Qazaxda idarə, müəssisə, təşkilat və xidmət sahələrinə həftə ərzində müraciət etmiş vətəndaşlar qəbul ediliblər
Bu gün cənab Prezident İlham Əliyevin, Birinci vitse-prezident Mehriban Əliyevanın ölkəmizdə vətəndaşlara olan qayğısı, diqqəti bütün sahələrdə real əksini tapır. Ən əsası isə dövlət siyasətinin əsasını vətəndaş amili, vətəndaş məmnunluğunun təmin edilməsi təşkil edir. Qazax Rayon İcra Hakimiyyətinin başçısı Rəcəb Babaşov tərəfindən şəhər və kəndlərdə sakinlərlə
keçirilən görüşlər zamanı səslənən müraciətlərə operativ şəkildə baxılması,
vətəndaşların yaşadığı ünvandan asılı olmayaraq istəyinə əsasən yerində baxış
keçirilməsi, qaldırılan məsələlərin həlli istiqamətində yerindəcə tapşırıq
verilməsi, vətəndaşların ərizə və müraciətlərinə əsasən keçirilən qəbullar
onu deməyə əsas verir ki, vətəndaş məmnunluğuna hər zaman önəm verilir. Vətəndaşların fərdi
və ya ümumi şəkildə qəbul edilməsi bu məqsədə xidmət edir. Bu gün Qazaxda ölkə Prezidentinin, eləcə də rayon
rəhbərliyinin vətəndaş amilini əsas götürməsi hər bir dövlət məmuruna örnəkdir.
Qazax Rayon İcra Hakimiyyəti ilə yanaşı, rayonda fəaliyyət göstərən idarə,
müəssisə, təşkilat və xidmət sahələri tərəfindən də vətəndaşlar qəbul olunur,
müraciətləri dinlənilir. Ölkə Prezidentinin, rayon rəhbərliyinin vətəndaşlara
olan münasibətini əldə rəhbər tutan idarə, müəssisə, təşkilat və xidmət
sahələri rəhbərləri öz işlərində dövlət-vətəndaş münasibətlərinin qorunmasını,
dövlətin, ölkə rəhbərinin vətəndaşa olan qayğısını olduğu kimi çatdırmağı əsas
götürürlər. Bunu həftə ərzində edilən müraciətlərdən və həlli istiqamətində görülmüş
işlərdən də aydın şəkildə görmək olur. Bu həftə ərzində rayon üzrə 20 idarə və müəssisədən 10-na
müxtəlif mövzularla bağlı vətəndaş müraciəti olub. Ümumilikdə, 279 nəfər vətəndaş
qəbul edilib. Onlardan 119 nəfərin müraciəti müsbət həll olunub, 160 nəfərin
müraciəti isə qanunamüvafiq qaydada cavablandırılıb. Azərbaycan Respublikası Əmək və Əhalinin Sosial
Müdafiəsi Nazirliyinin tabeliyində Dövlət Sosial Müdafiə Fondunun Publik Hüquqi
Şəxsin 1 saylı Qazax-Tovuz Regional Filialının Qazax Rayon Qəbul Şöbəsində həftə ərzində 87 nəfərin müxtəlif səpkili müraciəti
dinlənilib. Onlardan 46 nəfərin istəyi müsbət həll edilib, 41 nəfərə isə
qanunamüvafiq qaydada izahat verilib. Azərbaycan Respublikası Əmək və Əhalinin Sosial
Müdafiəsi Nazirliyinin tabeliyində Dövlət Məşğulluq Agentliyinin Qazax-Tovuz
Regional Məşğulluq filialına həftə ərzində 134 nəfər müxtəlif mövzularla müracət
edib ki, onlardan 42 nəfərin istəyi müsbət həll edilib, 92 nəfərə isə
qanunamüvafiq qaydada izahat verilib. Qazax-Tovuz Regional Təhsil İdarəsinin Qazax rayonu üzrə Təhsil Sektoruna həftə ərzində 6
nəfər vətəndaş müraciət edib. Vətəndaşların işlə təmin olunma, fəxri adın
verilməsi, dərs saatının azlığı ilə bağlı müraciətləri qanunamüvafiq qaydada
cavablandırılıb. "Aztelekom” MMC-nin Qazax Telekommunikasiya
Qovşağına 1 nəfər Vətən müharibəsi şəhidinin ailəsi rabitə naqilinin verilməsi ilə bağlı müraciət edib ki, onun istəyi müsbət həllini tapıb. Qazax Suvarma Sistemləri İdarəsinə həftə ərzində müraciət edən 3 nəfər vətəndaşın Çaylı kəndindəki subartezian quyusunda suyun azalması ilə bağlı müraciətinə qanunamüvafiq qaydada izahat verilib. 8 nömrəli Regional Sukanal İdarəsinin Qazax Sukanal
Sahəsinə müraciət etmiş 7
nəfər vətəndaşdan 6 nəfərin su sayğacı ilə bağlı məsələsi müsbət həll edilib, 1
nəfərin köhnə borcun silinməsi ilə bağlı istəyi isə qanunamüvafiq qaydada cavablandırılıb. Qazax Dövlət Aqrar İnkişaf Mərkəzində subsidiyanın köçməməsi barədə 5 nəfər vətəndaşın
müraciəti dinlənilərək onlara qanunamüvafiq izahat verilib. Vətəndaşlara ƏMDX-nin
elektron bazasından alınan məlumatla dövlət aktında olan məlumat arasında fərq olduğu
üçün torpaq sənədi araşdırılaraq subsidiyanın mərhələli şəkildə köçürüləcəyi
bildirilib. Qazax Müalicə Diaqnostika Mərkəzinə həftə ərzində 10 nəfər vətəndaş müayinə və xəstəlikə
bağlı müraciət edib ki, istəkləri təmin olunub. Qazax Rayon Mərkəzi Xəstəxanasına həftə ərzində 19 nəfər vətəndaş müraciət edib.
Onlardan 8 nəfər xəstəliklə, 2 nəfər arayışla, 1 nəfər imtiyazlı qrupa aid
dərmanlarla, 6 nəfər işə qəbulla, 2 nəfər isə xəstəxana ilə əməkdaşlıqla bağlı
müraciət etdiyini bildirib. 13 nəfərin müraciəti yerində həll edilib, 6 nəfərin
müraciəti isə qanunamüvafiq qaydada cavablandırılıb. Şəmkir Regional Qaz İstismar İdarəsi Qazax Xidmət
Sahəsinə sayğacın
yoxlanılması, yerinin dəyişdirilməsi, qaz xəttinin təmiri, debitor borc barədə 7
nəfər vətəndaş müraciət edib. Onlardan 1 nəfərin müraciəti müsbət həllini
tapıb, 6 nəfərə isə qanunamüvafiq qaydada izahat verilib. Vətəndaşları dinləmək, həlli mümkün olan məsələlərdə
dəstək olmaq, müvafiq izahat vermək, lazım yarandığı halda aidiyyəti
təşkilatlar qarşısında məsələ qaldırmaq, bir sözlə, vətəndaş məmnunluğunu təmin
etmək hər bir dövlət məmurunun vəzifə borcudur. Bu, Qazaxda həm rayon
rəhbərliyi, həm də rayonda fəaliyyət göstərən idarə, müəssisə, təşkilat və
xidmət sahələri rəhbərləri tərəfindən birmənalı şəkildə yerinə yetirilir. Bütün
bunların arxasında isə dövlətin, ölkə rəhbərinin vətəndaşına olan qayğısı
dayanır. GOYEZEN.AZ
Facebook-da paylaş