Qazaxda kənd təsərrüfatının mövcud vəziyyətinə və qarşıda duran vəzifələrə dair geniş müşavirə keçirilib
Hazırda qeyri-neft sektorunun inkişafı dövlət
siyasətinin prioritet sahələrindən biridir. Respublika Prezidenti İlham
Əliyevin rəhbərliyi ilə kənd təsərrüfatının inkişaf etdirilməsi istiqamətində
həyata keçirilən islahatlar qısa müddətdə özünün müsbət nəticələrini göstərir.
Dövlət tərəfindən sahibkaralara, kəndli fermerlərə göstərilən dəstək ölkə
iqtisadiyyatında böyük paya sahib olan kənd təsərrüfatının inkişafına öz
töhfəsini verməkdədir. Qeyd edək ki, kənd təsərrüfatı sahəsi neft sənayesi və
tikinti sektorundan sonra Azərbaycan iqtisadiyyatında üçüncü böyük sahədir.
Burada digər iqtisadi göstəricilərlə yanaşı, aqrar sektorun işsizliyin aradan
qaldırılmasında və əhalinin sosial vəziyyətinin yaxşılaşmasındakı rolunu da
vurğulamaq vacibdir. Həmçinin, kənd təsərrüfatının inkişafı həm də ölkənin
ərzaq təhlükəsizliyinin təmin edilməsində aparıcı rola malikdir. Bu baxımdan
aqrar siyasətin prioritet olması təsadüfi deyil və dövlətin strateji
maraqlarına xidmət edir. Sevindirici haldır ki,
son iki il yarımdır ki, Qazaxda bütün sahələrlə yanaşı, kənd təsərrüfatı sahəsi
də uğurla inkişaf etdirilir. Bu gün bu fikirlər Qazax
rayonunda kənd təsərrüfatının mövcud vəziyyətinə və qarşıda duran vəzifələrə həsr
olunmuş geniş müşavirədə səslənib. Gənclər Mərkəzində
keçirilən müşavirədə RİHB
aparatının məsul işçiləri, Qazax Dövlət Aqrar İnkişaf Mərkəzinin nümayəndələri, RİHB-nin kənd
İnzibati Ərazi Dairələri üzrə nümayəndələri, bələdiyyə sədrləri, Sudan İstifadə Birliklərinin (SİB) nümayəndələri, tarla agentləri, idarə və
müəssisə rəhbərləri, məsul işçilər, işçi qrupunun üzvləri, kənd ağsaqqalları,
sahibkarlar və KİV nümayəndələri iştirak ediblər. Qazax Rayon İcra Hakimiyyətinin başçısı Rəcəb
Babaşov müşavirəni giriş sözü ilə açaraq bildirib ki, bu ilin son iki ayında
artıq ikinci dəfədir ki, belə geniş tərkibdə müşavirə keçiririk. Bugünkü
müşavirənin əsas məqsədi kənd təsərrüfatında olan mövcud vəziyyəti öyrənmək və
qarşıda duran vəzifələri müzakirə etməkdir. Bundan əlavə, taxıl səpininin, arx
və kanallarda aparılan təmizlik işlərinin, suvarma ilə bağlı mator və
nasosların mövcud vəziyyəti ilə yaxından tanış olmaq, torpaqdan səmərəli
istifadənin vacibliyini önə çəkməkdir. Sonra icra başçısı rayonda, eləcə də kəndlərdə
kənd təsərrüfatı sahəsində olan mövcud vəziyyətdən və əldə olunan uğurlu
göstəricilərdən söz açıb. Qeyd edib ki, bugünkü müşavirənin əsas məqsədi
2018-ci ildə kənd təsərrüfatı sahəsində əldə olunmuş nəticələrdən, bu sahənin inkişaf
etdirilməsi istiqamətində həyata keçirilən tədbirlərdən söz açmaqla yanaşı,
2019-cu ildə qarşıda duran vəzifələrdən də danışmaqdır. Məqsəd ölkə başçısı
İlham Əliyevin kənd təsərrüfatının inkişafı ilə bağlı yürütdüyü məqsədyönlü
siyasəti dəstəkləməkdir. Dövlət başçısının müəyyən etdiyi inkişaf
strategiyasına rayonda kənd təsərrüfatında əldə etdiyimiz göstəricilərlə öz
töhfəmizi verməkdir. Rayon rəhbəri
bildirib ki, respublikamızın hər yerində olduğu kimi, Qazax rayonunda başqa
sahələrlə yanaşı, kənd təsərrüfatına da böyük diqqət və qayğı göstərilir. Bunun
nəticəsidir ki, əkin sahələri bir neçə dəfə artmış, məhsuldarlıq da eyni
səviyyədə çoxalmışdır. Kənd
təsərrüfatının inkişaf etdirilməsi, məhsuldarlığın artırılması istiqamətində
görülən məqsədyönlü işlərin nəticəsidir ki, son 2 il yarım ərzində əkin
sahələrində xeyli sayda artım olmuşdur. Rəqəmlərlə müqayisə etdikdə bunu aydın
şəkildə görmək olar. 2016-cı ildə
16520,6 hektarda, 2017-ci ildə 18694,37 hektarda, 2018-ci ildə 20633 hektarda
əkin aparılmışdır. 2016-cı illə 2017-ci ili müqayisə edərkən yaranan fərq
2173,77 hektar, 2017-ci illə 2018-ci ili müayisə etdikdə isə bu rəqəm 1938,63
hektar olmuşdur. 2019-cu ildə isə 21476,30 hektarda əkin işlərinin aparılması
nəzərdə tutulmuşdur. Əgər 2019-cu ili 2018-ci illə müqayisə etsək görərik ki,
843,3 hektar artırılaraq ümumi əkin sahəsi 21476,30 hektara çatdırılmışdır.
