Qazaxda dənli və texniki bitkilərin, meşə və meşə zolaqlarının yanğın təhlükəsizliyinin təmin olunmasına həsr olunmuş seminar-müşavirə keçirilib
Azərbaycan
Respublikası Fövqəladə Hallar Nazirliyinin 2022-ci il üçün iş planının icrası
ilə əlaqədar Nazirliyin Dövlət Yanğın Nəzarəti Xidməti Gəncə Regional Dövlət
Yanğın Nəzarəti İdarəsi tərəfindən dənli və texniki bitkilərin, həmçinin meşə və
meşə zolaqlarının yanğın təhlükəsizliyinin təmin olunması ilə bağlı silsilə tədbirlər
keçirilir. Mayın
27-də Qazax Rayon İcra Hakimiyyətinin və FHN-nin Dövlət Yanğın Nəzarəti Xidməti
Gəncə Regional Dövlət Yanğın Nəzarəti İdarəsinin birgə təşkilatçılığı ilə dənli
və texniki bitkilərin, meşə və meşə zolaqlarının yanğın təhlükəsizliyinin təmin
olunması ilə bağlı seminar-müşavirə keçirilib. Qazax
Rayon İcra Hakimiyyətinin akt zalında təşkil olunmuş tədbirdə Qazax Rayon İcra
Hakimiyyəti başçısının birinci müavini, Rayon Fövqəladə Hallar Komissiyasının sədri
Məmməd Alıyev, icra aparatının məsul işçiləri, FHN-nin Dövlət Yanğın Nəzarəti
Xidməti Gəncə Regional Dövlət Yanğın Nəzarəti İdarəsinin rəisi, d/x polkovniki Natiq
Piriyev, Qazax Rayon Dövlət Yanğından Mühafizə Hissəsinin rəisi Gəray Güliyev,
hər iki idarənin əməkdaşları, Qazax Rayon Polis şöbəsinin, Tovuz Regional Meşə
Təsərrüfatı Mərkəzinin, "Aqrolizinq” ASC-nin Şəmkir Regional nümayəndəliyinin
Qazax rayon bölməsinin, 2 saylı Regional Ekologiya və Təbii Sərvətlər İdarəsinin,
Qazax Dövlət Aqrar İnkişaf Mərkəzinin nümayəndələri, Qazax RİH başçısının kənd
inzibati ərazi dairələri üzrə nümayəndələri, bələdiyyə sədrləri, fermerlər
iştirak ediblər. Tədbirdə
əvvəlcə torpaqlarımızın azadlığı uğrunda canlarından keçmiş igid Vətən oğullarının,
şəhidlərimizin əziz xatirəsi bir dəqiqəlik sükutla yad olunub. Qazax Rayon İcra Hakimiyyəti başçısının birinci müavini, Rayon Fövqəladə
Hallar Komissiyasının sədri Məmməd Alıyev giriş sözü ilə çıxış edərək qonaqları və
iştirakçıları rayon rəhbərliyinin adından salamlayıb, tədbirin məqsəd və əhəmiyyətindən
danışıb. Bu cür əhəmiyyətli bir tədbirin Qazax rayonunda keçirilməsinə görə
razılığını bildirib. Gəncə Regional Dövlət Yanğın Nəzarəti İdarəsi ilə olan əməkdaşlıqdan
söz açan birinci müavin mütəmadi olaraq belə maarifləndirmə tədbirlərinin təşkil
olunduğunu, bugünkü tədbirin də bu sahədə olan işlərin davamı olduğunu qeyd
edib. M.Alıyev dənli və texniki bitkilərin, həmçinin meşə və meşə zolaqlarının
yanğın təhlükəsizliyinin təmin olunmasının Qazax Rayon İcra Hakimiyyətinin
başçısı Rəcəb Babaşov tərəfindən daim nəzarətdə saxlanıldığını, bu sahədə məqsədyönlü
təbirlər həyata keçirildiyini qeyd edib. Birinci müavin rayon rəhbərliyinin
müvafiq tarixli və nömrəli Sərəncamlarına əsasən taxıl zəmilərində, otlaq sahələrində,
