Qazaxda idarə, müəssisə, təşkilat və xidmət sahələrinə həftə ərzində müraciət etmiş vətəndaşların istəkləri dinlənilib
Hər kəsə yaxşı məlumdur ki, bu gün ölkəmizdə Prezident
İlham Əliyevin, Birinci vitse-prezident Mehriban Əliyevanın vətəndaşlara olan qayğıları
bütün sahələrdə real əksini tapır. Ən əsası isə dövlət siyasətinin əsasını
vətəndaş amili, vətəndaş məmnunluğunun təmin edilməsi təşkil edir. Qazax Rayon İcra Hakimiyyətinin başçısı Rəcəb Babaşov tərəfindən şəhər və kəndlərdə sakinlərlə
keçirilən görüşlər zamanı səslənən müraciətlərə operativ şəkildə baxılması,
vətəndaşların yaşadığı ünvandan asılı olmayaraq istəyinə əsasən yerində baxış
keçirilməsi, qaldırılan məsələlərin həlli istiqamətində yerindəcə tapşırıq
verilməsi, vətəndaşların ərizə və müraciətlərinə əsasən keçirilən qəbullar
onu deməyə əsas verir ki, vətəndaş məmnunluğuna hər zaman önəm verilir.
Vətəndaşların fərdi və ya ümumi şəkildə qəbul edilməsi bu məqsədə xidmət
edir. Qazaxda ölkə Prezidentinin, eləcə də rayon
rəhbərliyinin vətəndaş amilini əsas götürməsi hər bir dövlət məmuruna örnəkdir.
Qazax Rayon İcra Hakimiyyəti ilə yanaşı, rayonda fəaliyyət göstərən idarə,
müəssisə, təşkilat və xidmət sahələri tərəfindən də vətəndaşlar qəbul olunur,
müraciətləri dinlənilir. Ölkə Prezidentinin, rayon rəhbərliyinin vətəndaşlara
olan münasibətini əldə rəhbər tutan idarə, müəssisə, təşkilat və xidmət
sahələri rəhbərləri öz işlərində dövlət-vətəndaş münasibətlərinin qorunmasını,
dövlətin, ölkə rəhbərinin vətəndaşa olan qayğısını olduğu kimi çatdırmağı əsas
götürürlər. Bunu həftə ərzində edilən müraciətlərdən və həlli istiqamətində
görülmüş işlərdən də aydın şəkildə görmək olur. Bu həftə ərzində rayon üzrə 20 idarə və müəssisədən
10-na müxtəlif mövzularla bağlı vətəndaş müraciəti olub. Ümumilikdə, 229 nəfər
vətəndaş qəbul edilib. Onlardan 96 nəfərin müraciəti müsbət həll olunub, 133
nəfərin müraciəti isə qanunamüvafiq qaydada cavablandırılıb. Azərbaycan Respublikası Əmək və Əhalinin Sosial
Müdafiəsi Nazirliyinin tabeliyində Dövlət Sosial Müdafiə Fondunun Publik Hüquqi
Şəxsin 1 saylı Qazax-Tovuz Regional Filialının Qazax Rayon Qəbul
Şöbəsində həftə ərzində
75 nəfərin müxtəlif səpkili müraciəti dinlənilib. Onlardan 28 nəfərin istəyi
müsbət həll edilib, 47 nəfərə isə qanunamüvafiq qaydada izahat verilib. Azərbaycan Respublikası Əmək və Əhalinin Sosial
Müdafiəsi Nazirliyinin tabeliyində Dövlət Məşğulluq Agentliyinin Qazax-Tovuz
Regional Məşğulluq filialına həftə ərzində 106 nəfər müxtəlif mövzularla müracət
edib ki, onlardan 46 nəfərin istəyi müsbət həll edilib, 60 nəfərə isə
qanunamüvafiq qaydada izahat verilib. Qazax-Tovuz Regional Təhsil İdarəsinin Qazax rayonu
üzrə Təhsil Sektoruna həftə ərzində 5
nəfər vətəndaş müraciət edib. Vətəndaşların işlə təmin olunma, ştat vahidinin
artırılması ilə bağlı müraciətləri qanunamüvafiq qaydada cavablandırılıb. "Aztelekom” MMC-nin Qazax Telekommunikasiya
Qovşağına internet xəttinin çəkilməsi,
rabitə naqilinin verilməsi, adından çıxarılmış telefon nömrəsinin bərpa
olunması, telefon nömrəsinin başqasının adına keçirilməsi ilə bağlı 4 nəfər vətəndaş müraciət edib ki, onlardan
1-i müsbət həllini tapıb. 3 müraciət isə qanunamüvafiq qaydada cavablandırılıb. "Azərpoçt” MMC-nin Qazax Poçt filialına həftə ərzində müraciət edən 1 nəfər vətəndaşın
adına göndərilmiş aliment pulunun ödənişinin siyahısının verilməsi ilə bağlı
müraciəti də müsbət həll olunub. 8 nömrəli Regional Sukanal İdarəsinin Qazax Sukanal
Sahəsinə müraciət etmiş 5
nəfər vətəndaşdan 2 nəfərin su xətti, 1 nəfərin borcla bağlı məsələsi müsbət
həll edilib, 1 nəfərin köhnə borcun silinməsi, 1 nəfərin texniki şərtlə bağlı
istəyi isə qanunamüvafiq qaydada cavablandırılıb. Qazax Dövlət Aqrar İnkişaf Mərkəzində 1 nəfərin subsidiyanın köçməməsi, 1 nəfərin isə yazlıq qarğıdalı əkininin bəyanının verilməsi barədə müraciətləri dinlənilərək onlara qanunamüvafiq izahat verilib. Qazax Müalicə Diaqnostika Mərkəzinə həftə ərzində 7 nəfər vətəndaş müayinə və xəstəlikə
bağlı müraciət edib ki, istəkləri təmin olunub. Qazax Rayon Mərkəzi Xəstəxanasına həftə ərzində 22 nəfər vətəndaş müraciət edib.
Onlardan 8 nəfər xəstəliklə, 5 nəfər arayışla, 1 nəfər imtiyazlı qrupa aid
dərmanlarla, 2 nəfər işə qəbulla, 4 nəfər əlilliyin təkrar təyini, 2 nəfər isə müxtəlif
səpkili mövzuda müraciət etdiyini bildirib. 10 nəfərin müraciəti yerində həll
edilib, 12 nəfərin müraciəti isə qanunamüvafiq qaydada cavablandırılıb. Qazax Elektrik Şəbəkəsinə həftə ərzində işıq sərfiyyatına görə borcun araşdırılması ilə bağlı müraciət etmiş 2 nəfər vətəndaşa qanunamüvafiq izahat verilib. Vətəndaşları dinləmək, həlli mümkün olan məsələlərdə
dəstək olmaq, müvafiq izahat vermək, lazım yarandığı halda aidiyyəti
təşkilatlar qarşısında məsələ qaldırmaq, bir sözlə, vətəndaş məmnunluğunu təmin
etmək hər bir dövlət məmurunun vəzifə borcudur. Bu, Qazaxda həm rayon
rəhbərliyi, həm də rayonda fəaliyyət göstərən idarə, müəssisə, təşkilat və
xidmət sahələri rəhbərləri tərəfindən birmənalı şəkildə yerinə yetirilir. Bütün
bunların arxasında isə dövlətin, ölkə rəhbərinin vətəndaşına olan qayğısı
dayanır. GOYEZEN.AZ
Facebook-da paylaş