İllər üzrə olan fərqləri müqayisə etdikdə aydın olur ki, rayonda kənd
təsərrüfatının inkişafı istiqamətində qarşıya qoyulan məqsədə çatmaq üçün görülən
işlər öz bəhrəsini verir. Bu gün istər sahibkarların, istərsə də sadə
kəndlilərin torpağa qayıdışı, münasibəti yüksək səviyyədədir. Əvvəllər arx və
kanalların təmizlənməsində 5-6 nəfər iştirak edirdisə, bu gün sakinlər kütləvi
şəkildə iştirak etməyə üstünlük verirlər. Ümumrayon işində kənd təsərrüfatının
inkişafı üçün əllərindən gələni əsirgəmirlər. Rayonda mövcud
olan subartezian quyularından danışan icra başçısı bildirib ki, əgər 2016-cı il
tarixə rayonda 157 subartezian quyusu vardısa, bu gün bu rəqəm 188-ə
çatdırılıb. Son iki ildə - 2016 və 2017-ci illərdə hər il üzrə 11 subartezian
quyusunun qazılaraq sakinlərin istifadəsinə verilməsi rayonda əhalinin su ilə
təminatının yaxşılaşdırılması istiqamətində dövlət tərəfindən həyata keçirilən
məqsədyönlü işlərin bariz nümunəsidir. 2019-cu ildə də daha 11 subartezian
quyusunun qazılmasının nəzərdə tutulması bu sahədə həyata keçirilən tədbirlərin
bundan sonra da uğurla davam etdirilməsi deməkdir. Bundan başqa, diqqət çəkən məqamlardan biri
isə odur ki, bu gün kəndlinin fikri nəzərə alınır. Belə ki, qazılması nəzərdə
tutulan subartezian quyularının hansı ərazidə qazılması işçi qrupunun, kənd
camaatının iştirakı ilə seçilir. Bu, isə yenə də vətəndaş amilinin ön planda
olmasından xəbər verir. İcra başçısı
bildirib ki, bu gün rayonda sahibkarlığın, xüsusilə də kənd təsərrüfatının
inkişaf etdirilməsi üçün bu sahədə çalışan insanlara dövlət tərəfindən
hərtərəfli qayğı göstərilir. Məhz bu qayğı nəticəsində yeni sosial obyektlər,
fabriklər, ən əsası isə yeni iş yerləri yaradılır. Əgər bu sahə üzrə 2016-cı
ildə 8153 adam işləyirdisə, 2018-ci ildə bu rəqəm 13500-ə çatdırıldı. Bütün bunlar o deməkdir ki, kənd
təsərrüfatının inkişafı üçün dövlət hər bir vətəndaşın yanındadır. Ölkə
başçısının siyasətinin əsasını da vətəndaş amili təşkil edir. Dövlətimiz
vətəndaşı üçün bütün imkanları yaradırsa, biz də öz növbəmizdə bundan sonra da
çalışmalıyıq ki, bütün sahələr üzrə, o cümlədən də kənd təsərrüfatı üzrə
töhfəmizi verək. Müşavirədə
çıxış edən Dövlət
Aqrar İnkişaf Mərkəzinin direktoru Həmid Pənahov
bildirib ki, rayonda kənd təsərrüfatının inkişafını rayonda əkilən taxıl sahəsinin
hektarından da aydın şəkildə görmək olar. İldən-ilə artırılan taxıl sahələrinin
hektarı onu göstərir ki, rayonda kənd təsərrüfatının əsas qolu olan taxılçılığa
maraq yüksəlmiş və kəndlilər bu sahəsinin inkişafı üçün böyük səylə çalışırlar. Dövlət
tərəfindən hər cür dəstəklə, texnika və lazım olan bütün ləvazimatlarla təmin
olunan fermerlər, sadə kənd adamları rayonda taxılçılığın inkişafı üçün hər il
daha çox maraq göstərirlər. Rayonda əkin aparılmış taxıl sahələri artan templə
yüksəlib. 2016-cı ildə 7820 hektar taxıl əkilmişdir ki, bunun 5559 hektarını
buğda, 2261 hektarını arpa təşkil etmişdir. 2017-ci ildə 11040 hektar taxıl
