“Azəriqaz” İstehsalat Birliyi tərəfindən Qazaxda magistral yerüstü qaz xəttinin çəkilişi zamanı yol verilmiş nöqsanlar qısa vaxtda aradan qaldırılacaq
Ötən yazımızda Qazax rayonunda şəhər sakinlərinin mavi
yanacağa olan tələbatını daha da yaxşılaşdırmaq məqsədilə "Azəriqaz”
İstehsalat Birliyinin Təmir Tikinti İdarəsi tərəfindən magistral yeraltı
qaz xəttinin yeni yerüstü qaz xətti ilə əvəzlənməsi işlərinin aparılması barədə
məlumat vermişdik. Eyni zamanda sözügedən idarə tərəfindən görülmüş işlər
kor-təbii aparıldığından vətəndaşların haqlı narazılığına səbəb olması, bu
məqsədlə də çoxsaylı vətəndaş müraciətini nəzərə alaraq Qazax Rayon
İcra Hakimiyyətinin başçısı Rəcəb Babaşovun icra aparatının məsul şəxsləri və
Şəmkir Regional Qaz İstismar İdarəsinin Qazax Xidmət Sahəsi üzrə rəis müavini
Səbuhi Əliyevlə birlikdə çəkiliş aparılmış həmin əraziyə yerində
baxış keçirməsi və işlərin dayandırılması haqqında qeyd etmişdik. Yerində aidiyyatı
üzrə bildirilən iradlar, edilən xəbərdarlıqlar artıq öz müsbət nəticəsini
verir. Belə ki, çəkiliş zamanı yol verilmiş nöqsanlar qısa vaxtda aradan qaldırılacaq.
Bu gün Qazax Rayon İcra Hakimiyyətinin başçısı
Rəcəb Babaşovun icra aparatının məsul şəxsləri, Şəmkir Regional Qaz İstismar
İdarəsinin rəisi Zaur Məmmədov və Şəmkir RQİİ-nin Qazax Xidmət Sahəsi üzrə rəis
müavini Səbuhi Əliyevlə birlikdə yenidən həmin əraziyə baxış
keçirməsi, qeyd edilən çatışmazlıqların, bildirilən nöqsanların geniş şəkildə
müzakirə olunması və aidiyyatı üzrə bir daha ciddi tapşırıq verilməsi onu
söyləməyə əsas verir ki, bu məsələ yaxın zamanda müsbət həllini tapacaq. Məlumat üçün bir daha qeyd edək ki, Bakı-Ələt-Qazax-Gürcüstan
dövlət sərhədi avtomobil yolunun Qazax rayonu ərazisindən keçən hissəsinin
sol istiqamətində yeraltı keçən diametri 159 mm-lik orta
təzyiqli magistral qaz xətti diametri 219 mm-lik yerüstü qaz xətti
ilə əvəzlənir. Hazırda bu günə kimi 1171 p/m uzunluğunda yeni magistral yerüstü
qaz xətti çəkilib.
GOYEZEN.AZ
Facebook-da paylaş