Almaniya Beynəlxalq Əməkdaşlıq Cəmiyyəti Qazaxda daha bir layihəsini həyata keçirəcək
Məlumat üçün bildirək ki, Avropa İttifaqının sifarişi
əsasında Almaniya Beynəlxalq Əməkdaşlıq Cəmiyyəti (GİZ GmbH), Gəncə-Qazax
İqtisadi Rayonunda Yerli və Regional İnkişafa Dəstək” layihəsini 2016-cı il
dekabr ayında bağlanmış qrant sazişinə əsasən icra edir. Azərbaycan
Respublikasının İqtisadiyyat Nazirliyi layihənin əlaqələndiricisi, Dövlət
Turizm Agentliyi, Kənd Təsərrüfatı Nazirliyi və Ədliyyə Nazirliyi isə layihənin
tərəfdaşlarıdır.
Layihə çərçivəsində pilot olaraq Qazax rayonunun
"Rayon İnkişaf Planı”nın hazırlanması nəzərdə tutulur. Bu gün layihənin
hazırlanması üçün ilkin danışıqların aparılması məqsədilə nümayəndə heyəti ilə
görüş keçirilib.
Qazax Rayon İcra Hakimiyyətində keçirilən görüşdə Rayon
İcra Hakimiyyəti başçısının müavini Tahir Musayev, aparatın məsul şəxsləri, Komanda
rəhbəri (SLRD layihəsi) Gerald Duda, komponent meneceri (SLRD layihəsi) Witold
Sartorius, İqtisadiyyat Nazirliyi Gəncə-Qazax regional bölməsinin müdiri Arzu
Hacıyev və baş məsləhətçisi Teymurlan Şabanov, Regional Koordinator və Gəncə
ofisinin rəhbəri (SLRD layihəsi) Fariz Qarayev, "GFA konsaltinq” şirkətinin
eksperti İlkin Qasımlı iştirak ediblər.
Regional Kordinator və Gəncə ofisinin rəhbəri Fariz
Qarayev çıxış edərək bildirib ki, layihənin əsas məqsədi regional inkişafa
dəstək vermək məqsədilə yerli hakimiyyət orqanlarının ərazi planlaması və
idarəetmə bacarıqlarının gücləndirilməsidir. Layihənin digər məqsədlərindən
biri turizm və kənd təsərrüfatı sahələrinin yerli və regional səviyyədə
inkişafına töhfə verməkdir.
F.Qarayev qeyd edib ki, Qazax rayonunda "Rayon İnkişaf
Planı”nın hazırlanması məqsədilə "GFA konsaltinq” şirkəti ilə müqavilə bağlanıb.
"Rayon İnkişaf Planı”nın hazırlanması əsasən 4 mərhələdən – Rayon İcra
Hakimiyyəti ilə görüş, maraqlı və əlaqəli tərəflərin təhlili, rayonun
sosial-iqtisadi məsələləri ilə bağlı diaqnostikası və ən nəhayət "Rayon İnkişaf
Planı”nın hazırlanmasından ibarətdir.
Bu mərhələlər çərçivəsində həyata keçiriləcək
fəaliyyətlərin noyabr, dekabr, yanvar və fevral aylarında seminarlar və rayona
birbaşa səfərlərlə həyata keçirilməsinin nəzərdə tutulduğunu vurğulayıb.
Qeyd olunub ki, bu layihə rayonun sosial-iqtisadi göstəricilərinin
dərindən öyrənilməsində, eləcə də hazırlanmış plana əsasən rayona yeni
investisiyaların qoyulmasında mühüm rol oynayacaqdır.
Bildirilib ki, planın hazırlanmasında iştirak edəcək
hər bir tərəfdaş öz sahəsi üzrə mükəmməl və ətraflı məlumata sahib olmalı və
təşkilatını layiqincə təmsil etməyi bacarmalıdır. Eyni zamanda, keçiriləcək
seminarlarda aktivliyi və fəallığı ilə seçilməlidir.
Sonda görüş iştirakçıları tərəfindən "Rayon İnkişaf
Planı”nın hazırlanmasında iştirak edə biləcək tərəfdaşların adları təklif
olunub.
GOYEZEN.AZ
Facebook-da paylaş