“Regionun geosiyasi lideri - Azərbaycan”
Azərbaycan Respublikasının
Prezidenti İlham Əliyevin son
17 ildə səmərəli, sistemli düşünülmüş və milli dövlətçiliyin möhkəmlənməsinə
xidmət edən siyasəti sayəsində cəmiyyətin bütün sahələrində siyasi, sosial,
mədəni, hərbi sahələrdə uğurlu proqramlar həyata keçirilib, sistemli və davamlı
inkişaf dinamikası meydana gəlib. Prezidentin daxili və xarici siyasəti
uyğunlaşdırması və həmin konteksdə ordu quruculuğu təhlükəsizliyinin təmin edilməsi və ərazi bütövlüyün
bərpası istiqamətində mühüm işlər görülüb. Azərbaycan sentyabrın 27-də başlanan
müharibədə qalib ölkə kimi öz ərazi bütövlüyünü təmin etdi. Ermənistan isə
məğlub ölkə kimi kapitulyasiya aktına imza atdı. Cənubi Qafqaz regionunda sülh
bərqərar oldu və bu gün Azərbaycan əməkdaşlıqlar və tərəfdaşlıqlar məkanı kimi
bir çox xarici dövlətlərin marağını çəkən dövlətdir. Lakin 30 ildə əziyyət çəkmiş tərəf olmağımıza
baxmayaraq biz əməkdaşlığa hazırıq və bunu dəfələrlə bəyan etmişik ki, gələcək
haqqında danışılsın. Regionun xalqları sülh və əmin-amanlıq şəraitində birgə yaşamağı öyrənməlidir. Biz
istəsək də, istəməsək də qonşuyuq və yanaşı yaşamalıyıq. Bu asan deyil.
Azərbaycan xalqı azad edilmiş torpaqlara səfərlər etdiyi zaman tam yerlə-yeksan
olunan yerləri görəndə ağır hisslər yaşayırlar. Amma Azərbaycan tərəfi hər
zaman köhnə səhifəni çevirib, yeni səhifəni açmağa hazırdır. Və bu işdə
beynəlxalq hüquq və ədalətə arxalanaraq öz işimizi görürük. Ermənistan isə
diasporanın köməyinə ümid edərək qeyri konstruktiv
mövqe nümayiş etdirib. Nəticə isə göz önündədir. Ermənistanın alçaldıcı
məğlubiyyətinə səbəb olan amillərdən biri məhz elə onların diasporası oldu.
Reallıq və davranış arasında fərq işimizi müdafiə etmək və mesajımızı çatdırmaq
üçün üzləşdiyimiz və hələ də qarşılaşdığımız ən böyük çağırışlardan biridir. Azərbaycanla Ermənistan arasında
əlaqələrin normallaşmasında Azərbaycan öz üzərinə düşən öhdəlikləri yerinə
yetirməkdədir. Ermənistan isə hələ də qeyri konstruktiv mövqeyindən əl çəkmir.
Bu da, regionda sülhün təminatı üçün təhlükədir. ABŞ dünyanın hər bir regionunda
mühüm rol oynayır. Bu məsələdə də Azərbaycan-Ermənistan münasibətlərinə müsbət təsirini göstərə
bilən aparıcı dövlət və ATƏT-in Minskqrupunun həmsədr ölkəsidir. Ona görə də ABŞ-ın dəstəyi və ədalətli mövqeyi regionun inkişafını
sürətləndirə bilər. Bu səbəbdən münasibətləri normallaşdırmağa kömək edən və
icmalara bizim yanaşı yaşamalı olduğumuzu başa salmaq istiqamətində səylər
yüksək qiymətləndiriləcək. ABŞ öz potensialından istifadə edərək Ermənistanı
inandıra bilər ki, revanş məsələsinin hətta ağıllarına belə gətirilməsi onlar
üçün olduqca təhlükəli olacaq. Məğlub ölkə kimi imza atdığı kapitulyasiya aktında
Ermənistan həm də öhdəliklər götürüb ki, onlara mütləq əməl etməlidir. Bunlardan
biri Zəngəzur dəhlizinin açılmasıdır. Zəngəzur dəhlizi regionun inkişafında
strateji əhəmiyyət kəsb edir. Bu dəhliz açıldıqdan sonra bütün region ölkələri
üçün yeni imkanlar yaranacaq. Bu səbəbdən Azərbaycan əməkdaşlığa və ümumi
gələcəyimizin planlaşdırılmasına hazırdır. Məsuliyyətli ölkə və gələcək barədə
düşünən hökumət kimi biz bərpa olunan enerji üçün investorlar cəlb etməyə
başlamışıq. Qlobal ekoloji vəziyyətin qorunmasında Azərbaycan özünü
məsuliyyətli ölkə kimi aparır. İşğaldan azad edilmiş ərazilərdə - Laçın rayonunda ilk su elektrik stansiyasının
açılışı bir neçə ay bundan əvvəl oldu. Qarabağ ərazisində 10-dan çox su
elektrik stansiyası yaratmaq planlaşdırılır. Bizim Rusiya, İran, Gürcüstan,
Türkiyə ilə xətlərimiz var. Biz hər tərəfə enerji ixrac edirik. Elektrik
enerjisi ixracı artıq on milyonlarla dollar gəlir gətirir, lakin yüz
milyonlarla gəlir gətirəcək. Azərbaycan Ermənistan istisna olmaqla bütün
qonşuları ilə işgüzar münasibətlər qurmaqla regionun lideri kimi özünü təsdiq
etdi. Azərbaycan BMT-nin 4 qətnaməsini təkbaşına reallaşdırdı. Bu isə Cənubi
Qafqazda yeni geosiyasi reallığın yaranmasına səbəb oldu. Azərbaycan regionda
yeni əməkdaşlıq yolu açdı. Yeni geosiyasi reallığın mərkəzi punktunu əməkdaşlıq
və təhlükəsizlik təşkil edir. Bütün bu əməkdaşlıq və tərəfdaşlıqlar
kontekstində Azərbaycan öz regional liderliyini qoruyacaq. Prezident İlham
Əliyevin təbirincə desək: "...bizim uğurlu enerji siyasətimiz, nəqliyyat
siyasətimiz nəinki enerji və nəqliyyat dəhlizlərinin yaranmasına gətirib
çıxaracaq, eyni zamanda bölgədə və geniş mənada Avrasiya bölgəsində yeni
əməkdaşlıq formatlarını yaradacaq. Bu gün bu layihələr ətrafında birləşən və bu
layihələri bizimlə bərabər icra edən ölkələrin sayı artmaqdadır və bu istər-istəməz
bu ölkələr arasında,
hətta əvvəlki dövrlərdə bir-biri ilə o qədər isti münasibətləri olmayan ölkələr
arasında da əmakdaşlığı labüd edir”. Gültəkin HÜSEYNƏLİYEVA, Qazax Rayon Heydər Əliyev Mərkəzinin
əməkdaşı
Facebook-da paylaş