BDU-nun Qazax filialında “Milli dövlətçiliyin dirçəlişində Heydər Əliyev böyük tarixi qərarlara imza atdı” mövzusunda mühazirə oxunub
Qazax
Rayon Heydər Əliyev Mərkəzinin 2021-ci il Tədbirlər Planına əsasən azadlığa,
müstəqilliyə gedən yolu nurlandıran, daim milləti ilə birlikdə olmaqla, xalqını
zamanın sərt sınaqlarından yüksək məharətlə çıxaran müdrik lider Heydər
Əliyevin ölkəmizin qüdrətlənməsi istiqamətində həyata keçirdiyi əvəzsiz xidmətlərin
gələcək nəsillərə təbliği məqsədilə ümumtəhsil, ali və orta ixtisas məktəblərində
mühazirələrin oxunması davam edir. Növbəti mühazirə noyabrın 18-də Bakı
Dövlət Universitetinin Qazax filialının tələbələrinə "Milli dövlətçiliyin dirçəlişində
Heydər Əliyev böyük tarixi qərarlara imza atdı” mövzusunda oxunub. Mərkəzin direktoru
Ceyhunə Hüseynova milli dövlətçiliyin dirçəlişində Heydər Əliyevin imza atdığı
böyük tarixi qərarlardan danışaraq bildirib ki, Azərbaycan bugünkü müstəqilliyinə
nail olmaq və müstəqilliyini qoruyub saxlamaq, əbədi və dönməz etmək üçün çətin
və keşməkeşli tarixi bir yoldan keçmişdir. Bu yolun mahiyyəti və sonrakı tarixi
proseslərə təsiri Heydər Əliyev kimi tarixi şəxsiyyətin yeni siyasi
reallıqlarla nail olduğu ümummilli nəticələr ilə özünü
sübuta yetirməkdədir. Heydər Əliyevin siyasi fəaliyyətinin hədəfində duran azad
və müstəqil dövləti qurmaq, onu qorumaq, tarixi reallığa çevirmək məharəti
olmadan bugünkü müstəqil, azad, bütöv və qalib Azərbaycanı təsəvvür etmək
mümkün ola bilməz.
Sonra BDU-nun Qazax
filialının şöbə müdiri Qasım Əliyev çıxış edərək Azərbaycanın siyasi həyatını,
bütövlükdə cəmiyyətimizi Heydər Əliyevin tarixi qərarlarından kənarda təsəvvür
olunmadığını bildirib. Qeyd edib ki, məhz Heydər Əliyevin Azərbaycanda xalqın tələbi
ilə hakimiyyətə qayıtmasından sonra ölkədə yeni siyasi kurs formalaşmağa
başladı. Nəticədə vətəndaş müharibəsi sovuşdu, separatçılıq meyillərinə son
qoyuldu. Azərbaycanın müstəqilliyi təmin edildi. Qısa müddət ərzində Azərbaycan
sabitlik diyarına, iqtisadi möcüzələr ölkəsinə, dünya birliyinin layiqli üzvünə
çevrildi. Bu gün Azərbaycan Ulu Öndərin layiqli varisi, ölkə Prezidenti, Ali
Baş Komandan İlham Əliyevin rəhbərliyi ilə güclü dövlət kimi öz sözünü deməkdədir.
Bu, xalqımızın və dövlətimizin uğurudur. Q.Əliyev bildirib ki, Qazax Rayon Heydər
Əliyev Mərkəzinin əməkdaşları tərəfindən mütəmadi olaraq tələbələrə Ulu Öndərin
ibrətamiz həyatı və siyasi fəaliyyəti, müasir tariximizdə əvəzsiz xidmətlərindən
bəhs edən mühazirələrin oxunması təqdirəlayiq haldır və bu, Universitet rəhbərliyi,
eləcə də tələbələr tərəfindən yüksək qiymətləndirilir.
GOYEZEN.AZ
Facebook-da paylaş