İcra başçısı dam örtüyü dəyişdirilən məcburi köçkün ailələrinin yaşadığı binada olub
Bu gün hər kəsə yaxşı
məlumdur ki, son illər Qazaxda bütün sahələrlə yanaşı, əhalinin mənzil-məişət
şəraitinin yaxşılaşdırılması istiqamətində də məqsədyönlü işlər görülür. Rayonda mövcud olan 163 çoxmənzilli yaşayış binasından
artıq 120-ə yaxın binanın dam örtüyündə, bloklarında və xarici fasadında təmir işlərinin
aparılması bu sahənin daim diqqət mərkəzində olmasından xəbər verir. Bu gün Qazax Rayon İcra
Hakimiyyətinin başçısı Rəcəb Babaşov şəhərin Bakı küçəsi 2A ünvanında yerləşən və dam
örtüyü dəyişdirilən məcburi köçkün ailələrinin yaşadığı binada olub. Sakinlərlə
səmimi söhbət edən rayon rəhbəri onların qayğıları ilə maraqlanıb. Görülən
işlərlə tanış olan icra başçısı lazımi tapşırıq və tövsiyələrini verib. Dam örtüyü dəyişdirilən binanın sakinləri vətəndaşların
mənzil-məişət şəraitinin yaxşılaşdırılması istiqamətində görülən işləri yüksək
qiymətləndirərək ölkə başçısına və rayon rəhbərliyinə minnətdarlıqlarını
bildiriblər. Sonra icra başçısı ötən il təmirinə başlanılan şəhərin mərkəzində
yerləşən Bağanıs Ayrım
kəndindən məcburi köçkün olan sakinlərin yaşadığı Ş.Xiyabanı 27, şəhər sakinlərinin
yaşadığı Ş.Xiyabanı 25 saylı binalarda
da olub. Rayon rəhbərinə bildirilib
ki, Ş.Xiyabanı 25 saylı binada bütün bloklarda astar-üzlük vurulub, blokların giriş
hissəsinə qoyulan dəmir qapılar rənglənib, təmirə ehtiyacı olan köhnə
pəncərələr yeni plastik pəncərələrlə əvəzlənib. Ş.Xiyabanı 27 saylı binanın
xarici fasadında bir hissədə rənglənmə işləri aparılıb və tam hazırdır. Digər
hissədə isə lazım olan yerlərdə görülən suvaq işləri, eləcə də bloklarda
astar-üzlük vurulması işləri yekunlaşıb. Bu binada da bloklara qoyulan yeni dəmir
qapılar rənglənib. Köhnə pəncərələrin əksəriyyəti dəyişdirilərək yeni plastik
pəncərələr qoyulub. Bundan əlavə, binalarla yanaşı həyətdə olan qarajların da
əksəriyyətinin dam örtüyü dəyişdirilib, rənglənmə işləri aparılıb. Qeyd olunub
ki, binaların xarici fasadında və bloklarda rənglənmə işləri qalıb ki, yaxın
günlərdə o da həyata keçiriləcək. Ş.Xiyabanı küçəsi 25 saylı bina Ş.Xiyabanı küçəsi 27 saylı bina Bakı küçəsi 2A ünvanında dam örtüyü dəyişdirilən bina GOYEZEN.AZ
Facebook-da paylaş