Vətəndaşlar fərdi şəkildə qəbul edilib
Fəaliyyətə başladığı ilk gündən vətəndaş
amilini ön plana çəkən Qazax Rayon İcra Hakimiyyətinin başçısı Rəcəb Babaşov vətəndaşları
rəsmi qəbul günlərindən başqa, digər günlərdə də fərdi şəkildə qəbul edir, müraciətlərini
diqqətlə dinlədikdən sonra müvafiq tapşırıqlar verir. Bu gün
Qazax Rayon İcra Hakimiyyətinin başçısı Rəcəb Babaşov bir qrup rayon sakinini
ərizələrinə əsasən fərdi şəkildə qəbul edib, onların müraciətlərini dinləyib. Şəhər sakini, II qrup Qarabağ Müharibəsi əlili
Civişov Surxay Xanbaba oğlu oğlunun sığınacaqla təmin olunması barədə müraciət
edib. Vətəndaşın müraciətini diqqətlə dinləyən rayon rəhbəri gələcəkdə onun
müraciətinə yenidən baxılacağını bildirib. Ürkməzli kənd sakini Oruclu
Aytəkin Rasim qızının işlə təmin olunması barədə müraciətini dinləyən icra
başçısı vətəndaşa dövlət qulluğuna imtahan verməsini tövsiyə edib. Fərdi
qəbula gələn şəhər sakini Babayeva Naibə Mahmud qızı isə evinin dam örtüyünün
təmir olunmasına və digər abadlıq işlərinin aparılmasına köməklik göstərdiyi
üçün rayon rəhbərliyinə minnətdarlığını bildirib. Qeyd edib ki, sizin hər bir
rayon sakininə qayğı ilə yanaşmağınız, onların müraciətlərini dinləməyiniz onu
bir daha sübut edir ki, Qazaxda vətəndaş amili həmişə üstün tutulur. GOYEZEN.AZ
Şəhər sakini Xasayeva Kəmalə Saleh qızının, Daş Salahlı kənd sakini Bayramova
Hənifə Bayram qızının işlə təmin olunması ilə bağlı müraciətinə cavab olaraq ixtisaslarına
uyğun iş olmadığı və boş yer olan zaman işlə təmin olunacaqları
bildirilib.
Facebook-da paylaş