“Aztelekom” MMC-nin Qazax Telekommunikasiya Qovşağı öz işini günün tələbləri səviyyəsində qurur
Son illər ölkə Prezidenti cənab İlham Əliyevin diqqət
və qayğısı sayəsində ölkəmizdə bütün sahələr, o cümlədən də vətəndaşların
telekommunikasiya xidmətlərinə olan tələbatını təmin etmək məqsədilə çoxsaylı
tədbirlər həyata keçirilir. Ölkədə informasiya cəmiyyətinin bərqərar olması və
bunun tərkib hissəsi kimi İKT-nin geniş tətbiq edilməsi istiqamətində sistemli
fəaliyyət aparılır. Nəqliyyat, Rabitə və Yüksək Texnologiyalar Nazirliyinin
"Aztelekom” Məhdud Məsuliyyətli Cəmiyyəti tərəfindən respublikamızın bütün
bölgələrində genişmiqyaslı işlər görülür. "Aztelekom” MMC-nin Qazax Telekommunikasiya Qovşağının kollektivi də öz işini günün tələbləri səviyyəsində
qurur. Qovşağın kollektivi uzun illərdir rayonda mövcud olan problemlərin
aradan qaldırılması istiqamətində səylə çalışırlar. Görülmüş bütün işlərin
kökündə isə əhali, müəssisə və təşkilatlara göstərilən
telekommunikasiya xidmətlərinin keyfiyyətinin artırılması dayanır. Bundan
əlavə, rayonda mərkəzi xətt şəbəkəsi təmir edilərək müasir tələblər səviyyəsinə
çatdırılır, kabel-kanal sistemi texniki normalara gətirilir, köhnə dirəklər
bərpa edilir, sıradan çıxmış dirəklər isə yeniləri ilə əvəz olunur. TKQ tərəfindən 2020-ci
ilin noyabr, dekabr və 2021-ci ilin yanvar aylarında texniki sahədə görülmüş işlərə nəzər yetirsək bunun əyani
şahidi olarıq. "Kollec” EATS-nin daxili xətt şəbəkəsi
1175 m tpp 50x2 tipli,
944 m tpp 20x2 tipli,
810 m tpp 10x2 tipli kabellərdən
istifadə etməklə 200 nömrəlik xətt təsərrüfatı tikilmiş, əhalinin telefona olan
təlabatını ödəmək məqsədilə əlavə avadanlıqlar quraşdırılmaqla Cəfərli EATS-də
16 nömrə, Canalı EATS-də 128 nömrə artırılaraq ümumilikdə 344 nəfər sakinə
telefon xətti çəkilərək onların istifadəsinə verilmişdir. Dövlətin, ölkə Prezidentinin və rayon rəhbərliyinin şəhid ailələrinə,
Qarabağ müharibəsi əlillərinə, veteranlarına olan qayğısını əldə rəhbər tutuan
Qovşağın kollektivi bu təbəqədən olan insanları daim diqqətdə saxlayır,
qaldırdıqları hər bir məsələyə həssaslıqla yanaşırlar. Şəhidlərimizə və qazilərimizə
olan qayğının nəticəsidir ki, qeyd edilən müddət ərzində 26 nəfər şəhid ailəsinə,
23 nəfər Vətən müharibəsi qazisinə, 2 nəfər müharibə iştirakçısına telefon və
internet xətti çəkilmişdir. Qovşağın əməkdaşları tərəfindən şəhərlə yanaşı, kəndlərdə də vətəndaşlarıntelekommunikasiya
xidmətlərinin keyfiyyətinin artırılması istiqamətində məqsədyönlü işlər
görülür. Bu dövrdə təmir məqsədilə şəhərin H.Əliyev
prospektində
50 mtpp 50x2 tipli, S.Vurğun küçəsində
190 m tpp 10x2 tipli, Abbasbəyli kəndində
250 m tpp 100x2 tipli, Cəfərli
kəndində
140 mtpp 20x2 tipli, Birinci Şıxlı kəndində
195 m tpp 50x2 tipli, Ağköynək kəndində
160 m tpp 20x2 tipli, Çaylı kəndində
130 mtpp 100x2 tipli kabellər dəyişdirilərək bu kabellərdə işləyən telefon və
internetin keyfiyyəti yüksəldilmişdir. Şəhər və kəndlərdə hava rabitə xətlərinin təmiri üçün 36 ədəd beton
calaqdan istifadə etməklə 42 ədəd ağac dirək təmir olunmuş, 7 ədəd dəmir dirək
basdırılmaqla dibi çürümüş, istismara yararsız ağac dirək dəyişdirilmişdir. Bundan
başqa, köhnəlmiş, istifadəyə yararsız hala düşmüş 11 ədəd abunə qutusu,
7450 m abunəçi naqili dəyişdirilmiş,
12 ədəd kabel-kanalizasiya quyusu təmir olunmuşdur. Qovşağın kollektivi tərəfindən vətəndaşlara göstərilən telekommunikasiya
xidmətlərinin keyfiyyətinin artırılması istiqamətində görülmüş işlər rayon
sakinləri tərəfindən də razılıq hissi ilə qarşılanır. Rayonda aparılan abadlıq
və quruculuqla yanaşı, sakinlərin internet və rabitə sahəsində olan
qayğılarının həlli istiqamətində görülmüş işlərə görə minnətdarlıq edirlər.
İllərdir ki, rabitə və internet sahəsində həlli vacib olan məsələlərin qısa bir
vaxtda aradan qaldırılmasını, bu sahədə ardıcıl işlərin aparılmasını müsbət
qiymətləndirirlər. Rayonda bütün sahələrdə vətəndaşlara göstərilən qayğıya görə
ölkə Prezidentinə minnətdarlıqlarını bildirirlər. GOYEZEN.AZ
Facebook-da paylaş