“Müasir, müstəqil Azərbaycanın quruculuğunda dövlət atributları” başlıqlı növbəti “Açıq dərs” keçirilib
Respublika
Prezidentinin 15 sentyabr 2017-ci il tarixli Sərəncamı ilə təsdiq
edilmiş "Azərbaycan gəncliyi 2017-2021-ci illərdə" Dövlət
Proqramı”nın və 26 yanvar 2015-ci il tarixli Sərəncamı ilə təsdiq edilən
"2015-2025-ci illərdə Azərbaycan gənclərinin İnkişaf
Strategiyası”nın icrası ilə əlaqədar Qazaxda görülən məqsədyönlü işlər
uğurla davam etdirilir. Qazax Rayon İcra Hakimiyyəti, Rayon Heydər Əliyev Mərkəzi
və Rayon Təhsil şöbəsinin birgə təşkilatçılığı ilə "Heydər Əliyev məktəbi”
layihəsi çərçivəsində təşkil olunan "Açıq dərs”lər də bu istiqamətdə
həyata keçirilən işlərin tərkib hissəsidir. Ümummilli
Lider Heydər Əliyev irsinin təbliği və müasir tariximizin daha da dərindən
öyrədilməsi məqsədilə yuxarı sinif şagirdlərinə tarix dərslərinin Heydər Əliyev
Mərkəzində keçirilməsi məktəblilər tərəfindən də maraqla qarşılanır. Noyabr-dekabr
aylarını əhatə edən layihə çərçivəsində növbəti "Açıq dərs” 7 noyabr tarixində
F.Şamoyev adına Qazax şəhər 4 nömrəli tam orta məktəbin yuxarı sinif
şagirdlərinin iştirakı ilə keçirilib. "Müasir,
müstəqil Azərbaycanın quruculuğunda dövlət atributları” başlıqlı mühazirəni məktəbin tarix müəllimi Leyla Allahverdiyeva oxuyub. Məktəblilərə müstəqil dövlətimizi
dünyada qüdrətlə tərənnüm edən dövlət atributlarının qəbul
edilməsində Ulu Öndər Heydər Əliyevin gördüyü işlərdən danışıb. Mühazirədən sonra məktəblilər arasında mövzuya
uyğun sual-cavab aparılıb. Məktəblilərdən Nigar Hüseynova,
Rza Rzayev, Həsən Fərzalıyev, Anar Ocaqverdiyev, Lalə Rüstəmova xüsusilə fərqləniblər. Dərs Bayraq Gününə
həsr olunmuş filmin nümayişi və muzeyin
ekskursiyası ilə başa çatıb. GOYEZEN.AZ
Facebook-da paylaş