Qazaxda Əliağa Şıxlinski küçəsində yerləşən 4 və 5 saylı çoxmənzilli yaşayış binalarının həyətinə asfalt örtüyü vurulub
Ölkə Prezidenti cənab İlham Əliyevin diqqət və qayğısı nəticəsində
Qazax rayonunda aparılan genişmiqyaslı abadlıq və quruculuq işləri uğurla davam
etdirilir. Son dövrlər böyük bir tikinti
meydançasını xatırladan rayonda görülən işlər sayəsində Qazax respublikamızın
abad rayonlarından birinə çevrilir. Hazırda ölkə başçısının qayğısı sayəsində "Azərsu” Açıq Səhmdar Cəmiyyəti
tərəfindən Qazax şəhərində içməli su və kanalizasiya sisteminin yenidən
qurulması lahiyəsi icra olunur. Təqdirəlayiq hal isə odur ki, şəhərdə su və
kanalizasiya xətlərinin çəkilişi yekunlaşan ərazilər abadlaşdırılır. Belə ki,
işlərin başa çatdırıldığı prospekt və küçələr asfaltlanır, səkilərə yeni tamet,
bardür düzülür, qaz, elektrik, rabitə xətləri səliqəyə salınır, rənglənmə
işləri aparılır. Bu günə kimi şəhərin Heydər Əliyev
prospektində su və kanalizasiya sisteminin çəkilişləri yekunlaşan
hissələrdə, eləcə də çəkiliş tam başa çatmış Molla Pənah Vaqif, Səməd
Vurğun, Azadlıq, Zeynalabdin Tağıyev, Murtuz
Carçıyev, Əminə Dilbazi, Molla Vəli Vidadi, Hüseyn Arif, Məmməd
Əmin Rəsulzadə, Əhməd Seyidov, Mehdi Hüseyn, Bakı, Firuddin
Şamoyev, Əliağa Şıxlinski küçələrinə yeni asfalt örtüyü
vurulub. Şəhərin Nəriman Nərimanov yaşayış massivində yerləşən 1,2,3,49
saylı, Heydər Əliyev prospektində yerləşən
61A,63,65 saylı, Azadlıq küçəsində yerləşən
92,208,208A saylı, Şəhidlər Xiyabanı küçəsində
yerləşən 12,14,25,27 saylı çoxmənzilli yaşayış binalarının həyətində abadlıq
işləri aparılaraq "Abad məhəllə” kimi
sakinlərin istifadəsinə verilib. Qazaxda daha
iki çoxmənzilli yaşayış binasının - Əliağa Şıxlinski küçəsində yerləşən 4 və 5 saylı binaların həyətində su-kanalizasiya sisteminin
çəkilişi yekunlaşdığından asfalt örtüyü
vurulub. 2018-ci ilin oktyabrında əsaslı şəkildə təmirdən sonra
sakinlərin istifadəsinə verilən hər iki bina göz oxşayır. Qeyd edək ki, hər iki
binanın dam örtükləri yenilənib, bloklarda divarlarda olan köhnə suvaqlar
çapılaraq yenidən vurulub. Daxili fasadla yanaşı, binanın xaricində də suvaq
işləri aparılıb, göz oxşayan rənglərlə boyanıb. Bundan əlavə, binaların giriş
hissələrinə yeni dəmir qapılar qoyulub. Elektrik və telefon xətləri səliqəyə
salınıb. Binaların həyətində köhnə işıq dirəkləri yenisi ilə əvəz olunub və SİP
kabelləşmə işi aparılıb. Həmçinin, binaların həyətində olan xeyir-şər evi də
təmir edilib. Bu gün isə həyətlərinə asfalt
örtüyü vurularaq "Abad məhəllə” kimi sakinlərin ixtiyarına verilib. Respublikamızda aparılan quruculuq işlərinin Qazaxda da geniş vüsət almasını razılıq
hissi ilə qarşılayan sakinlər buna görə ölkə Prezidenti İlham Əliyevə
minnətdarlıqlarını bildirirlər. Bunu bina sakinləri görülmüş işlərə görə
razılıq bildirərkən bir daha qeyd ediblər. Əliağa Şıxlinski küçəsində yerləşən 5 saylı binanın həyəti
Əliağa Şıxlinski küçəsində yerləşən 4 saylı binanın həyəti
GOYEZEN.AZ
Facebook-da paylaş