İcra başçısı şəhərdə içməli su və kanalizasiya sisteminin çəkilişləri aparılan ərazilərdəki işlərlə tanış olub
Son illər ölkə Prezidenti cənab İlham
Əliyevin rəhbərliyi altında respublikamızın bütün şəhər və rayonlarında
genişmiqyaslı tikinti-quruculuq və abadlıq işləri aparılır, səliqə-sahman
yaradılır. Görülən işlər sayəsində şəhər, qəsəbə və kəndlərimizin siması daha
da yaxşılaşır, Azərbaycan müasir və abad ölkə kimi nümunə göstərilir. Ölkə başçısının diqqət və qayğısı sayəsində Qazax rayonunda aparılan abadlıq və quruculuq işləri də
gündən-günə daha geniş miqyas alır. Bu gün böyük bir
tikinti meydançasını xatırladan rayonda görülən işlərin nəticəsidir ki, Qazax
respublikamızın abad rayonlarından birinə çevrilir. Ölkə rəhbərinin tapşırığına əsasən rayonda görülən böyük işlərdən biri də "Azərsu”
Açıq Səhmdar Cəmiyyəti tərəfindən Qazax şəhərində içməli su və kanalizasiya
sisteminin yenidən qurulmasıdır. Təqdirəlayiq hal isə odur ki, şəhərdə su və
kanalizasiya xətlərinin çəkilişi yekunlaşan ərazilər abadlaşdırılır. Belə ki,
işlərin başa çatdırıldığı prospekt və küçələr asfaltlanır, səkilərə yeni tamet,
bardür düzülür, qaz, elektrik, rabitə xətləri səliqəyə salınır, rənglənmə
işləri aparılır. Bu günə kimi şəhərin Heydər Əliyev
prospektində su və kanalizasiya sisteminin çəkilişləri yekunlaşan
hissələrdə, eləcə də çəkiliş tam başa çatmış Molla Pənah Vaqif, Səməd
Vurğun, Azadlıq, Zeynalabdin Tağıyev, Murtuz
Carçıyev, Əminə Dilbazi, Molla Vəli Vidadi, Hüseyn Arif, Məmməd
Əmin Rəsulzadə, Əhməd Seyidov, Mehdi Hüseyn, Bakı, Firuddin
Şamoyev, Əliağa Şıxlinski küçələrinə yeni asfalt örtüyü
vurulub. Şəhərin Nəriman Nərimanov yaşayış
massivində yerləşən 1,2,3,49 saylı, Heydər
Əliyev prospektində yerləşən 61A,63,65 saylı, Azadlıq küçəsində yerləşən
92,208,208A saylı, Şəhidlər Xiyabanı küçəsində
yerləşən 12,14,25,27 saylı, Əliağa Şıxlinski küçəsində
yerləşən 4 və 5 saylı çoxmənzilli yaşayış binalarının həyətində abadlıq işləri
aparılaraq "Abad məhəllə” kimi sakinlərin
istifadəsinə verilib. Su
və kanalizasiya sisteminin çəkilişləri hazırda şəhərin Heydər Əliyev prospektində davam etdirilir. Bununla yanaşı, işlər başa çatan ərazilərdə abadlıq işlər
aparılır, dövlət başçısının yeni yaşıllıqların salınması ilə bağlı tapşırıq və
tövsiyələrinə uyğun olaraq yaşıllıqlar salınır. Bu
gün Qazax Rayon İcra Hakimiyyətinin
başçısı Rəcəb Babaşov su-kanalizasiya sisteminin çəkilişləri
aparılan və şam ağacları əkilən şəhərin Heydər Əliyev prospektində, eləcə də çəkiliş
başa çatan Nizami küçəsində olub, görülən işlərlə maraqlanıb, aidiyyəti üzrə tapşırıqlarını verib. Respublikamızda aparılan quruculuq işlərinin Qazaxda da geniş vüsət almasını
razılıq hissi ilə qarşılayan sakinlər buna görə ölkə Prezidenti İlham
Əliyevə minnətdarlıqlarını bildirirlər. Su və kanalizasiya sistemi yenilənən və yaşıllıq salınan Heydər Əliyev prospekti
Nizami küçəsi GOYEZEN.AZ
Facebook-da paylaş