BDU-nun Qazax filialında tələbə adını qazanmış gənclərlə görüş keçirilib
Bu gün Qazax Gənclərin İnkişaf və Karyera Mərkəzinin
təşkilatçılığı ilə Bakı Dövlət Universitetinin Qazax filialında tələbə adını
qazanmış gənclərlə görüş təşkil olunub. Filialın tədris və elmi işlər üzrə direktor müavini,
dosent Məmməd Yusifov tədbiri giriş sözü ilə açaraq tələbə adını qazanmış
gəncləri bir daha təbrik edib, yeni tədris ilində uğurlar arzulayıb. Yeni
tələbə adını qazanmış gənclərlə görüşün təşkil olunması təşəbbüsünü
təqdirəlayiq hesab etdiyini vurğulayıb və yüksək qiymətləndirib.
Gənclərin İnkişaf
və Karyera Mərkəzinin Qazax nümayəndəliyinin direktoru İsmayıl
Süleymanov tələbələri salamlayıb,
onları yeni tələbə adını qazanmaları münasibətilə təbrik edib. Azərbaycan
Respublikasının Gənclər Fondu, eləcə də, Gənclərin İnkişaf və Karyera
Mərkəzinin fəaliyyəti barədə geniş nitq söyləyib. İ.Süleymanov eyni zamanda
bildirib ki, Mərkəz bu il Bakı Dövlət Universitetinin 100 illik yubileyi
çərçivəsində silsilə tədbirlər keçirməyi planlaşdırır. Görüşdə bu il qəbul imtahanlarında Bakı Dövlət
Universitetinin Qazax filialına ən yüksək balla qəbul olunmuş tələbələr - Nailə
Qasımova və Mədinə Mustafayeva da çıxış ediblər. Yekunda hər iki tələbə Qazax Gənclərin İnkişaf və
Karyera Mərkəzi tərəfindən fəxri fərmanlar və qiymətli hədiyyələrlə təltif
olunublar. Qeyd edək ki, Nailə Qasımova 558
balla filialın "Riyaziyyat-İnformatika" fakültəsinə, Mədinə
Mustafayeva isə 553 balla "Tarix müəllimliyi" fakültəsinə daxil olub.
GOYEZEN.AZ
Facebook-da paylaş