Qazax rayon sakinlərinin nəzərinə!
Son
illər respublikamızda əhalinin fasiləsiz enerji ilə təchiz edilməsində
avadanlıqların yenilənməsi və yeni enerji istehsalı mənbələrinin istifadəyə
verilməsi istiqamətində mühüm nailiyyətlər əldə edilib. Bütün bunlar dövlətimizin
enerji sektorunun inkişafına göstərdiyi daimi diqqət və qayğının nəticəsində
mümkün olub. Respublikamızın
hər yerində olduğu kimi, Qazaxda da Rayon Elektrik Şəbəkəsi tərəfindənəhalinin fasiləsiz elektrik
enerjisi ilə təmin olunması üçün payız-qış mövsümünə hazırlıq işləri aparılır,
müvafiq tədbirlər görülür. Qazax şəhərinin,
eləcə də rayonun kəndlərinin elektrik enerji istehlakçılarını fasiləsiz,
dayanıqlı elektrik enerjisi ilə təmin etmək məqsədilə həmin istehlakçıları
qidalandıran 110/35/10/6 kv-luq yarımstansiyalarından çıxan 10/6 kv-luq hava
xətlərində profilaktik təmir işləri həyata keçiriləcəkdir. Məhz bu
səbəbdən şəhərdə və rayonun Aslanbəyli, Yuxarı Salahlı, Çaylı, Bala
Çaylı, Qazaxbəyli, Kosalar, Canalı, Hüseynbəyli, Quşçu Ayrım, Daş Salahlı,
Dəmirçilər, Ürkməzli, Alpout, Abbasbəyli, Birinci Şıxlı, İkinci Şıxlı, Kəmərli kəndlərində
müvafiq olaraq 6 və 10 kv-luq hava xətlərində təmir işləri aparılacaqdır. Vətəndaşlardan13,16,17,18,19,20,23,24,25,26,27
avqust tarixlərində günün müxtəlif saatlarında aparılacaq təmir işləri,
eləcə də elektrik xətlərinin üzərinə düşən ağacların budanması ilə əlaqədar
elektrik enerjisinin verilməsində yaranmış fasilələri nəzərə almaları xahiş
olunur. GOYEZEN.AZ
Facebook-da paylaş