Qazaxda Heydər Əliyev prospektində su və kanalizasiya sisteminin çəkilişi yekunlaşan hissələrə yeni asfalt vurulması davam edir
Respublika Prezidenti cənab İlham Əliyevin qayğısı sayəsində
"Azərsu” Açıq Səhmdar Cəmiyyəti tərəfindən Qazaxda şəhərin içməli su və
kanalizasiya sisteminin yenidən qurulması işləri sürətlə davam etdirilir. Hər
kəsə o da yaxşı məlumdur ki, şəhərdə su və kanalizasiya xətlərinin çəkilişi ilə
yanaşı, işlərin başa çatdırıldığı prospekt və küçələrdə abadlıq işləri
aparılır. Küçələrə yeni asfalt vurulur, səkilərə tamet, bardür düzülür, qaz,
elektrik, rabitə xətləri səliqəyə salınır. Bu günə kimi şəhərdə su və kanalizasiya xətlərinin
çəkilişi yekunlaşan Molla Pənah Vaqif, Səməd
Vurğun, Azadlıq, Zeynalabdin Tağıyev, Murtuz
Carçıyev, Əminə Dilbazi, Molla Vəli Vidadi, Hüseyn Arif, Məmməd
Əmin Rəsulzadə, Əhməd Seyidov, Mehdi Hüseyn, Bakı, Firuddin
Şamoyev küçələrinə yeni asfalt örtüyünün vurulması bu
dediklərimizin bariz nümunəsidir. Bundan əlavə, şəhərin Nəriman
Nərimanov yaşayış massivində yerləşən 1,2,3,49
saylı, Heydər Əliyev prospektində yerləşən
61A,63,65 saylı, Azadlıq küçəsində yerləşən
92,208,208A saylı, Şəhidlər Xiyabanı küçəsində
yerləşən 12,14,25,27 saylı çoxmənzilli yaşayış binalarının həyətində abadlıq
işləri aparılaraq "Abad məhəllə” kimi sakinlərin istifadəsinə verilməsi
Qazaxın abad rayonlar sırasında olması
deməkdir. Hazırda şəhərin Heydər Əliyev prospektində və Firuddin Şamoyev küçəsində su və kanalizasiya sisteminin
çəkilişləri yekunlaşan hissələrdə ikinci qat asfalt örtüyü döşənir. Eyni
zamanda şəhərdə böyük küçələrdən olan Əliağa
Şıxlinski küçəsində su-kanalizasiya sisteminin çəkilişi
yekunlaşmaq üzrədir. İşlər başa çatan kimi burada da abadlıq işləri aparılaraq
yeni asfalt örtüyü vurulacaq. Bu gün Qazax Rayon İcra
Hakimiyyətinin başçısı Rəcəb Babaşov aidiyyəti
şəxslərlə birlikdə yeni asfalt vurulmuş Heydər Əliyev prospektində, Firuddin
Şamoyev, Molla Pənah Vaqif və Azadlıq küçələrində olub, görülmüş işlərin mövcud vəziyyəti ilə
maraqlanıb. İşlərlə yerində tanış olan rayon rəhbəri aidiyyəti üzrə
tapşırıqlarını verib. Son illər ölkə başçısının rəhbərliyi altında
respublikamızın hər yerində olduğu kimi, Qazaxda da
genişmiqyaslı quruculuq işlərinin aparılmasını razılıq hissi ilə qarşılayan
sakinlər buna görə ölkə Prezidenti İlham Əliyevə minnətdarlıq edirlər. Heydər Əliyev prospekti
Facebook-da paylaş