Qazax Dövlət Sosial-İqtisadi Kollecinin birinci kurs tələbələri ilə görüş olub
Bu gün Qazax Gənclərin İnkişaf və Karyera Mərkəzinin təşkilatçılığı
ilə Qazax Dövlət Sosial-İqtisadi Kollecinin birinci kurs tələbələri ilə görüş təşkil
olunub. Tədbirdə ölkə başçısı cənab İlham Əliyevin, Birinci vitse-prezident
Mehriban Əliyevanın gənclərə olan dövlət qayğısından, müstəqil Azərbaycanın gələcəyi
olan gənclər üçün yaradılan geniş imkanlardan danışılıb. Bu gün Azərbaycanda gənclərin
hərtərəfli inkişafı üçün bütün imkanların yaradıldığı diqqətə çatdırılıb. Ölkə rəhbərinin diqqət və qayğısı sayəsində 2 fevral
2019-cu il tarixindən Azərbaycan Respublikasının Gənclər Fondunun maddi texniki
bazası əsasında yaradılan "Gənclərin İnkişaf və Karyera Mərkəz”ləri (GİKM)
gənclərə olan qayğının əyani sübutu kimi qeyd edilib. Hazırda Qazax, Şəmkir, Biləsuvar və İsmayıllı rayonlarında fəaliyyət göstərən GİKM-lərində gənclərin
karyera qurmalarına, istənilən sahədə inkişaf etmələrinə daha geniş şəkildə
imkanlar açıldığı bildirilib. Səmimi söhbət əsasında keçən görüşdə tələbələrə mərkəzin fəaliyyəti,
Gənclər Fondunun gənclər üçün yaratdığı imkanlar, gələcək layihələr barədə də ətraflı
məlumat verilib. Həmçinin yeni
yaradılmış "GencApp" mobil tətbiqi və "Genc.az" saytı barədə
təqdimat nümayiş etdirilib. Tələbələrin könüllülük fəaliyyətinə
cəlb olunması üçün təşviqat işləri aparılıb. Tələbə adını qazanmış gənclər
arasından bir neçə nəfərin könüllü kimi fəaliyyətə cəlb olunması qərara alınıb.
GOYEZEN.AZ
Facebook-da paylaş