Azərbaycan tarixən birgəyaşayış modelinin universal nümunəsi olmuşdur
Avropa və Asiya qitələrinin sərhəddində yerləşən müasir Azərbaycan
tarixi keçmişdə müxtəlif sivilizasiyaların: əhəməni-sasani, roma-bizans, skif-xəzər,
türk-oğuz mədəniyyətlərinin kəsişməsində bərqərar olmuşdur. Həm qədimlərdə, həm
də müasir dövrdə Azərbaycan öz yüksək tolerantlığı ilə seçilən bir bölgə kimi
tarixdə qeyd olunub. Bura Zərdüştlük dininin vətəni, Qafqazda xristianlığın ilk
beşiyi, İslam dininin geniş yayıldığı məkan, müxtəlif etnosların sülh içində
yaşadığı ərazi olmuşdur. Bu gün Azərbaycan etnoqrafik rəngarəngliyi ilə seçilir. Onun ərazisində
Azərbaycan türkləri ilə bərabər dağ yəhudiləri, tatlar, talışlar, kürdlər,
molokanlar, ingiloylar, saxurlar, avarlar, ləzgilər, xınalıqlılar, buduqlular,
qrızlar, rutullar kimi etnik qruplar yaşayırlar. Qeyd olunan etnik qrupların
nümayəndələri özlərini azərbaycanlı saysalar da, hər bir qrup özünəməxsus fərqli
mədəniyyətin elementlərini qoruyub saxlamışdır. Azərbaycan müxtəlif etnik və dini qrupların ənənəvi dözümlülük və
harmonik birgəyaşayışı üzərində qurulmuş və həyata keçirilən milli siyasətin
aparıldığı çoxmillətli və çoxdinli ölkədir. Qanun mənşəyindən, milliyyətindən,
dinindən və dilindən asılı olmayaraq hər kəsin hüquq və azadlıqlarının bərabərliyinə
təminat verir. Bir neçə əsr ərzində milli azlıqlara mənsub olan şəxslər Azərbaycan
Respublikasında Azərbaycan xalqı ilə sülh və harmoniya şəraitində yaşamış və
yaşayırlar. Azərbaycan tarixən unikal çoxmillətli cəmiyyət olduğu üçün bu
multimədəniyyətli, multietnik irs bu gün də Azərbaycanda qorunub saxlanılmaqdadır. Azərbaycan ərazisində eyni zamanda ermənilər də yaşayır və ermənilər
Azərbaycanda yaşayan yeganə xalqdır ki, yaşadığı ölkənin çörəyinə, torpağına
xain çıxırlar. Ölkəmizin 20% ərazisini işğal etmiş qonşu Ermənistanla silahlı
münaqişə nəticəsində mövcud olan çətinliklər, erməni silahlı qüvvələri və
terrorist qruplaşmalarının təşkil etdiyi etnik təmizləmənin qurbanları olan azərbaycanlılarla
yanaşı müxtəlif milli azlıqlar da bu çətinlikləri birgə yaşayırlar. 44 gün davam edən İkinci Qarabağ müharibəsi zamanı Azərbaycanda
yaşayan etnik qrupların nümayəndələri bir an belə tərəddüd etmədən vətənin
müdafiəsinə qalxdılar, çoxsaylı şəhidlərimiz oldu. Bu gün Azərbaycan tərkibində çoxlu azsaylı xalqların nümayəndələrinin
yaşadığı tolerant, multikultural dövlət kimi bütün dünyaya nümunədir. Bunun
kökündə isə ölkə Prezidenti cənab İlham Əliyevin rəhbərliyi altında milli-mənəvi,
multikultural dəyərləri özündə əks etdirən Azərbaycanın güclü dövlət siyasəti və
bu sahədə görülmüş məqsədyönlü işlər dayanır. Bakı Dövlət Universitetinin Qazax filialının baş müəllimi
Facebook-da paylaş