Qazaxda 31 Mart - Azərbaycanlıların Soyqırımı Günü ilə bağlı silsilə anım tədbirləri keçirilib
31 Mart -
Azərbaycanlıların Soyqırımı Günü ilə bağlı Qazaxın təhsil, səhiyyə,
mədəniyyət müəssisələrində, idarə, müəssisə və təşkilatlarında silsilə anım
tədbirləri keçirilib. Bütün
tədbirlərdə öncə soyqırım qurbanlarının xatirəsi bir dəqiqəlik sükutla yad
edilib. Tədbirlərdə
ermənilərin xalqımıza qarşı müxtəlif dövrlərdə həyata keçirdikləri soyqırımı və
işğalçılıq siyasəti barədə məlumat verilib. 1918-ci ildə erməni millətçiləri
tərəfindən törədilmiş qanlı faciənin tarixi haqqında ətraflı məlumatlar
verilərək məhz ümummilli lider Heydər Əliyevin 1998-ci il martın 26-da
imzaladığı "Azərbaycanlıların Soyqırımı haqqında” Fərmanının tarixin qaranlıq
səhifələrinə işıq salmağa imkan verdiyi diqqətə çatdırılıb. Bu Fərmanla uzun
illər bundan əvvəl baş vermiş hadisələr barədə həqiqətlərin açıqlandığı, xalqın
yaddaşının təzələndiyi qeyd olunub. 31 Mart - Azərbaycanlıların Soyqırımı Günündən,
ermənilərin zaman-zaman xalqımıza qarşı həyata keçirdiyi məkrli siyasətdən söz
açılıb. 31 Mart soyqırımı qurbanlarının xatirələrinin daim yad edilməli, bu soyqırım
haqqında məlumatların, həyata keçirilən maarifləndirmə tədbirlərində tarixi
faktların əhalimizə, xüsusilə yetişməkdə olan gənc nəslə çatdırılmalı olduğu
bildirilib. GOYEZEN.AZ
Facebook-da paylaş