sahəsindən 8289 hektarında buğda, 2751 hektarında arpa əkilmişdir. 2018-ci ildə
də taxıl sahəsində uğurlu nəticələr əldə olunmuşdur. Bu il də taxıl əkilmiş
sahələr genişləndirilmiş və 12629 hektarda əkin aparılmışdır. 9102 hektarda
buğda, 3527 hektarda isə arpa əkilmişdir. Qeyd edib ki, 2019-cu
ildə də taxıl sahələrinin genişləndirilməsi məqsədilə 13180 hektarda taxıl,
bundan 9400 hektarda buğda, 3780 hektarda arpa əkilməsi nəzərdə tutulmuşdur.
Hazırda 2019-cu ilin məhsulu üçün nəzərdə tutulan 13180 hektar taxıl sahəsindən
12601 hektar sahədə şumlanma aparılmış, 6967 hektar buğda, 3683 hektar arpa
olmaqla, cəmi 10650 hektarda taxıl səpilmişdir. Bildirib ki, 2018-ci ilin məhsulu üçün rayonda kənd təsərrüfatı
sahəsində 9102 hektar
buğda sahəsindən 33309,5 ton məhsul istehsal olunmuş, məhsuldarlıq 36,6
sentner, 3527 hektar arpa sahəsindən 8676,7 ton məhsul istehsal olunmuş,
məhsuldarlıq 24,6 sentner olmuşdur. Qeyd edilib ki,
2018-ci ildə səpin üçün proqnozlaşdırılmış 13180 hektar payızlıq taxıl səpini
üçün cəmi 27484 ton olmaqla, 20680 ton buğda, 6804 ton arpa toxumuna ehtiyac
olmuşdur. Ondan da 540 ton buğda, 7 ton arpa toxumu rayonda olan toxumçuluq
təsərrüfatlarında istehsal olunmuşdur. 201 ton buğda və 71 ton arpa toxumu
respublikamızın başqa toxumçuluq təsərrüfatlarından gətirilmişdir. H.Pənahov qeyd
edib ki, 2018-ci ilin 11 ayında kənd təsərrüfatı məhsulu istehsalçılarına
güzəştli qiymətlərlə satılmaq üçün 2624 ton mineral gübrələr gətirilmiş, 2012,5
ton satılmışdır ki, bunun da 454 tonu ammofos, 1258 tonu ammonium-nitrat, 589
tonu nitroammofoska, 243 tonu karbomid, 80 tonu ammonium-sulfat gübrəsi
olmuşdur. 1 dekabr tarixinə "Aqrolizinq” ASC-nin Qazax bölməsində 611,5 ton
gübrə qalmışdır ki, bundan da 549 ton ammonium-nitrat, 62,5 ton karbomid
gübrələridir. Bundan əlavə, 2018-ci ilin payızında səpilən taxıl sahəsi üçün
454 ton ammofos və 289 ton nitroammofoska gübrələri güzəştli qiymətlə
satılmışdır. Geniş müzakirə şəraitində keçən müşavirədə bildirilib ki,
rayonumuzda barama istehsalı da ildən-ilə artmaqdadır. 2016-cı ildə 1502 kq,
2017-ci ildə 4623 kq olmuşdur. Rayon üzrə 2018-ci ildə Qazax kümçüləri
tərəfindən 5000 kq yaş baramanın yetişdirilməsi nəzərdə tutulduğu
halda, 6260 kq yaş barama istehsal olunaraq Şəki şəhərində "Azəripək”
ASC-yə təhvil verilmişdir. Bu da nəzərdə tutulmuş planın 125 faiz icrası
deməkdir. Kiloqramla müqayisə etsək 1637,3 kq çox deməkdir. Qeyd olunub ki, Qazax rayonunda iqtisadi cəhətdən gəlirli sahələrdən hesab
olunan tütünçülüyün inkişaf etdirilməsinə də böyük önəm verilir. 2016-cı ildə
cəmi 10 hektarda tütün yetişdirən rayon sakinləri keçən il bu rəqəmi 50 hektara
çatdırmış, aqrotexniki tədbirləri vaxtında həyata keçirməklə 80 tondan çox
məhsul götürmüşlər. Bu il isə tütünçülər əkin sahələrini daha 10 hektar
artıraraq 60 hektara çatdırmışlar. Həmçinin. 2019-cu ildə isə tütün sahəsinin