habelə meşə fondu ərazilərində təhlükəsizlik tədbirlərinin görülməsi, həmçinin Qazax
rayonu ərazisində taxıl biçininin vaxtında və itkisiz aparılması üçün Komissiya
yaradıldığını, sözügedən məsələ ilə bağlı komissiya üzvlərinin üzərinə düşən məsuliyyətin
onların nəzərlərinə çatdırıldığını qeyd edib. M.Alıyev bugünkü tədbirin əsas məqsədinin
dənli və texniki bitkilərin yığımı, daşınması, saxlanılması və emalı dövründə
yanğın təhlükəsizliyinin təmin edilməsi, biçilmiş taxıl sahələrinin, quru ot,
kol-kos və kövşənlərin yandırılmaması, meşə və meşə zolaqlarının yanğın təhlükəsizliyinin
təmin edilməsinin vacibliyini önə çəkmək, bu sahədə görülməsi nəzərdə tutulan işləri
müzakirə etmək olduğunu bildirib. Birinci müavin qeyd edib ki, kimliyindən
asılı olmadan hər kəs istər dənli və texniki bitkilərin, istərsə də meşə və meşə
zolaqlarının yanğın təhlükəsizliyinin təmin olunmasında üzərinə düşən məsuliyyəti
dərk etməli, əhalinin bu sahədə maarifləndirilməsi üçün əlindən gələni əsirgəməməlidir.
Dövlətin bu sahə ilə bağlı gördüyü işlərə hər kəs öz töhfəsini verməlidir. FHN-nin Dövlət Yanğın Nəzarəti Xidməti Gəncə Regional Dövlət Yanğın Nəzarəti
İdarəsinin Dövlət Yanğın Nəzarəti Şöbəsinin böyük inspektoru Etibar Vəliyev çıxış edərək taxıl yığımı
zamanı yanğın təhlükəsizliyi tədbirləri barədə ətraflı məlumat verib. E.Vəliyev
qeyd edib ki, bu gün taxıl tədarükü iqtisadiyyatımızda gündəmdə olan prioritet sahələrdəndir. Təsadüfi deyildir ki, son
dövrlər taxıl tədarükünün artırılması, əhalinin ərzaq təminatı ilə bağlı dövlət başçısı tərəfindən mühüm qərarlar qəbul edilir. E.Vəliyev bildirib ki,
taxıl tədarükü ilə bağlı qarşıya qoyulan vəzifələrin həllində bu strateji əhəmiyyətliməhsulun
yanğın təhlükəsizliyi də daim diqqət mərkəzində olmalı, yanğın təhlükəsizliyiilə bağlı
bütün zəruri tədbirlər həyata keçirilməlidir. Zəmilərin yaşıl örpəyinin qızılı
donla əvəz olunduğu, kombaynların sahələrə çıxdığı, yəni taxıl
yığımı, mal-qara üçün silos, senaj, quru ot tədarükü görüldüyü mövsümdə
müxtəlif dənli və texniki bitkilərin, o cümlədən taxılın, həmçinin qaba və şirəli yemlərin
yanğından qorunması üçün yanğın təhlükəsizliyi qaydalarına ciddi əməl
olunmalıdır. Birinci növbədə qeyd edilməlidir ki, kənd təsərrüfatı məhsullarınınyanğındanqorunması
tək yanğından mühafizə orqanları əməkdaşlarının deyil, həm də aqrarsahədə, o
cümlədən fermer təsərrüfatında çalışan bütün əməkçilərin - təsərrüfatbaşçılarının,
traktorçuların, kombaynçıların, mexanizatorların, mexaniklərin, sürücülərin
və s. ümdə
vəzifəsi olmalıdır. Xüsusi olaraq qeyd edək ki, mülkiyyət formasından asılı
olmayaraq hər bir təsərrüfat rəhbəri tabeliyində olan obyektlərin
yanğın təhlükəsizliyinə cavabdeh şəxs kimi məsuliyyət daşıyır. Həmçinin ot biçini
