kəmalə Sanıyeva və Pakizə Sanıyeva çıxış edərək onlar üçün yaradılan yüksək şəraitə
və sonsuz qayğıya görə rayon rəhbərliyinə kollektiv adından minnətdarlıqlarını
bildiriblər. Qeyd ediblər ki, bu gün biz
Respublika Prezidenti İlham Əliyevin, Birinci vitse-prezident Mehriban
Əliyevanın uşaqlara olan sonsuz qayğısını siz rayon rəhbərinin timsalında aydın
şəkildə görürük və hiss edirik. Sizin uşaqlara olan diqqət və qayğınız, müəllim
və tərbiyəçilərə olan hörmətiniz bizdə bir daha böyük məsuliyyət hissi yaradır.Bundan
sonra da çalışacağıq ki, bizə göstərilən etimadı daim layiqincə doğruldaq. Səmimi keçən görüşün sonunda icra başçısı uşaqlara
hədiyyə verərək xatirə şəkli çəkdirib. GOYEZEN.AZ
Facebook-da paylaş