• Təqvim

  • Unutma

  • Maraq



Seçkilər azad, demokratik və şəffaf keçdi

Respublika mətbuatı Qazax haqqında


Respublikamızın qərb bölgəsində yerləşən Qazax rayonunda da parlament seçkiləri mütəşəkkil keçmişdir. Demək olar ki, bütün kənd və qəsəbələrdə böyük mütəşəkkillik hökm sürmüşdür. Sakinlər bu siyasi kampaniyada fəallıq göstərmiş, seçki məntəqələrinə gələrək istədikləri namizədə səs vermişlər. Səhər tezdən seçki məntəqələrinə üz tutan seçicilər yaradılan şəraitdən istifadə edərək parlamentə layiq bildikləri namizədə səs vermişlər.

107 saylı seçki dairəsində 36 məntəqə fəaliyyət göstərir. Seçici siyahısı dəqiqləşdirildikdən sonra burada 44 min 663 seçicinin olduğu müəyyənləşdirilmişdir. Dairə seçki komissiyasından aldığımız məlumata görə, 10 məntəqədə veb-kamera quraşdırılmışdır. Ümumilikdə 45 min 306 seçici qeydiyyata alınmışdır. Dairəni əhatə edən ərazidə 373 nəfər ilk dəfə səs verən, 5 nəfər isə yaşı 100-ü ötmüş seçici vardı.

Kəmərli sakini, 112 yaşlı Sayalı Nəbiyeva 32 saylı seçki məntəqəsində səs verərkən demişdir ki, bugünkü seçki ölkəmizin həyatında böyük əhəmiyyət daşıyır. Odur ki, elə məntəqənin özündə səs verməyi qərara aldım. Heç bir çətinliklə üzləşmədən istədiyim namizədə səs verdim. Ümumiyyətlə, belə seçkilər xalqımızın həyatında olduqca əhəmiyyətlidir. Odur ki, diqqətli olmalıyıq ki, sonradan peşimançılıq çəkməyək.

"Azərbaycan”

10 fevral 2020-ci il




Facebook-da paylaş