Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası və “Qərb - Resurs” Vətəndaş Cəmiyyətinin İnkişafına Dəstək İctimai Birliyinin təşkilatçılığı ilə “Qarabağın danılımaz tarixi” adlı buklet çap olunub.

Buklet Azərbaycana gələn qonaqlar üçün “Qarabağın danılmaz tarixi” adlı aksiyalarla məlumatlandırma işinin aparılması layihəsi çərçivəsində hazırlanıb.

Bukletin hazırlanmasında əsas məqsəd dünya tarixçilərinin arxiv materiallarına əsaslanan tədqiqatlarını göstərərək “Qarabağın danılmaz tarixini” bütün dünyaya çatdırmaq və bununla da Qarabağın Azərbaycanın ayrılmaz bir hissəsi olduğunu bir daha sübut etməkdir.

Bunun üçün buklet üç dildə: Azərbaycan, rus və ingilis dillərində çap olunub.

Bukletdə “Qarabağ toponimi”, “Arsax toponimi”, “Ermənilər Alban deyillər” və “Ermənilərin Azərbaycana gəlişi” adlı yazılarda maraqlı məlumatlar verilib.

Verilən məlumatlar tədqiqat zamanı tapılan arxiv kitablardan çıxarılıb.

Ən maraqlısı isə odur ki, bu kitablarıın bir çoxu elə erməni yazıçıları tərəfindən yazılıb.

Həmçinin bukletdə tarixi sənədlərimiz olan “Türkmənçay” və “Kürəkçay” müqavilələri haqqında da məlumat verilib.