BDU-nun Qazax filialında 5 Dekabr - Beynəlxalq Könüllülər Günü ilə əlaqədar tədbir keçirilib
Dövlət orqanlarına gənclərin potensialından daha
səmərəli istifadə etmək, cəmiyyətin bütün sahələrində gənclərin fəal iştirakına
şərait yaratmaq, onlara peşə vərdişlərini aşılamaq və təcrübi bilikləri
artırmaq, onların yaradıcı və innovativ potensialının üzə çıxarılmasını
dəstəkləmək və ölkədə könüllülük hərəkatını inkişaf etdirmək məqsədilə mərkəzi
və yerli icra hakimiyyəti orqanları tərəfindən könüllülük fəaliyyəti ilə bağlı
tədbirlər mütəmadi olaraq həyata keçirilir. BMT Baş Assambleyasının təklifi ilə
1985-ci ildən etibarən hər il üzv ölkələrdə 5 Dekabr - Beynəlxalq Könüllülər Günü kimi qeyd
olunur. Ölkəmizdə könüllü fəaliyyətinin daha geniş təşviq olunması məqsədilə
Beynəlxalq Könüllülər Günü ərəfəsində Azərbaycan Respublikasının Prezidenti
yanında Vətəndaşlara Xidmət və Sosial İnnovasiyalar üzrə Dövlət Agentliyi və
Azərbaycan Respublikasının Gənclər Fondunun birgə təşkilatçılığı ilə 2019-cu il
1-9 dekabr tarixləri "Azərbaycan
Könüllülük Həftəsi" elan edilib. Respublikamızın hər yerində olduğu kimi Qazaxda da "Azərbaycan
Könüllülük Həftəsi" silsilə tədbirlərlə qeyd edilir. Bu gün növbəti tədbir
Qazax Rayon İcra Hakimiyyətinin və Bakı Dövlət Universitetinin Qazax filialının
birgə təşkilatçılığı ilə keçirilib. Filialın Heydər Əliyev auditoriyasında keçirilən tədbirdə
müəllim-tələbə heyəti, rayonda könüllü fəaliyyət göstərən gənclər iştirak ediblər. Tədbiri giriş sözü ilə açan fəal gənc Akif Əmirov Beynəlxalq
Könüllülər Günün yaranmasından və ölkəmizdə uğurla həyata keçirilən könüllülük
fəaliyyətindən söz açıb. Respublikamızda gənclərə göstərilən diqqət və
qayğının Qazaxda da olduğu kimi həyata keçirildiyini bildirib. Ölkə başçısının
yürütdüyü gənclər siyasətinin Qazax Rayon İcra Hakimiyyətinin başçısı Rəcəb
Babaşov tərəfindən də uğurla yerinə yetirildiyini qeyd edib. Bu gün Qazaxda gənclərin
inkişaf etdirilməsi, dövlət qayğısı ilə əhatə olunmaları istiqamətində məqsədyönlü
işlər görüldüyünü vurğulayıb. Son illər
Azərbaycanda könüllülük fəaliyyətinin daha da genişləndiyini və rayonumuzda da
könüllülük fəaliyyətinə qoşulanların sayının gündən-günə artdığını vurğulayıb. Görüşdə filialın Tələbələrlə iş və ictimaiyyətlə əlaqələr şöbəsinin
müdiri Qasım Əliyev, tədbirdə iştirak edən Qazax
Gənclərin İnkişaf və Karyera Mərkəzinin direktoru İsmayıl Süleymanov da könüllülük fəaliyyətinin əhəmiyyətindən
söz açıblar. Bu cür görüşlərin keçirilməsində əsas məqsədin gənclərə könüllülüyün
təbliği, onların asudə vaxtlarını daha düzgün və səmərəli keçirmələri istiqamətində,
həmçinin fərdi və intellektual inkişafları üçün yaradılmış mövcud imkanlar, o
cümlədən könüllülük hərəkatının ölkəmizdə daha geniş vüsət alması haqqında məlumatlar
vermək olduğunu qeyd ediblər. Könüllülərdən Fəridə İsgəndərova,
Səbinə Camalova və Ülvi Zülfüqarov çıxış edərək Qazax Rayon İcra Hakimiyyətində
könüllü fəaliyyətdə olduqları zaman bir çox biliklərə yiyələndiklərini, İcra
Hakimiyyəti aparatının kollektivi tərəfindən qayğı ilə əhatə olunduqlarını və gələcək
fəaliyyətlərində bu təcrübədən istifadə edəcəklərini bildiriblər. Gənclər
onlara göstərilən diqqət və qayğıya görə başda cənab Prezident İlham Əliyev
olmaqla Rayon İcra Hakimiyyətinin başçısı Rəcəb Babaşova bir daha minnətdarlıqlarını
bildiriblər. GOYEZEN.AZ
Facebook-da paylaş