Qazaxda su və kanalizasiya sisteminin çəkilişi yekunlaşan Bakı küçəsində asfalt vurulmasına başlanılıb – FOTOLAR
Respublika Prezidenti cənab İlham Əliyevin rəhbərliyi altında regionların
sosial-iqtisadi inkişafına dair qəbul
olunmuş çoxsaylı Dövlət Proqramlarının uğurlu
icrası nəticəsində bu gün nəinki paytaxt Bakıda, eləcə də respublikamızın hər yerində genişmiqyaslı
quruculuq işləri həyata keçirilir. Ölkə
Prezidentinin diqqət və qayğısı sayəsində son illər Qazax rayonu da böyük bir tikinti meydançasını xatırladır.
Belə ki, Qazaxda yeni asfalt yolların çəkilməsi, əhalinin mənzil-məişət
şəraitinin yaxşılaşdırılması məqsədilə çoxmənzilli yaşayış binalarının təmir olunması,
çoxsaylı məktəb binalarının, körpələr evi-uşaq bağçalarının tikilməsi, əsaslı
şəkildə yenidən qurulması bir daha onu sübut edir ki, illər ötdükcə Qazax rayonu inkişaf edərək abad rayonlardan birinə
çevrilir. Hazırda ölkə
başçısının qayğısı sayəsində Qazaxda şəhərin içməli su və kanalizasiya
sistemi yenidən qurulur. "Azərsu” Açıq Səhmdar Cəmiyyəti tərəfindən
həyata keçirilən işlər sürətlə davam etdirilir. Ən əsası da şəhərdə nəinki su
və kanalizasiya xətlərinin çəkilişi aparılır, eyni zamanda işlərin başa
çatdırıldığı küçələrdə quruculuq işləri görülür. Küçələrə yeni asfalt vurulur,
səkilərə tamet və bardür düzülür, qaz, elektrik, rabitə xətləri səliqəyə
salınır və digər abadlıq işləri aparılır. Xəbər verdiyimiz kimi,
artıq xeyli vaxtdır ki, şəhərin Heydər Əliyev prospektində və Bakı küçəsində su-kanalizasiya
sisteminin çəkilişləri yekunlaşan hissələrdə abadlıq işlərinə start verilib. Bu
gün su və kanalizasiya sisteminin çəkilişi yekunlaşan Bakı küçəsində birinci qat asfaltın vurulmasına başlanılıb. Məlumat üçün qeyd edək ki, bu günə kimi şəhərin Molla
Pənah Vaqif, Səməd Vurğun, Azadlıq, Zeynalabdin
Tağıyev, Murtuz Carçıyev, Əminə Dilbazi, Molla
Vəli Vidadi, Hüseyn Arif, Məmməd Əmin Rəsulzadə, Əhməd
Seyidov, Mehdi Hüseyn küçələrinə yeni asfalt vurulub. Bundan
əlavə, şəhərin Nəriman Nərimanov yaşayış massivində yerləşən 1,2,3,49
saylı, Heydər Əliyev prospektində yerləşən
61A,63,65 saylı, Azadlıq küçəsində yerləşən
92,208,208A saylı, Şəhidlər Xiyabanı küçəsində
yerləşən 12,14,25,27 saylı çoxmənzilli yaşayış binalarının həyətində abadlıq
işləri aparılaraq "Abad məhəllə” kimi
sakinlərin istifadəsinə verilib. Həmçinin, şəhərdə ən böyük küçələrdən olan Əliağa Şıxlinski küçəsində su-kanalizasiya
sisteminin çəkilişi yekunlaşdırılır ki, işlər bitən kimi burada da yeni asfalt
vurulacaq. Son illər ölkə başçısının rəhbərliyi altında
respublikamızın hər yerində olduğu kimi, Qazaxda da
genişmiqyaslı quruculuq işlərinin aparılmasını razılıq hissi ilə qarşılayan
rayon sakinləri görülmüş
işlərə görə ölkə Prezidenti İlham Əliyevə minnətdarlıq edirlər. Abadlıq işləri aparılan və yeni asfalt vurulan Bakı küçəsi
GOYEZEN.AZ
Facebook-da paylaş