Könüllü fəaliyyətinə sən də qoşul!
Qazax
Rayon İcra Hakimiyyəti "Könüllülük fəaliyyəti haqqında” Azərbaycan
Respublikasının Qanununa müvafiq olaraq öz strukturunda könüllülük fəaliyyətinə
başlayır! Azərbaycan
Respublikası Prezidentinin 2017-ci il 15 sentyabr tarixli 3236 nömrəli
Sərəncamı ilə təsdiq edilmiş "Azərbaycan gəncliyi 2017-2021-ci illərdə" Dövlət
Proqramı”nda və dövlət başçısının 2019-cu il fevralın 1-də Azərbaycan Gəncləri
Gününə həsr olunmuş Respublika toplantısındakı çıxışında dövlət orqanlarına
gənclərin potensialından daha səmərəli istifadə etmək, cəmiyyətin bütün
sahələrində gənclərin fəal iştirakına şərait yaratmaq, onlara peşə vərdişlərini
aşılamaq və təcrübi biliklərini artırmaq, onların yaradıcı və innovativ
potensialının üzə çıxarılmasını dəstəkləmək və ölkədə könüllülük hərəkatını
inkişaf etdirmək vəzifəsi qoyulmuşdur. Bundan əlavə, gənclərin fərdi inkişafına təkan vermək, onlarda
sosial məsuliyyət hissini artırmaq, gəncliyin potensialından xalqın rifahı və
ölkəmizin dayanıqlı inkişafı üçün səmərəli istifadə etmək məqsədilə Azərbaycan
Respublikası Prezidentinin 30 dekabr 2019-cu il tarixli Sərəncamı ilə Azərbaycan
Respublikasında 2020-ci il "Könüllülər ili” elan edilmişdir. Bu
məqsədlə Qazax Rayon İcra Hakimiyyəti Azərbaycan Respublikasının
Prezidenti yanında Vətəndaşlara Xidmət və Sosial İnnovasiyalar üzrə Dövlət
Agentliyi ilə əlaqələndirməklə ölkədə gənclər arasında könüllülük fəaliyyətinin
daha geniş təşviq edilməsinə başlamış və bu istiqamətdə işləri davam etdirir. Könüllülük
fəaliyyəti Azərbaycan Respublikasının qanunvericiliyi ilə qadağan edilməyən,
işlərin görülməsi və ya xidmətlərin göstərilməsi ilə bağlı ictimai faydalı və
gəlirsiz fəaliyyət (əməkhaqqı ödənilməyən) hesab olunur. Qanuna müvafiq olaraq
Qazax Rayon İcra Hakimiyyətində könüllü fəaliyyəti əsas etibarı ilə aşağıdakı
istiqamətlər üzrə təşkil olunur: 1. Qazax Rayon İcra
Hakimiyyətində könüllü fəaliyyətin həyata keçirilməsi; 2. Vətəndaşların qarşılanması
və onları narahat edən məsələlərin dinlənilməsi; 3. Müraciət edən vətəndaşlara düzgün izah verilməsi və
aidiyyəti üzrə istiqamətləndirilməsi; 4. Müraciətlərə əsasən ərizələrin
yazılması və yazılmasında köməkliyin göstərilməsi; 5. Əlillərə, yaşlı insanlara və
imtiyazlı şəxslərə qayğı göstərilməsi; 6. Vətəndaşlar arasında sorğular
keçirilməsi, onları razı və narazı salan məsələlər barədə ümumiləşdirmələr aparılması; 7. Azərbaycan Respublikası
qanunvericiliyinin tələblərinə zidd olmayan digər fəaliyyət sahələri. Könüllülük fəaliyyətinə gənclər 2 ay müddətinə qoşulur
və onlar müxtəlif sosial bacarıqlar və əmək vərdişləri aşılayan təlimlərdə
iştirak edir. Qazax
Rayon İcra Hakimiyyəti üzrə gündəlik olaraq 2 növbədə könüllülük fəaliyyəti
təşkil olunur və könüllülər istədikləri növbə üzrə fəaliyyətə qoşula bilər. Növbələrin
bölgüsü aşağıdakı kimidir: • 09:00-13:00 – Birinci növbə Qazax
Rayon İcra Hakimiyyətində təşkil olunan könüllülük fəaliyyətinə ali təhsilli,
xarici dil (əsasən rus və ingilis dilləri) və kompüter bilikləri olan 20-29 yaş
arası gənclər müraciət edə bilər. Könüllü
kimi fəaliyyət göstərmək istəyən gənclər üçün aşağıdakı tələblər müəyyən
olunmuşdur: • İntizamlılıq; • Ünsiyyət qurmaq bacarığı; • Operativlik; • Kollektivdə işləmək bacarığı; • Təşkilatçılıq; • Təşəbbüskarlıq; • Kompüter bacarığı. Məlumat
üçün bildiririk ki, könüllülər sırasına qoşulmaq istəyən gənclər öz CV-ni
(tərcumeyi-hal) s.qurbanova@qazax-ih.gov.az, mail@qazax-ih.gov.az elektron
poçt ünvanlarına göndərə bilər. Əlaqə
nömrələri: (050) 270-21-20, (055) 279-64-92, (022) 295-06-52, (022) 295-12-35 GOYEZEN.AZ
• 14:00-18:00 – İkinci növbə
Facebook-da paylaş