İcra başçısı Daş Salahlı kəndində vətəndaşların müraciətinə yerində baxıb
Bu gün cənab Prezident İlham Əliyevin, Birinci
vitse-prezident Mehriban Əliyevanın xalqın, vətəndaşların arasında olmaları,
onların müraciətlərini, istəklərini dinləmələri, qayğı ilə yanaşmaları hər bir
dövlət məmuru üçün örnəkdir. Bu, eyni zamanda, ölkəmizdə yürüdülən dövlət
siyasətinin əsasını vətəndaş amilinin təşkil etməsi, həyata keçirilən
tədbirlərin, atılan bütün addımların arxasında vətəndaş məmnunluğunun dayanması deməkdir. Dövlət siyasətinin əsasını təşkil edən vətəndaş
amili Qazaxda da hər zaman örnək
götürülür. Dövlət başçısının rəhbər vəzifəli şəxsləri qəbul edən
zaman dövlət məmurlarına daim vətəndaşlarla təmasda olmaları, bütün kəndləri
gəzmələri, kənd camaatı ilə görüşmələri, vətəndaşların ərizə və
müraciətlərinə, onları narahat edən problemlərə həssaslıqla yanaşılması barədə
aidiyyəti üzrə verdiyi tapşırıq və tövsiyələr rayonda olduğu kimi icra edilir.
Həyata keçirilən bütün işlərdə vətəndaş məmnunluğunun təmin edilməsinə üstünlük
verilir. Rayon rəhbərinin vətəndaşlara göstərdiyi qayğı, sakinlərin
qaldırdıqları hər bir məsələyə daim həssaslıqla yanaşması, ən
əsası da illər öncə qoyulan ənənənin bu gün də davam etdirilməsi bu
dediklərimizin bariz nümunəsidir. Aprelin 18-də Qazax Rayon İcra Hakimiyyətinin
başçısı Rəcəb Babaşovun icra
aparatının məsul şəxsləri, hüquq-mühafizə orqanlarının rəhbərləri ilə birlikdə Daş
Salahlı kəndində "Pasyolka” adlanan ərazidə yaşayan sakinlərin müraciətinə
yerində baxması, istəklərini dinləməsi vətəndaşlara olan növbəti qayğıdır. Sakinlərin
su ilə bağlı müraciətlərini diləyən rayon rəhbəri hər zaman olduğu kimi, qaldırılan
bu məsələyə də həssaslıqla yanaşılacağını, həlli istiqamətində lazımi
addımların atılacağını bildirib. Su təminatının yaxşılaşdırılması üçün
çəkilməsi nəzərdə tutulan su xətti və görüləcək işlərlə bağlı aidiyyəti üzrə
müvafiq tapşırıqlarını verib. Sakinlərdən Cəlal
Osmanov, Qətibə Kazımova, Vahid Süleymanov müraciətlərinə operativ şəkildə baxılmasına,
qaldırılan məsələnin həlli istiqamətində görüləcək işlərə görə ölkə Prezidenti
İlham Əliyevə və rayon rəhbərliyinə minnətdarlıqlarını bildiriblər. GOYEZEN.AZ
Facebook-da paylaş