Dahi şair Səməd Vurğunun adını daşıyan Qazax şəhər 2 nömrəli tam orta məktəb əsaslı yenidənqurmadan sonra - FOTOLAR
Qazax şəhər Səməd
Vurğun adına 2 nömrəli tam orta məktəb 1965-ci ildən beynəlmiləl məktəb kimi fəaliyyət
göstərir. Məktəbin ərazisi 14475 kv.m, bina sahəsi 2700 kv.m, tutumu 964 şagird
yerlikdir. Məktəbdə 15 aprel 2018-ci il tarixdən bərpa gücləndirmə və əsaslı təmir
işlərinə başlanılmışdır. Məktəbdə aparılan əsaslı
təmir işləri artıq başa çatdırılmış, müasir tələblərə uyğun lazımi invertarlarla
təchiz olunmuşdur. Məktəb 3 mərtəbəli olmaqla 58 otaq və yardımçı binalardan
ibarətdir. Əsas korpusda 38 sinif otağı, 3 fənn laboratoriyası, 4 fənn
kabineti, 1 kitabxana, arxiv otağı, tibb otağı, psixoloq otağı, müəllimlər
otağı, 3 müavin otağı, direktor otağı, 159 yerlik akt zalı, 64 yerlik bufet,
texnologiya otağı və texniki işçilər üçün otaq, şagirdlər üçün 4, müəllimlər üçün
2 sanitar qovşağı mövcuddur. Yardımçı binada isə idman zalı, şagirdlərin və məşqçi
müəllimlərin soyunma-geyinmə otaqları, eyni zamanda məktəbin həyətində
qazanxana, motorxana, transformator, oğlan və qız üçün sanitar qovşağı, böyük və
kiçik olmaqla 2 idman meydançası, 100-150 ton tutumu olan 2 su hovuzu yerləşir. Məktəbdə tədris 2
şöbə - azərbaycan və rus bölməsi üzrə aparılır. Azərbaycan bölməsində 23 sinif
komplekti üzrə 523 şagird, rus bölməsində 11 sinif komplekti üzrə 119 nəfər
şagird olmaqla 642 nəfər şagird təhsil alır. Məktəbdə 6 nəfər rəhbər
heyət, 71 nəfər pedaqoji heyət, 27 nəfər texniki heyət olmaqla 104 nəfər işçi
çalışır. Azərbaycan bölməsi üzrə 57 müəllim, rus bölməsi üzrə 14 nəfər müəllim
şagirdlərin təlim-tərbiyəsi ilə məşğul olur.
Facebook-da paylaş