65 hektara çatdırılması nəzərdə tutulmuşdur. Tütünçülüyün inkişafı
məqsədilə rayonun Kosalar kəndində 32 ha, Qazaxbəyli kəndində 8 ha, İkinci
Şıxlı və Çaylı kəndlərində 1 ha, Birinci Şıxlı, Aşağı Salahlı, Hüseynbəyli, Daş
Salahlı, Alpout kəndlərinin hər birində 2 ha, Dəmirçilər kəndində 1,5 ha,
Cəfərli kəndində 2,5 ha və Fərəhli kəndində 4 ha sahədə tütün əkilmişdir. Sahələrdən bu günədək 56 tondan çox məhsul tədarük
edilərək "İlham-M” MMC-yə təhvil verilib. Hazırda tütün dərimi davam edir. Müşavirədə iştirak
edən Suvarma Sistemləri İdarəsinin
rəisi Abbas Göyüşov də çıxış
edərək payızlıq əkin sahələrinin vaxtında suvarılması, kəndlilərin suvarma suyu
ilə yüksək səviyyədə təmin olunması üçün hər il olduğu kimi, bu il də suvarma
arx və kanallarının təmizlənməsinin vacibliyindən söz açıb. Qeyd edib ki, 2017-ci ildə 269,71 km arx və
kanalların təmizlənməsi nəzərdə tutulduğu halda 274,78 km məsafədə təmizlənmə
işinin aparılması, 2018-ci ildə də 261,19 km məsafəyə qarşı 302,44 km arx və
kanallarda təmizlik işləri görülməsi bu dediklərimizin əyani sübutudur. 2019-cu
ildə də 266,58 km məsafədə arx və kanallarda təmizlik işlərinin aparılması nəzərdə
tutulmuşdur. Bunun da 140,13 km-i əl əməyi, 126,45 km-i isə texnika vasitəsilə
həyata keçirilməsi planlaşdırılır. Lakin əvvəlki illərdə olduğu kimi,
2019-cu ildə də bu rəqəmin artacağı gözlənilir. Bu gün ümumi rayon üzrə təmizlənməsi
nəzərdə tutulan 266,58 km-in 91,81 km-i təmizlənib. Bunun da 51,37 km-i əl
əməyi, 40,44 km-i isə texnika vasitəsilə həyata keçirilib. A.Göyüşov müşavirədə diqqətə
çatdırıb ki, bu gün Suvarma Sistemləri idarəsi rayonun 17421 hektar kənd təsərrüfatına
yararlı torpaq sahələrinin suvarılmasına xidmət edir. Qeyd olunan sahələrin
suvarılması tutumu 120 milyon kub.m olan Ağstafaçay su anbarı, tutumu 20 milyon
kub.m olan Coğazçay su anbarı, tutumu 2,6 milyon kub.m olan İncəsu çay su
anbarı, tutumu 0,2 milyon kub.m olan "Acı dərə” kiçik
su tutarında yığılan sular, öz başlanğıcını Gürcüstan Respublikasının ərazisində
Xram çayından götürən Şıxlı arxı, həmçinin Xram və Kür çayları üzərində
quraşdırılmış nasos stansiyaları vasitəsilə aparılır. Qarşlıqlı müzakirə və geniş
fikir mübadiləsi şəraitində keçən müşavirədə Sudan İstifadə Birliklərinin
icraçı direktorları da çıxış edərək rəhbərlik etdikləri birliklər üzrə
gördükləri işlərdən söz açıblar. "Umud” SİB-in icraçı
direktoru Mikayıl Umudlu çıxış edərək bildirib ki, birlik olaraq 6 kəndin - Birinci
Şıxlı, İkinci Şıxlı, Aslanbəyli, Kəmərli, Qaymaqlı və Yuxarı Salahlı kəndlərininin 4744 hektar sahəsinə xidmət
edir. Qeyd edib ki, 2018-ci il bizim üçün uğurlu il olmuşdur. Bu il əkin sahələrinin
suvarılması üçün Suvarma Sistemləri İdarəsindən 7452 kubmetr suvarma suyu qəbul
olunmuş və su istifadəçilərinə verilmişdir. Sib direktoru 2019-cu ildə də
qarşıya qoyulmuş vəzifələrin öhdəsindən layiqincə gəlinməsi üçün lazımi tədbirlərin
həyata keçirildiyini də qeyd edib.
