Dahi şəxsiyyət Heydər Əliyevin anım gününə həsr olunmuş “Açıq qapı” günləri davam edir
Azərbaycan
xalqının Ümummilli Lideri, zəmanəmizin dünya şöhrətli dövlət və siyasi xadimi,
milli müstəqilliyimizin və dövlətçiliyimizin xilaskarı Heydər Əliyevin vəfatından16 il ötür. Dövlətimizin müstəqilliyi və xalqımızın
azadlığı uğrunda etdiyi fədakarlıqları ilə qəlblərdə əbədilik
qazanmış dahi şəxsiyyətin xatirəsini qədirbilən xalqımız bu gün də
böyük hörmət və məhəbbətlə yad edir. Hər il olduğu kimi bu il də Qazax Rayon
Heydər Əliyev Mərkəzində Ümummilli Liderin anım gününə həsr olunmuş "Açıq qapı”
günləri elan olunub və rayonun bütün idarə, müəssisə və təşkilatlarının kollektivləri, təhsil,
mədəniyyət, səhiyyə sahəsində çalışan işçilər, rayon məktəbliləri, ictimaiyyət
nümayəndələri Ulu Öndərin adını daşıyan parka gələrək abidəsi önünə gül
dəstələri düzür, dahi şəxsiyyətin əziz xatirəsini böyük ehtiramla
anırlar. Dekabrın 2-dən başlanan "Açıq qapı” günlərinin
təşkil edilməsində əsas məqsəd dahi şəxsiyyətin gələcək nəsillərə örnək
olan həyatını və siyasi fəaliyyətini, Azərbaycanın müstəqil və suveren dövlət
kimi tanınması üçün apardığı mübarizələri, göstərdiyi fədakarlıqları bir daha
xatırlamaq, Heydər Əliyev məfkurəsini,
müəllifi olduğu azərbaycançılıq ideologiyasını və siyasi irsini təbliğ
etməkdir. Bugünkü "Açıq qapı” günündə Qazax Müalicə
Diaqnostika Mərkəzinin, Rayon Mənzil İstismar Sahəsinin, Bələdiyyəsinin, Poçtamtının kollektivləri, Bakı Dövlət Universitetinin Qazax
filialının tələbələri müstəqilliyimizin qurucusu olan Heydər Əliyevin
xatirəsini yad etmək üçün gün ərzində abidəni ziyarət ediblər. Mərkəzin qarşısında Azərbaycan dövlətinin qurucusu və memarı olan Ulu Öndərin həyatını
və siyasi fəaliyyətini özündə əks etdirən kitab və jurnallardan
ibarət "Zamanın dühası" başlıqlı sərgi ilə tanış olublar. Ümummilli
Liderin həyat və siyasi fəaliyyətinin hər bir
anını əks etdirən mühazirələr dinləyib, filmə
baxıblar. Məlumat üçün qeyd edək ki, "Açıq qapı”
günləri dekabrın 12-dək davam edəcək.
GOYEZEN.AZ
Facebook-da paylaş