Qazax məktəblərində Xocalı faciəsinin 28-ci ildönümünə həsr olunmuş silsilə tədbirlər keçirilib
Qazax
Rayon İcra Hakimiyyətinin başçısı Rəcəb Babaşov "Xocalı soyqırımının iyirmi səkkizinci
ildönümünün keçirilməsinə dair tədbirlər planı”nın hazırlanması haqqında 13
fevral 2020-ci il tarixli Sərəncam imzalayıb. 9-21/18 nömrəli Sərəncama əsasən
Xocalı soyqırımının iyirmi səkkizinci ildönümünün keçirilməsi ilə əlaqədar tədbirlər
planı hazırlanıb. Tədbirlər planına uyğun
olaraq rayonun bütün idarə, müəssisə və təşkilatlarında, təhsil, səhiyyə və mədəniyyət
müəssisələrində Xocalı soyqırmına həsr olunmuş silsilə tədbirlər, anım mərasimləri
keçirilib. Tədbirlər planına uyğun olaraq növbəti anım tədbirləri S.Vurğun
adına şəhər 2 nömrəli, İ.Qayıbov adına şəhər 3 nömrəli və Ş.Çobanov adına Ağköynək kənd tam orta
məktəblərində təşkil olunub. Tədbirdə iştirak edən məktəbin müəllim-şagird
kollektivi əvvəlcə Xocalı soyqırımı qurbanlarının və şəhidlərimizin xatirəsini
bir dəqiqəlik sükutla yad ediblər. Sonra faciəni özündə əks etdirən filmlər
nümayiş etdirilib. Şəhər
2 nömrəli tam orta məktəbin direktoru Murğuz Mustafayev, 3 nömrəli tam orta
məktəbin direktor əvəzi Nailə Əfəndiyeva, Ağköynək kənd tam orta məktəbin direktoru Rasimə Carçıyeva və başqaları tarixin yaddaşına qanla yazılan Xocalı
faicəsi haqqında çıxış ediblər. Bildiriblər ki, tarixən Azərbaycan xalqına
qarşı soyqırımı siyasəti həyata keçirən erməni millətçiləri 1992-ci ilin
fevralında öz vəhşi simalarını bir daha nümayiş etdirərək dinc əhaliyə divan
tutublar. Bu müdhiş soyqırımı zamanı 613 nəfər, o
cümlədən 106 qadın, 63 uşaq və 70 qoca xüsusi qəddarlıqla öldürülüb, 1275 insan
əsir və girov götürülərək işgəncələrə məruz qalıb. Onlardan 150 nəfərin, o cümlədən
68 qadın və 26 uşağın taleyi bu günədək məlum deyil. Qırğın zamanı 487 nəfər
müxtəlif dərəcəli bədən xəsarətləri alıb. Həmçinin 8 ailə tamamilə məhv edilib,
130 uşaq valideynlərindən birini, 25 uşaq isə hər iki valideynini itirib. Həmin
insanlar yalnız etnik mənsubiyyətlərinə - azərbaycanlı olduqlarına görə
amansızcasına öldürülüb, işgəncələrə məruz qalıb və şikəst ediliblər. Vurğulanıb ki, Ümummilli
Lider Heydər Əliyevin Azərbaycanda hakimiyyətə qayıdışından sonra Xocalı faciəsi
əsl siyasi və hüquqi qiymətini aldı. 1994-cü ildə Ulu Öndər Heydər Əliyevin təşəbbüsü
ilə Azərbaycan parlamenti 26 fevralı Xocalı Soyqırımı Günü kimi qəbul etdi. Soyqırımı ilə bağlı
həqiqətlərin dünya ictimaiyyətinə çatdırılmasında Heydər Əliyev Fondunun
vitse-prezidenti Leyla Əliyevanın təşəbbüsü ilə həyata keçirilən "Xocalıya
ədalət!” beynəlxalq təbliğat-təşviqat kampaniyasının böyük rolu olub. Artıq bir
çox ölkə və ABŞ-ın bir neçə ştatı Xocalı faciəsini soyqırımı kimi tanıyan
qətnamələr qəbul edib. Tədbirlərdə Prezident İlham Əliyevin apardığı siyasət
sayəsində torpaqlarımızın işğaldan azad ediləcəyi, şəhidlərimizin ruhunun
rahatlıq tapacağı günün uzaqda olmadığı da qeyd olunub. Daha sonra məktəblilərin ifasında Xocalı soyqırımına
həsr olunmuş ədəbi-bədii kompozisiyalar nümayiş etdirilib, şəhidlərimizə,
Vətənə həsr olunmuş qəhrəmanlıq və vətənpərvərlik mövzusunda şeirlər
səsləndirilib.
GOYEZEN.AZ
Ş.Çobanov adına Ağköynək kənd tam orta məktəb
S.Vurğun adına şəhər 2 nömrəli tam orta məktəb
İ.Qayıbov adına şəhər 3 nömrəli tam orta məktəb
Facebook-da paylaş