"Daş Salahlı” SİB-in
icraçı direktoru Almara Abdullayeva çıxışı zamanı qeyd edib ki, birlik olaraq 5
kəndi - Daş Salahlı, Ürkməzli, Alpout, Abbasbəyli və Fərəhli kəndlərini əhatə
etməklə, 3905 hektar əraziyə xidmət göstərilir. Bunlardan Daş Salahlı kəndi ərazisində
2061 ha, Ürkməzli kəndində 406 ha, Abbasbəyli kəndində 154 ha, Alpout kəndində
284 ha, Fərəhli kəndində isə 1000 ha-dır. Cari ilin əvvəlindən 30 noyabr
2018-ci il tarixədək Suvarma Sistemləri İdarəsindən 10217 kubmetr su götürülmüş
və buna müvafiq olaraq 6385 hektar həyətyanı və pay torpaq sahələri
suvarılmışdır. Rayonun digər kəndlərində olduğu kimi, Daş Salahlı kəndində də
arx və kanalların təmizlənməsi sahəsində görülən işlərin sürətlə davam
etdirildiyini bildirib. Eyni zamanda, taxıl sahələrində növbəlilik əsasında
suvarma işlərinin aparıldığını, Qazax SSİ-nin tələbatına uyğun suyun verilməsinin
təmin olunduğunu diqqətə çatdırıb. Qarşıdan gələn 2019-cu ildə də əhalinin
suvarma suyu ilə vaxtında və itkisiz təmin olunması üçün birlik olaraq var qüvvələri
ilə çalışacaqlarını qeyd edib.
"Xanlıqlar” SİB-in
icraçı direktoru Qədir Mustafayev də 2018-ci ildə görülən işlərdən və qarşıda
duran vəzifələrdən söz açıb. Bildirib ki, 4 kəndi - Xanlıqlar, Ağköynək,
Qarapapaq və Cəfərli kəndlərini əhatə edən bu birlik öz işini günün tələbləri səviyyəsində
qurmağa çalışır. 2017-ci ildə 2115 hektar suvarılan əkin sahəsi mövcud olmuş, həmin
sahələrə 8112 kubmetr verilmişdir. 2018-ci ildə də 2115 hektar suvarılan əkin
sahəsinə 7829 kubmetr su alınaraq istehlakçılara satılmışdır. Digər kəndlərdə
olduğu kimi, əkin sahələrinin suvarılması növbəlilik əsasında həyata
keçirilmişdir. Bildirib ki, Xanlıqlar kəndində 21,20 km məsafədə
arx və kanallarda təmizlik işlərinin aparılması nəzərdə tutulub. Qeyd olunan məsafədən
9,60 km-i əl əməyi, 11,60 km-i isə texnika vasitəsilə təmizlənəcəkdir. Bu günə
kimi isə 7,38 km arx təmizlənib ki, bunun da 4,90 km-i texnika vasitəsilə, 2,48
km-i isə əl əməyi ilə həyata keçirilib. Görülən işlərdən söhbət
açan "Çaylı” SİB-in icraçı direktoru Asim Carçıyev də rayonumuzda kənd təsərrüfatının
ildə-ilə inkişaf etməsini yüksək qiymətləndirib. Bildirib ki, rəhbərlik etdiyi
sudan istifadə birliyi 3 kəndi - Çaylı, Bala Çaylı və Dəmirçilər kəndlərini əhatə
edir. 2565 hektar suvarılan əkin sahələrinin suvarılmasında kənd saklinlərinə
xidmət göstərir. Çaylı kəndində 1338 ha. Bala Çaylı kəndində 417 ha və Dəmirçilər
kəndində 810 ha əkin sahəsi suvarılır. Başqa kəndlərdə olduğu kimi, birliyin əhatə
etdiyi kəndlərdə də payızlıq əkin sahələrinin suvarılmasına başlanıldığını və
növbəlilik əsasında həyata keçirildiyini vurğulayıb. Bu günə kimi növbəlilik əsasında
145 hektara yaxın ərazidə suvarılma aparıldığını qeyd edib. 2019-cu ilin vegetasiya
suvarmasına hazırlıq məqsədilə birliyin ərazisinə daxil olan kəndlərdə də arx və
