Qazaxda "Heydər Əliyev məktəbi” layihəsi uğurla davam etdirilir
Respublika
Prezidentinin 15 sentyabr 2017-ci il tarixli Sərəncamı ilə təsdiq
edilmiş "Azərbaycan gəncliyi 2017-2021-ci illərdə" Dövlət
Proqramı”nın və 26 yanvar 2015-ci il tarixli Sərəncamı ilə təsdiq edilən
"2015-2025-ci illərdə Azərbaycan gənclərinin İnkişaf
Strategiyası”nın icrası ilə əlaqədar Qazax rayonunda da məqsədyönlü işlər
görülür. Qazax Rayon İcra Hakimiyyəti, Rayon Heydər Əliyev Mərkəzi və Rayon
Təhsil şöbəsinin birgə təşkilatçılığı ilə "Heydər Əliyev məktəbi” layihəsi
çərçivəsində təşkil olunan "Açıq dərs”lər də bu istiqamətdə həyata keçirilən
təqdirəlayiq işlərdəndir. Ümummilli
Lider Heydər Əliyev irsinin təbliği və müasir tariximizin daha da dərindən
öyrədilməsi məqsədilə yuxarı sinif şagirdlərinə tarix dərslərinin Heydər Əliyev
Mərkəzində keçirilməsi məktəblilərin də marağına səbəb olur. Layihə
çərçivəsində növbəti "Açıq dərs” 6 noyabr tarixində Səməd Vurğun
adına Qazax şəhər 2 nömrəli tam orta məktəbin yuxarı sinif
şagirdlərinin iştirakı ilə keçirilib. "Heydər
Əliyev və Azərbaycanda dövlət quruculuğu” başlıqlı mühazirəni məktəbin
tarix müəllimi Vətalət Mirzəliyeva oxuyub. Məktəblilərə Azərbaycan
xalqının tarixi və milli sərvəti olan azərbaycançılıq ideologiyasının xalqımıza
geri gətirilməsində böyük dövlət adamı Heydər Əliyevin əvəzsiz xidmətlərindən danışılıb. Mühazirədən
sonra məktəblilər arasında mövzuya uyğun sual-cavab aparılıb. MəktəblilərdənAytən Qədirova, Gülayə Yusifova xüsusilə fərqləniblər. Dərsdən
sonra mühazirədə əhatə olunmuş dövrün xronologiyasını özündə əks
etdirən film nümayiş olunub. "Açıq dərs” şagirdlərin muzeyi ekskursiyası ilə
başa çatıb.
GOYEZEN.AZ
Facebook-da paylaş