Qazaxda rayonun diaqnostik qiymətləndirməsinə dair 3 günlük seminar keçirilib
Xəbər
verdiyimiz kimi, Avropa İttifaqının sifarişi əsasında Almaniya Beynəlxalq
Əməkdaşlıq Cəmiyyəti (GİZ GmbH), Gəncə-Qazax İqtisadi Rayonunda Yerli və
Regional İnkişafa Dəstək” layihəsini 2016-cı il dekabr ayında bağlanmış qrant
sazişinə əsasən icra edir. Azərbaycan Respublikasının İqtisadiyyat Nazirliyi
layihənin əlaqələndiricisi, Dövlət Turizm Agentliyi, Kənd Təsərrüfatı Nazirliyi
və Ədliyyə Nazirliyi isə layihənin tərəfdaşlarıdır. Sevindirici
haldır ki, həmin layihə çərçivəsində pilot olaraq Qazax rayonunun "Rayon
İnkişaf Planı”nın hazırlanması da nəzərdə tutulub. Bununla bağlı layihənin
hazırlanması üçün ilkin olaraq danışıqların aparılması məqsədilə nümayəndə
heyəti Qazaxda olub, aidiyyəti şəxslərlə görüş keçirib. Daha sonra
layihə çərçivəsində 4-6 dekabr tarixlərində Qazax rayonunun diaqnostik
qiymətləndirməsinə dair 3 günlük seminar təşkil olunub. Olimpiya İdman
Kompleksində keçirilən seminarda Qazax RİHB aparatının məsul işçisi, Regional
Koordinator və Gəncə ofisinin rəhbəri (GİZ-SLRD) Fariz Qarayev, məsləhətçi Zaur
Bayramov, İqtisadiyyat Nazirliyi Gəncə-Qazax regional bölməsində baş məsləhətçi
Teymurlan Şabanov, müavin Orxan İbrahimov, böyük məsləhətçi Əli İsgəndərov, "GFA
konsaltinq” şirkətinin ekspertləri İlkin Qasımlı, Vaqif Rüstəmov, rayonunun
idarə, müəssisə və təşkilatlarından 25 nəfər nümayəndə iştirak ediblər. Qazax RİHB aparatında Sosial-iqtisadi inkişafın təhlili və proqnozlaşdırılması şöbəsinin müdir müavini Azad Hümbətov giriş sözü ilə çıxış edərək qonaqları salamlayıb, həyata keçirilən layihənin və seminarın əhəmiyyətindən danışıb. İstər layihənin, istərsə də seminarın rayonun
sosial-iqtisadi inkişafında böyük əhəmiyyət kəsb edəcəyini qeyd edib. Regional
Kordinator və Gəncə ofisinin rəhbəri Fariz Qarayev çıxış edərək bildirib ki,
layihənin əsas məqsədi regional inkişafa dəstək vermək məqsədilə yerli
hakimiyyət orqanlarının ərazi planlaması və idarəetmə bacarıqlarının
gücləndirilməsidir. Layihənin digər məqsədlərindən biri turizm və kənd
təsərrüfatı sahələrinin yerli və regional səviyyədə inkişaf etdirilməsidir. F.Qarayev qeyd
edib ki, Qazax rayonunda "Rayon İnkişaf Planı”nın hazırlanması məqsədilə
"GFA konsaltinq” şirkəti ilə müqavilə bağlanıb. "Rayon İnkişaf
Planı”nın hazırlanması əsasən 4 mərhələdən – Rayon İcra Hakimiyyəti ilə görüş,
maraqlı və əlaqəli tərəflərin təhlili, rayonun sosial-iqtisadi məsələləri ilə
bağlı diaqnostikası və ən nəhayət "Rayon İnkişaf Planı”nın
hazırlanmasından ibarətdir. Bildirib ki, bu
mərhələlər çərçivəsində həyata keçiriləcək fəaliyyətlərin noyabr, dekabr,
yanvar və fevral aylarında seminarlar və rayona birbaşa səfərlərlə həyata
keçirilməsi nəzərdə tutulmuşdur ki, artıq biz seminarlara start vermişik. Qeyd edib ki, bu
layihə və 3 gün ərzində həyata keçiriləcək seminarın əsas məqsədi rayonun
sosial-iqtisadi göstəricilərinin dərindən öyrənilməsinə, eləcə də hazırlanmış
plana əsasən rayona yeni investisiyaların qoyulmasına dəstək olmaq və töhfə
verməkdir. Buna görə də planın hazırlanmasında
iştirak edəcək hər bir tərəfdaş öz sahəsi üzrə mükəmməl və ətraflı məlumata
sahib olmalı və təşkilatını layiqincə təmsil etməyi bacarmalıdır. Eyni zamanda,
keçirilən seminarlarda aktivliyi və fəallığı ilə seçilməlidir. Regional
Koordinator və Gəncə ofisində məsləhətçi Zaur Bayramov, İqtisadiyyat Nazirliyi
Gəncə-Qazax regional bölməsində baş məsləhətçi Teymurlan Şabanov, "GFA
konsaltinq” şirkətinin ekspertləri İlkin Qasımlı və Vaqif Rüstəmov da seminar
və layihə haqqında fikirlərini bölüşüb, müxtəlif mövzularla çıxış ediblər. Seminarın ilk
günü tətbiq olunacaq metodlar barədə məlumat verilib və layihə təqdim olunub.
İkinci gün isə GZİT təhlilinin birinci hissəsi davam edib. Birinci hissə üzrə nəticələrin
təqdimatı olub. Rayon üçün güclü və zəif tərəflərin, imkan və təhlükələrin
siyahıya alınması aparılıb. GZİT-in ikinci hissəsində strategiya işlənib.
Mövcud hökumət mənbələrindən olan rayonun statistik məlumat və informasiyaları
təqdim olunub. İştirakçılarla statistik məlumat və informasiyalar müzakirə
edilib. Seminarın
üçüncü günü də olduqca maraqlı keçib. Belə ki, mövzu üzrə problem təhlil
olunub. Problemin təhlili "Problem ağacın” qurulması ilə davam etdirilib. Seminarın
yekununda bir çox məsələlər qarşılıqlı müzakirə olunaraq diaqnostik təhlil
olunub. Eyni zamanda, növbəti ayda da 3 günlük seminarın təşkil olunacağı
bildirilib. GOYEZEN.AZ
Facebook-da paylaş