kanallarda təmizlik işlərinin həyata keçirildiyini, kol-kosdan, lildən təmizləndiyini
bildirib. Çaylı-Bala Çaylı kəndlərində
25,10 km məsafədə təmizlik işlərinin aparılması nəzərdə tutulub. 9,40 km-i
texnika, 15,70 km-i əl əməyi ilə olmaqla həyata keçirilən işlərə ilk gündən sürətlə
start verilib. Bu günə kimi 5,43 km təmizlənib ki, bunun 1,50 km-i texnika, 3,93
km-i əl əməyi ilə həyata keçirilib. Dəmirçilər kəndi üzrə 27,10 km məsafədə arx və kanallarda təmizlik işlərinin
aparılması nəzərdə tutulub. Qeyd olunan məsafədən 14,00 km-i əl əməyi, 13,10
km-i isə texnika vasitəsilə təmizlənir. Kənddə hələ ki, bu günə kimi 2,85 km
arx təmizlənib ki, bu da əl əməyi ilə həyata keçirilib. SİB direktoru qeyd edib
ki, ümumrayon işində kənd sakinləri ilə yanaşı, pay torpaqları arx və kanallara
yaxın məsafədə yerləşən sakinlər də fəallıqla iştirak edirlər.
"Hüseynbəyli” SİB-in
icraçı direktoru Əsəd Mahmudov rəhbərlik etdiyi birliyin 2 kəndi - Hüseynbəyli
və Canalı kəndlərini əhatə etdiyini qeyd edib. SİB direktoru əvvəlcə kənd
ağsaqqalı kimi rayonda görülən işlərə, xüsusilə də son iki il yarımda kənd təsərrüfatının
belə yüksək səviyyədə inkişaf etdirilməsinə görə rayon rəhbərliyinə rayon
ictimaiyyəti adından minnətdarlığını bildirib. Qeyd edib ki, bu gün biz rayon
sakinləri sevinirik ki, hər zaman bütün sahələrdə öncül yerlərdə dayanan
Qazaxda kənd təsərrüfatı belə inkişaf edir. Kəndlinin torpağa olan inamı
qayıdır. Ən əsası da rayonda yeni iş yerlərinin açılmasında kənd təsərrüfatı əsas
sahə kimi ön plana çəkilir. Ə.Mahmudov rəhbərlik etdiyi birliyin əhatə etdiyi kəndlərdə
arx və kanallarda görülən işlərdən də söz açıb. Qeyd edib ki, Canalı kəndi üzrə 10,83 km məsafədə arx və kanallarda təmizlik
işlərinin aparılması nəzərdə tutulub. Bunun da 4,60 km-i texnika, 6,23 km-i isə əl əməyi ilə təmizlənəcəkdir. Artıq bu günə kimi qeyd olunan məsafədən 2,90
km təmizlənib ki, 1,55 km-i texnika, 1,35 km-i isə əl əməyi vasitəsilə
aparılıb. Bildirib ki, Hüseynbəyli kəndində də arx və kanallarda aparılan təmizlik
işlərinə böyük sürətlə start verilib. Təmizlənməsi nəzərdə tutulan 6,10 km məsafənin
2,40 km-i texnika, 3,70 km-i isə əl əməyi ilə həyata keçiriləcəkdir. Bu günə
kimi 1,45 km artıq təmizlənib. Əl əməyi ilə 0,20 km, texnika ilə 1,25 km arx və
kanal kol-kosdan və lildən təmizlənib. Müşavirədə çıxış edən
"Kosalar” SİB-in icraçı direktoru Məzahir Şıxəliyev də rəhbərlik etdiyi
birliyin 4 kəndi - Kosalar, Qazaxbəyli, Orta Salahlı və Aşağı Salahlı kəndlərini
əhatə etdiyini bildirib. Birliyə daxil olan kəndlərin hər birində arx və
kanallarda görülən işlər barədə məlumat verib. Kəndlilərin də
yaxından iştirak etdiyi bu təmizlik işlərində əkin sahələrinin bol suvarma suyu
ilə təmin olunması üçün indidən lazımi hazırlıq işləri görülür. Kosalar kəndi üzrə 24,80
km məsafədə arx və kanallarda təmizlik işlərinin aparılması nəzərdə tutulub.