və taxıl yığımı başlayan vaxtdan qurtaranadək təsərrüfat rəhbərləri yanğın təhlükəsizliyi
qaydalarına əməl olunmasını tam təmin etməli, bununla əlaqədar kənd təsərrüfatı
işçiləri arasında müvafiq maarifləndirmə işləri aparmalıdırlar. E.Vəliyev
vurğulayıb ki, taxıl və ot yığımına başlamazdan əvvəl bütün təsərrüfat rəhbərləri,
biçində iştirakedən hər
bir şəxs kənd təsərrüfatı texnikasını yanğına qarşı hazırlamalı, ilkin odsöndürmə vasitələri ilə tam
təmin etməlidirlər. Dənli və texniki bitkilərin yığılması,daşınması,
emalı və saxlanması dövründə yanğın təhlükəsizliyinə nəzarət etmək
üçün əmrlə
cavabdeh şəxslər təyin edilməlidir. Məhsul yığımında iştirak edən traktor və
kombayn sürücüləri, onların köməkçiləri, digər mexanizatorlar, eləcə də məhsul
yığımına cəlb edilən hər bir şəxs qanunvericilikdə nəzərdə tutulmuş
qaydada xüsusi proqram üzrə yanğına qarşı təlimat keçməlidir. Yanğın təhlükəsizliyi
üzrə təlimat almayan şəxsə məhsul yığımında iştirak etməyə icazə verilməməlidir.
Məhsul yığımında iştirak edən texnikanın hamısı işə
başlamazdan əvvəl
yanğına qarşı texniki müayinədən keçirilməli, onların yanğın təhlükəsizliyitələblərinə
cavab vermələri barədə akt tərtib edildikdən sonra sahəyə buraxılmalıdır.Məhsul
yığımında iştirak edən bütün texnikaların, mühərriklərin atqı borularıqığılcımsöndürənlərlə
təmin edilməlidir. Kollektorların birləşmə hissələrinin və atqı borusunun
ara qatlarında
zədələnmələr olmamalıdır. Əgər məhsul yığımı ilə eyni vaxtda biçilməmiştaxıl zəmilərinin
yaxınlığında payız şumlanma işləri aparılarsa, onda şum
traktorları mütləq
qığılcımsöndürənlərlə təmin edilməlidir. Mühərrikin çıxış kollektoruna küləşli
məhsulların düşməsinin qarşısını almaq məqsədilə örtüksüz (kapotsuz) və ya
örtüyü (kapotu) açıq olan texnikaların istifadəsinə icazə verilməməlidir. Mühərriki
akkumlyatorla işə salınan kombayn, traktor və özü hərəkət edən kənd təsərrüfatı
texnikalarının akkumulyatorları işlədicilərdən ayıran açarla təmin edilməli,
texnikalardakı elektrik naqilləri etibarlı izolyasiya olunmalı, birləşmələri bərkidilməli,
eləcə də sürtünmədən və mexaniki zədələnmədən qorunmalıdır. Naqillər gövdə və
onun iti künclərindən keçən yerlərdə rezin və yaxud plastmas borularla mühafizə
olunmalıdır. Yığımda iştirak edən texnikaların yanğın təhlükəsizliyi tələblərinə
uyğun olması hər bir müəssisədə təşkil olunmuş xüsusi komissiya tərəfindən yerli
Dövlət Yanğın Nəzarəti orqanı əməkdaşı ilə birgə yoxlanılmalıdır. Taxıl yığımı
və ot tədarükü zamanı kombaynın kənar adam tərəfindən işə salınması, onun yedəyə
alınmaqla və yüksəklikdən buraxmaqla işə salınması, kombayna əlavə oturacağın
quraşdırılması, yanacaq və yağların sızmasına yol verilməsi, işdən sonra
