İcra başçısı əsaslı şəkildə yenidən qurulan Kosalar kənd 1 saylı körpələr evi-uşaq bağçasında olub
Bu gün tam əminliklə söyləyə bilərik ki, cənab
Prezident İlham Əliyevin və Birinci vitse-prezident Mehriban Əliyevanın
uşaqlara, gənc və yeniyetmələrə göstərdikləri dövlət qayğısı
respublikamızın hər yerində olduğu kimi, Qazaxda da əsas götürülür. Son illər rayonda
dövlət başçısının qayğısı sayəsində körpələrin daha yaxşı şəraitdə tərbiyə
və təhsil almaları üçün yaradılan şərait, bu sahədə görülmüş işlər, xüsusən də
yeni məktəb binalarının tikilməsi, körpələr evi-uşaq bağçalarının inşa
olunması, əsaslı şəkildə yenidən qurulması bu sahədə görülmüş işlərin əyani
sübutudur. Ölkə başçısının gələcəyimiz olan uşaqlara göstərdiyi
qayğını əldə rəhbər tutan Qazax Rayon İcra Hakimiyyətinin başçısı
Rəcəb Babaşov ilk gündən bu sahəni daim diqqət mərkəzində
saxlayır. Rayon rəhbərinin uşaqlara olan sonsuz qayğısının nəticəsidir ki, bu
gün Qazaxda fəaliyyət göstərən 25 məktəbəqədər təhsil müəssisəsindən (6-sı
şəhər, 19-u kənd üzrə) 20-si müasir tələblərə cavab verən səviyyədədir. 35 yerlik Kosalar kənd 1 saylı körpələr
evi-uşaq bağçası da əsaslı
şəkildə yenidən qurulan növbəti bağçalardan biridir. Rayon rəhbərliyi
tərəfindən yenidən qurulan bağçada demək olar ki, işlər tam başa çatıb,
otaqlara avadanlıqlar yığılıb, təmizlik və səliqə-sahman işləri aparılıb. Bu gün Qazax Rayon İcra Hakimiyyətinin
başçısı Rəcəb Babaşov Kosalar kənd 1 saylı körpələr evi-uşaq bağçasında
olub. Görülmüş işləri yüksək qiymətləndirən icra başçısı bağçadakı hazırki mövcud
vəziyyətlə maraqlanıb. Bağça müdiri Şəfaqət Musayeva uzun
müddət təmir olunmayan bağçanın yenidən qurulmasını bu gün də böyük sevinc hissi
ilə qarşıladıqlarını qeyd edib. Rəhbərlik etdiyi kollektiv və valideynlər
adından uşaqlara göstərilən qayğıya görə ölkə başçısı İlham Əliyevə və rayon
rəhbərliyinə minnətdarlığını bildirib. GOYEZEN.AZ
Facebook-da paylaş