Qeyd olunan məsafədən 18,00 km-i əl əməyi, 6,80 km-i isə texnika vasitəsilə təmizlənir.
Bu günə kimi isə 9,78 km arx təmizlənib ki, bunun da 7,09 km-i texnika vasitəsilə,
2,69 km-i isə əl əməyi ilə həyata keçirilib. Qazaxbəyli kəndi üzrə 11,10 km məsafədə arx və
kanallarda təmizlik işlərinin aparılması nəzərdə tutulub. Bunun da 3,80 km-nin
texnika, 7,30 km-nin isə əl əməyi ilə təmizləndiyi qeyd olunub. Artıq bu günə
kimi qeyd olunan məsafədən 1,80 km təmizlənib ki, 0,40 km-i texnika, 1,40 km-i əl
əməyi vasitəsilə aparılıb. Orta Salahlı kəndində
də arxlar alaq otlardan, lildən təmizlənir. 12,70 km məsafədə təmizlik
işlərinin aparılması nəzərdə tutulub. 6,60 km-i texnika, 6,10 km-i əl əməyi ilə
olmaqla həyata keçirilən işlərə ilk gündən sürətlə start verilib. Bu günə kimi
2,65 km təmizlənib ki, bu da əl əməyi ilə həyata keçirilib. Aşağı Salahlı kəndində
də arx və kanallarda aparılan təmizlik işlərinə böyük sürətlə start verilib.
Təmizlənməsi nəzərdə tutulan 25,50 km məsafənin 10,40 km-i texnika, 15,10 km-i
isə əl əməyi ilə görülür. Görülən işlərin nəticəsidir ki, bu günə kimi 4,39 km
artıq təmizlənib. Əl əməyi ilə 3,69 km, texnika ilə 0,70 km arx və kanal
kol-kosdan və lildən təmizlənib.
RİHB-nin Daş Salahlı kənd
İƏD-si üzrə nümayəndəsi Tahir Hüseynli çıxış edərək bildirib ki, bu gün Daş
Salahlı kəndinin 10585 nəfər əhalisi var və ərazisi 6832 hektardır. Kənd ərazisinin
2773 hektarı xüsusi mülkiyyətə, 3563 hektarı bələdiyyə mülkiyyətinə və 496
hektarı isə dövlət mülkiyyətinə aiddir. Kəndin ərazisində olan 2519 hektar əkinə
yararlı torpaq sahəsi mövcuddur ki, bunun da 2061 hektarı suvarılan sahədir. Kənddə
aparılan abadlıq və quruculuq işləri ilə yanaşı, kənd təsərrüfatının da inkişaf
etdiyini diqqətə çatdırıb. İcra nümayəndəsi qeyd
edib ki, rayon rəhbərliyinin bilavasitə təşəbbüsü ilə 2016-cı ildən reallaşan
arx və kanallarda aparılan təmizlik işlərinin nəticəsidir ki, əhalinin suya
olan tələbatı vaxtında və itkisiz ödənilir. Eyni zamanda, görülən bu məqsədyönlü
işlər nəticəsində kənd təsərrüfatı sürətlə inkişaf edir. Bütün kəndlərdə olduğu
kimi, Daş Salahlı kəndində də kənd sakinlərinin birgə əməyi sayəsində bu iş
layiqincə həyata keçirilir. Hər il olduğu kimi, bu il də arx və kanallarda
aparılan işlərə ilk gündən böyük sürətlə start verilib. Daş Salahlıda 17,25 km məsafədə təmizlik işlərinin aparılması nəzərdə
tutulub. 12,80 km-i texnika, 4,45 km-i əl əməyi ilə həyata keçirilib. Bu günə
kimi 14,85 km təmizlənib ki, bunun 11,27 km-i texnika, 3,58 km-i əl əməyi ilə təmizlənib.