texnikanın sahələrdə saxlanması, kombaynlarda əlavə yanacaq və yağlama
materiallarının saxlanılması qəti qadağandır. E.Vəliyev bildirib ki, dənli və
texniki bitkilərin yetişdiyi dövrdə yanğın təhlükəsizliyinin təmin edilməsi məqsədilə
bir sıra zəruri tədbirlər təxirəsalınmadan həyata keçirilməlidir. Belə ki, meşə
zolaqları, avtomobil və dəmiryolları taxıl zəmilərinə yaxın olduqda onların
arası biçilməli və eni 4 metrdən az olmamaq şərti ilə şumlanmalıdır. Biçilmiş
ot taxıl zəmilərindən ən azı 30 metr aralıda tayaya vurulmalıdır. Taxıl yetişən
zaman cavabdeh şəxslər tərəfindən zəmiləri yanğından qorumaq məqsədilə xüsusi
keşikçilər ayrılmalıdır. Biçilmiş ot və taxıl həmin sahədən kənara
daşınmalıdır. Taxıl yığımı, ot tədarükü zamanı müvəqqəti tarla düşərgələri
taxıl zəmilərindən, xırmanlardan və s. yanğın təhlükəli yerlərdən ən azı 100
metr kənarda yerləşdirilməlidir. Tarla düşərgələrində, taxıltəmizləmə
xırmanlarında, ot və küləş tayaları yığılan sahələrdə siqaret çəkmək üçün
xüsusi yer ayrılmalı və həmin yer ilkin yanğınsöndürmə vasitələri ilə təmin
edilməli, eləcə də üzərində "Siqaret çəkmək yeri" yazılmış lövhə
asılmalıdır. Digər sahələrdə siqaret çəkmək, açıq oddan istifadə etmək qəti
qadağandır. Məhsul yığımı dövründə bir sıra zəruri yanğın təhlükəsizliyi tədbirləri
həyata keçirilməlidir. Biçin işi aparılan taxıl zəmilərinin yaxınlığında baş
verə biləcək yanğınların qarşısını almaq məqsədilə kotanlı traktorlar olmalı,
taxıl zəmilərində və onların yaxınlığında küləş yandırılması və tonqal
qalanmasına yol verilməməlidir. Tarla şəraitində traktor, kombayn və digər
maşınların yanacaqla təmin edilməsi onların mühərriklərinin işi
dayandırıldıqdan sonra yanacaqdoldurucu maşınlarla həyata keçirilməlidir. Gecə
vaxtı maşınların yanacaqla doldurulması qəti qadağandır. Yığım maşınlarının diyircəklərinin və digər
sürtülən hissələrinin qızmasının qarşısını almaq məqsədilə onların
vaxtlı-vaxtında yağlanmasına və etibarlı bərkidilməsinə ciddi nəzarət olunmalı,
kombaynların, digər texnikaların fırlanan mexanizmlərinə dolaşan küləş kütləsi
vaxtlı-vaxtında təmizlənməlidir. Taxıl xırmanları bina və tikintilərdən 50
metr, taxıl zəmilərindən 100 metr aralıda yerləşdirilməlidir. Xırmanların sahələri
bitki örtüyündən (otdan) mütləq təmizlənməli, ətrafı 4 metr enində
şumlanmalıdır. E.Vəliyev çıxışının sonunda kənd təsərrüfatı məhsullarının,
xüsusən də taxılın oddan qorunmasının hamının şərəf işi olduğunu
vurğulayıb, hər kəsi elin bu əvəzsiz sərvətini yanğından qorumağa çağırıb.
Qazax Dövlət Aqrar İnkişaf Mərkəzində Bitkiçilik sektorunun müdiri Barat
Vəliyev çıxış edərək cari ildə Qazax rayonu üzrə 11312 hektar sahədə taxıl əkildiyini,
bunun da 4863 hektarını buğda, 6449 hektarını arpa təşkil etdiyini qeyd edib.
