Dahi şəxsiyyətin anım günü ilə əlaqədar “Açıq qapı” günləri davam edir
Azərbaycan
xalqının böyük oğlu, Vətənə və xalqa hədsiz məhəbbəti ilə seçilən, siyasətimizin
patriarxı, müstəqil dövlətçiliyimizin qurucusu Heydər Əliyevin əbədiyyətə
qovuşmasından 16 il keçir. Adı tarixin yaddaşına böyük hərflərlə yazılmış dahi
şəxsiyyətin xatirəsini qədirbilən xalqımız bu gün də
böyük hörmət və məhəbbətlə yad edir. Hər il olduğu kimi bu il də Qazax Rayon
Heydər Əliyev Mərkəzində Ümummilli Liderin anım günü ilə əlaqədar "Açıq qapı”
günləri elan olunub və rayonun bütün idarə, müəssisə və təşkilatlarının kollektivləri, təhsil,
mədəniyyət, səhiyyə sahəsində çalışan işçilər, rayon məktəbliləri, ictimaiyyət
nümayəndələri Ulu Öndərin adını daşıyan parka gələrək abidəsi önünə gül
dəstələri düzür, dahi şəxsiyyətin əziz xatirəsini böyük ehtiramla
anırlar. Dekabrın 2-dən start verilən "Açıq qapı”
günlərinin təşkil edilməsində isə əsas məqsəd dahi şəxsiyyətin gələcək
nəsillərə örnək olacaq həyatına və siyasi fəaliyyətinə nəzər salmaq, Azərbaycanın
müstəqilliyi və suverenliyi uğrunda apardığı mübarizələri, göstərdiyi
fədakarlıqları bir daha xatırlamaq, Heydər
Əliyev məfkurəsini, müəllifi olduğu azərbaycançılıq ideologiyasını və siyasi
irsini təbliğ etməkdir. Bugünkü "Açıq qapı” günündə Qazax Rayon Gigiyena və Epidemiologiya Mərkəzinin
və 28 nömrəli Yol-İstismar İdarəsinin kollektivləri, Bakı Dövlət
Universitetinin Qazax filialının tələbələri müstəqilliyimizin qurucusu olan
Heydər Əliyevin xatirəsini yad etmək üçün gün ərzində abidəni ziyarət edib və
Muzeylə tanış olublar. Həmçinin Muzeyin qarşısında
Azərbaycan dövlətinin qurucusu və memarı olan dahi şəxsiyyətin həyatını və
siyasi fəaliyyətini özündə əks etdirən kitab və jurnallardan
ibarət "Zamanın dühası" başlıqlı sərgi ilə tanış olublar.
Eyni zamanda Muzeydə Ümummilli Liderin həyat və siyasi fəaliyyətindən bəhs edən
mühazirələr dinləyib, filmə baxıblar. Məlumat üçün qeyd edək ki, "Açıq qapı”
günləri dekabrın 12-dək davam edəcək.
GOYEZEN.AZ
Facebook-da paylaş