RİHB-nin Çaylı kənd
İƏD-si üzrə nümayəndəsi Mehman Eyvazov müşavirədə ürək sözlərini çatdıraraq son iki il yarımda Qazax rayonunda
bütün sahələrdə köklü şəkildə dəyişikliklərin baş verdiyini bildirib. Rayonda
istər tikinti-quruculuq işlərinin, istərsə də aqrar sahənin sürətlə inkişaf
etdiyini qeyd edib. Rayonda yeni istehsal sahələrinin açılmasını, qeyri-neft
sektorunun durmadan inkişaf etməsini, əhalinin faydalı məşğulluğunun
artırılmasını dövlətin ölkə vətəndaşlarının rifah halının yaxşılaşdırılması
istiqamətində atdığı uğurlu addımlar kimi qiymətləndirib. Şəhər mərkəzində
aparılan quruculuq işlərinin Çaylı və Bala Çaylı kəndlərində də uğurla davam
etdirildiyini qeyd edib. Görülən işlərin kənd sakinləri tərəfindən də minnətdarlıqla
qarşılandığını bildirib. Qeyd edib ki, Çaylı kənd icra nümayəndəliyinin ərazisində
iki kənd – Çaylı və Bala Çaylı kəndləri yerləşir. İki kəndin birlikdə inzibati ərazisi
2411 hektar sahəni əhatə edir. Nümayəndəliyin ərazisində 9100 nəfər əhali
yaşayır. Çıxış edənlər
rayonda kənd təsərrüfatının inkişaf etdirilməsində keçirilən bu cür müşavirələrin
böyük əhəmiyyət kəsb etdiyini qeyd ediblər. Respublikamızda iqtisadiyyatın, aqrar sahənin bir qolu olan kənd təsərrüfatının
inkişaf etdirilməsinə görə ölkə başçısı İlham Əliyevə dərin minnətdarlıqlarını
bildiriblər. Qazax rayonunda kənd təsərrüfatı sahəsində qazanılan uğurlu nəticələrə
və göstərilən hər cür dəstəyə görə rayon rəhbərliyinə öz təşəkkürlərini
çatdırıblar. Çıxış edənlər
bildiriblər ki, bu gün əhalinin
maddi rifah halının yaxşılaşdırılması məqsədilə kənd təsərrüfatının inkişaf
etdirilməsi dövlət siyasətinin əsasını təşkil edir. Ölkə başçısı tərəfindən kənd
təsərrüfatının inkişaf etdirilməsini həm də yeni iş yerlərinin yaradılması kimi
qiymətləndiriblər. Qeyd ediblər ki, kəndlinin torpağa qayıdışının nəticəsidir
ki, bu gün kənd təsərrüfatının bütün sahələrində uğurlu göstəricilər əldə
edilir. Qazax rayonunda əkin sahələrinin ildən-ilə artması da bunun bariz nümunəsidir. İşgüzar şəraitdə keçən
müşavirədə rayon rəhbəri qarşıda duran vəzifələrlə bağlı bir sıra - arx və
kanalların təmizlənməsində kənd sakinlərinin iştirakını təmin etmək üçün
bildirişlərin paylanması, həşəratlara və ziyanvericilərə qarşı mübarizə
tədbirlərinin gücləndirilməsi, büdcə təşkilatlarından maliyyələşən
təşkilatların ödənişlərinin vaxtında ödənilməsi, qış mövsümi ilə əlaqədar
olaraq aidiyyəti təşkilatların üzərilərinə düşən işin öhdəsindən layiqincə
gəlməsi üçün lazımi tədbirlərin görülıməsi barədə tapşırıq və tövsiyələrini
verib. Qazax Rayon İcra
Hakimiyyətinin başçısı Rəcəb Babaşov müşavirəyə yekun vuraraq bildirib ki,
bizim kənd təsərrüfatının inkişaf etdirilməsi istiqamətində gördüyümüz bütün işlər
demək olar ki, proqramlı şəkildə davam etdirilir. Bu isə o deməkdir ki, qarşıya
qoyduğumuz məqsədə çatmaq üçün əməli işləri daha da artırmalıyıq. Ölkə
başçısının yeni iş yerlərinin yaradılması baxımından kənd təsərrüfatının
inkişafına yüksək təkan verməsindən, əhalinin rifah halının yaxşılaşdırılması
istiqamətində gördüyü məqsədyönlü işlərdən müsbət nəticə çıxararaq öz töhfəmizi
verməliyik. Üzərimizə düşən işlərin öhdəsindən layiqincə gələrək bütün
sahələrdə ön sırada dayanan Qazaxda kənd təsərrüfatı sahəsində də yüksək
göstəricilərə nail olmalıyıq. Sonda müşavirə
iştirakçılarını qarşıdan gələn yeni il münasibətilə səmimi qəlbdən təbrik edən
icra başçısı bildirib ki, 2018-ci il rayonumuz üçün uğurlu bir il oldu. Arzu
edək ki, 2019-cu il daha da məhsuldar, ən əsası rayonumuz üçün sülh və
əmin-amanlıq ili olsun. GOYEZEN.AZ
Facebook-da paylaş