B.Vəliyev taxıl sahələrinin keyfiyyətlə, vaxtında və itkisiz biçilməsi üçün Mərkəz
olaraq əllərindən gələni əsirgəməyəcəklərini vurğulayıb. Arpa biçinin
aparılmasına sayılı günlər qaldığını deyən B.Vəliyev bunun üçün əvvəlcədən
lazımi tədbirlərin görüldüyünü, rayonda fəaliyyət göstərən "Aqrolizinq” ASC-də
olan kombaynların, eləcə də ayrı-ayrı şəxslərdə olan şəxsi kombaynların hazır vəziyyətə
gətirildiyini, dənli və texniki bitkilərin yığımı, daşınması, saxlanılması və
emalı dövründə yanğın təhlükəsizliyinin təmin edilməsi istiqamətində zəruri tədbirlərin
görüləcəyini qeyd edib. "Aqrolizinq” ASC-nin Şəmkir Regional nümayəndəliyinin Qazax rayon
bölməsinin rəhbəri İlham Vəliyev çıxış edərək onlara məxsus 9 ədəd kombaynın
biçin üçün hazır vəziyyətə gətirildiyini, dənli və texniki bitkilərin yığımı,
daşınması, saxlanılması və emalı dövründə yanğın təhlükəsizliyinin təmin edilməsi
ilə bağlı bu işlə məşğul olan insanlarla maarifləndirmə tədbirlərinin həyata
keçirildiyini söyləyib. Tovuz Regional Meşə Təsərrüfatı Mərkəzinin baş mühəndisi Rəhman Əsədov çıxış edərək meşə və meşə
zolaqlarının kənarlarında yanğın təhlükəsizliyi ilə bağlı görülmüş işlərdən
danışıb.
Qazax Rayon Polis Şöbəsinin rəis müavini Fəxri Aslanov çıxış edərək tədbirin əhəmiyyətindən
söz açıb, polis əməkdaşları olaraq bu sahədə hər zaman dəstək olmağa hazır
olduqlarını bildirib. Yuxarı Salahlı kənd bələdiyyəsinin sədri Şahismayıl Məmmədov çıxış edərək maarifləndirmə
xarakterli bu cür tədbirin təşkilinə görə təşkilatçılara minnətdarlığını çatdırıb.
Bələdiyyə sədri taxıl sahələrində yanğın hadisəsinin baş verməməsi üçün ilkin tədbirlərin
görülməsinin vacibliyini vurğulayıb.
FHN-nin Dövlət Yanğın Nəzarəti Xidməti Gəncə Regional Dövlət Yanğın Nəzarəti
İdarəsinin rəisi, d/x polkovniki Natiq Piriyev çıxış edərək tədbir
iştirakçılarını salamlayıb, tədbirin təşkilinə görə rayon rəhbərliyinə minnətdarlığını
bildirib. Maarifləndirici tədbirin əhəmiyyətindən söz açan natiq Qərb
regionunda artıq 6-cı tədbirin keçirildiyini vurğulayıb. Biçin qabağı dənli və
texniki bitkilərin, həmçinin meşə və meşə zolaqlarının yanğın təhlükəsizliyinin
təmin olunması ilə bağlı təşkil olunmuş bugünkü tədbirin böyük əhəmiyyət kəsb
etdiyini vurğulayıb. N.Piriyev qeyd edib ki, rayon rəhbərliyi tərəfindən bu sahə
ilə bağlı müvafiq Sərəncamların imzalanması onu deməyə əsas verir ki, bu iş
Qazaxda yüksək səviyyədə həyata keçirilərək daim nəzarətdə saxlanılacaq və yanğın
təhlükəsizliyi tədbirləri etibarlı təmin olunacaq. İdarə rəisi dənli və texniki
bitkilərin, həmçinin meşə və meşə zolaqlarının yanğın təhlükəsizliyinin təmin
olunması üçün maarifləndirmə tədbirlərinin aparılmasının vacibliyini ön plana çəkərək
bu sahədə işlərin gücləndirilməsini tövsiyə edib. İdarə rəisi təkcə biçin
zamanı deyil, biçindən sonra da həmin sahələrin təhlükəsizliyinin təmin
olunmasının vacibliyini önə çəkərək taxıl sahələrinin yandırılmasının qəti şəkildə
qadağan olunduğunu qeyd edib. Sonda
tədbir iştirakçılarını maraqlandıran suallar cavablandırılıb.
GOYEZEN.AZ
Facebook-da paylaş