Sosial şəbəkələrdə Qazax Təcili və Təxirəsalınmaz Tibbi Yardım Stansiyası haqda yayımlanan video ilə bağlı baş həkimin açıqlaması
Bu gün sosial şəbəkələrdə Qazaxda Təcili və Təxirəsalınmaz
Tibbi Yardım Stansiyasında (TTTYS) şəraitin olmaması ilə bağlı video
yayımlanmışdır. Stansiyasının əməkdaşı videoda şəraitin olmamasından, təmirsiz
bir binada yerləşdirilmələrindən şikayət edir. Ölkəmizdə yaşanan çətin bir vəziyyətdə,
koronavirus (COVID-19) pandemiyası ilə mübarizə aparıldığı bir vaxtda Qazax səhiyyəsinin
adına kölgə salacaq bu cür paylaşımın edilməsi təbii ki, xoşagəlməz haldır. Məlumat üçün qeyd edək ki, bu il martın 3-də Azərbaycan
Respublikasının Prezidenti cənab İlham Əliyevin iştirakı ilə Qazax Rayon Mərkəzi
Xəstəxanasının 145 çarpayılıq binası istifadəyə verildi. Xəstəxana ən müasir
tibbi avadanlıqlarla və inventarlarla təmin
edilib. Xəstəxanada bütün şəraiti olan Təcili
və Təxirəsalınmaz Tibbi Yardım Stansiyasının şöbəsi yaradılıb. Lakin xəstəxana 25 mart 2020-ci il tarixdən koronavirus
(COVID-19) pandemiyası ilə əlaqədar olaraq karantin xəstəxanası kimi fəaliyyət
göstərməyə başlayıb. Yoluxucu xəstəliklər şöbəsindən başqa bütün şöbələr köhnə
yerlərinə köçürülüb. Qazax RMX TTTYS-sı isə uşaq xəstəxanası ərazisində yerləşən
əlavə tikiliyə yerləşdirilib. Qazax Rayon İcra Hakimiyyəti tərəfindən TTTYS-nın müvəqqəti
yerləşdirildiyi binada cari təmir işlərinə başlanılıb. "Qazax Rayon Mərkəzi Xəstəxanası” Publik Hüquqi Şəxsin
direktoru Sevda Məmmədova bu gün sosial şəbəkələrdə yayımlanan video ilə bağlı
fikirlərini bildirib. Baş həkim qeyd edib ki, "Biz səhiyyə şöbəsinin
kollektivi dünyanı bürüyən pandemiyaya qarşı mübarizə ilə ələqadar var gücümüzlə
çalışır, əhalinin sağlamlığının keşiyində dayanırıq. Lakin sıralarımızda olan bəzi
əməkdaşların bugünkü çətin şəraitdə öz məkirli məqsədlərini bu cür biruzə vermələri
həqiqətən də bizi sarsıdır. Mərkəzi Xəstəxananın yeni inzibati binası tikilənə
qədər də biz bu cür şəraitdə layiqincə fəaliyyət göstərmişik. Bundan sonra da əlimizdən
gələni əsirgəməyəcəyik. Dövlət bizim üçün hər cür şərait yaradır. Pandemiya
dövründə səhiyyə işçilərinin maddi rifahının yüksəldilməsi ilə bağlı çox ciddi
qərarlar qəbul etmişdir. Biz inanırıq ki, cənab Prezident İlham Əliyevin və Birinci
vitse-prezident Mehriban Əliyevanın diqqət və qayğısı sayəsində pandemiya ilə
mübarizədən ən az itki ilə çıxacağıq. Bəzi əməkdaşların bu cür hərəkətlərini
hamılıqla pisləyirik”. Baş həkimin TTTYS-sı ilə bağlı açıqlama verdiyi həmin
videonu təqdim edirik.
Facebook-da paylaş