“Ən böyük Azərbaycanlı” adlı "Açıq dərs” keçirilib
Ümummilli Lider
Heydər Əliyevin siyasi fəaliyyətini təbliğ etmək məqsədilə Qazax Rayon İcra Hakimiyyəti, Rayon
Heydər Əliyev Mərkəzi və Təhsil şöbəsinin birgə təşkilatçılığı ilə "Heydər
Əliyev məktəbi” adlı layihə uğurla davam etdirilir. Noyabr-dekabr aylarını əhatə
edən layihə çərçivəsində yuxarı sinif şagirdlərinin iştirakı ilə təşkil olunan
"Açıq dərs”lər məktəblilər tərəfindən də maraqla qarşılanır.
Bu gün növbəti "Açıq dərs” Şamoy
Çobanov adına Ağköynək kənd tam orta məktəbin müəllim və yuxarı sinif şagirdlərinin iştirakı ilə
keçirilib. Dərs Mərkəzin Heydər Əliyevin həyatının və siyasi fəaliyyətinin hər
bir dövrünü özündə əks etdirən eksponatlarla zəngin olan ekspozisiya zalında
aparılıb. "Ən böyük Azərbaycanlı” adlı mühazirəni Mərkəzin direktoru
Ceyhunə Hüseynova oxuyub. Mühazirədə Azərbaycanın böyük oğlu, xilaskar Heydər Əliyevin ölkəmizin
müstəqilliyinə qovuşmasında və bu müstəqilliyin qorunub saxlanılması yolunda məhrumiyyətlərə
sinə gərib öz sağlamlığı və həyatını təhlükəyə atmasından danışılıb. Ulu Öndərin
müasir Azərbaycanın qurucusu və memarı kimi bu gün də dərin hörmət və ehtiramla
anıldığı bildirilib. Qeyd edilib ki, əgər bu gün dünya ölkələri tərəfindən
tanınan və onların hər biri ilə iqtisadi-siyasi, mədəni, sosial əlaqələr quran müstəqil
Azərbaycan varsa, buna görə Heydər Əliyevə borcluyuq, Ona minnətdar olmalıyıq.
Sonra həmin
dövrlərin xronologiyasını əks etdirən film nümayiş olunub. Dərs muzeyin
ekskursiyası ilə yekunlaşıb.
GOYEZEN.AZ
Facebook-da paylaş