İcra başçısı Vətən müharibəsinin şəhidi əsgər Niftalı Qocayevin ailəsini ziyarət edib
Bu gün hər kəs 2020-ci ilin 27 sentyabrında başlayan
və cəmi 44 gün davam edən İkinci Qarabağ müharibəsində qazandığımız tarixi Qələbəni
qürurla, fəxrlə dilə gətirir, minnətdarlıq hissi ilə qeyd edir. Bu, o müharibədir
ki, Azərbaycan Ordusu şanlı Qələbə qazanaraq 30 il davam edən işğala və
soydaşlarımızın yurd həsrətinə son qoydu. Bu qələbə ilə Silahlı Qüvvələrin Müzəffər
Ali Baş Komandanı, Azərbaycan Respublikasının Prezidenti İlham Əliyevin rəhbərliyi
altında şanlı ordumuzun əsgər və zabitləri, hərbçiləri, Vətəni canı bahasına
qoruyaraq Şəhidlik zirvəsinə yüksələn, sağlamlığını torpaq uğrunda itirən qəhrəman
oğullarımız Azərbaycanın hərb tarixinə öz adlarını qızıl hərflərlə əbədi
yazdılar. Vətən torpaqlarını
azad etmək, düşmən üzərində qələbə qazanmaq naminə Ali Baş Komandanın "İrəli!”
əmrini layiqincə yerinə yetirən, Vətən uğrunda canından keçən igid
oğullarımızdan biri də şəhid əsgər Qocayev Niftalı Zakir oğludur. Bütün
şəhidlərimiz kimi, Niftalı Qocayevin də xatirəsi hər zaman əziz tutulur, ailəsi
daim yad olunur. Ölkə Prezidenti İlham Əliyevin və Birinci
vitse-prezident Mehriban Əliyevanın şəhidlərimizə, şəhid ailələrinə, Qarabağ
müharibəsi əlillərinə, onların ailələrinə göstərdikləri dövlət qayğısı Qazaxda
da hər zaman örnək götürülür. Rayon rəhbərliyinin əlamətdar günlərdə,
şəhidlərimizin doğum və anım günlərində, eləcə də digər vaxtlarda şəhidlərimizin
məzarlarını ziyarət etməsi, hər zaman şəhidlərimizin ailələrinə baş çəkməsi bu dediklərimizin
əyani sübutudur. Öz ənənəsinə sadiq qalan Qazax
Rayon İcra Hakimiyyətinin başçısı Rəcəb Babaşov bu gün Vətən
müharibəsinin şəhidi əsgər Niftalı
Qocayevin ailəsini ziyarət edib. Qazax Rayon
İcra Hakimiyyəti başçısının müavini-İctimai-siyasi və humanitar məsələlər
şöbəsinin müdiri Gulaya Həsənova, şöbənin baş məsləhətçisi Gülnar Quluyeva
və RİH başçısı aparatında Vətən müharibəsi iştirakçıları və
şəhid ailələri ilə işin təşkili şöbəsinin
müdiri qazi kapitan Samir Çobanovla birlikdə Çaylı kəndində olub, şəhidimizin ata ocağında ailəsi
ilə görüşüb. Şəhidimizin ailəsi ilə səmimi söhbət edən icra başçısı igid Vətən
oğlunun əziz xatirəsini dərin ehtiramla yad edib, Niftalı kimi igid, cəsur oğullarımızın daim qəlblərdə yaşayacaqlarını
söyləyib. Azərbaycan xalqının qüruru, fəxri olan bütün şəhidlərimizin, o cümlədən
də Niftalının xatirəsinin daim əziz tutulacağını bildirib. Rayon rəhbəri Ali Baş Komandan İlham Əliyevin rəhbərliyi
altında şanlı Azərbaycan Ordusunun 44 günlük Vətən müharibəsində qazandığı
tarixi Qələbədə payı olan Niftalı kimi qəhrəman oğullarımızla bu gün hər
birimizin fəxr etdiyini, 44 günlük savaşda əldə etdiyimiz Zəfərə görə Ali Baş
Komandana, Azərbaycan Ordusunun əsgər və zabitlərinə, şəhidlərimizə,
qazilərimizə minnətdar olduğumuzu qeyd edib. Rayon rəhbəri Şəhidlik zirvəsinə
ucalan Niftalı tək oğullarımızla illər ötsə belə hər kəsin qürur duyacağını vurğulayıb.
Şəhid əsgər
Qocayev Niftalı Zakir oğlu Şəhid Niftalı Qocayev 20 noyabr 1994-cü ildə
Qazax rayonunun Çaylı kəndində anadan olmuşdur. 2001-ci ildə Qazax rayon Elşən Cəfərov adına Çaylı
kənd 2 nömrəli tam orta məktəbin I sinfinə daxil olmuş, 2012-ci ildə həmin məktəbin
XI sinfini bitimişdir. 2013-cü ilin yanvar ayında Azərbaycan
Respublikası Səfərbərlik və Hərbi Xidmətə Çağırış üzrə Dövlət Xidmətinin Qazax
Rayon Şöbəsi tərəfindən Azərbaycan Silahlı Qüvvələrinə həqiqi hərbi xidmətə çağırılmış, 2014-cü
ilin iyul ayında hərbi xidmətdən tərxis olunmuşdur. Ölkə Prezidentinin "Azərbaycan
Respublikasında qismən səfərbərlik elan edilməsi haqqında” müvafiq tarixli Sərəncamına
əsasən 2020-ci il sentyabr ayının 21-də Azərbaycan
Respublikası Səfərbərlik və Hərbi Xidmətə Çağırış üzrə Dövlət
Xidmətinin Qazax Rayon Şöbəsi tərəfindən qismən hərbi səfərbərliyə cəlb
olunmuşdur. 01.11.2020-ci il tarixdə Füzuli-Cəbrayıl-Xocavənd
rayonları istiqamətində gedən döyüşlərdə qəhrəmancasına şəhid olmuşdur.
02.11.2020-ci il tarixdə Çaylı kəndindəki Şəhidlər xiyabanında izdihamla dəfn edilmişdir. Subay idi. Müzəffər Azərbaycan
Ordusunun şücaətli igidlərindən olan şəhid Niftalı Qocayev ölümündən sonra cənab
Prezident İlham Əliyevin 15 dekabr 2020-ci il tarixli Sərəncamına əsasən "Vətən
uğrunda”, 25 dekabr 2020-ci il
tarixli Sərəncamlarına əsasən "Füzulinin azad
olunmasına görə”, "Xocavəndin
azad olunmasına görə”, 30 dekabr 2020-ci il tarixli Sərəncamına əsasən "Hərbi
xidmətlərə görə” medalları ilə təltif olunmuşdur. Vətən müharibəsində
iştirak edərək Qarabağ uğrunda şəhid olmuş bütün şəhidlərimiz kimi Niftalı
Qocayev də Azərbaycan xalqının, qazaxlıların qəlbində daim yaşayacaq. Şəhidlər
ölmür, əbədi yaşayırlar! Şəhidimizə bir
daha Allahdan rəhmət diləyir, ruhu qarşısında baş əyirik.
GOYEZEN.AZ
"Ölkə Prezidenti İlham Əliyevin, Birinci
vitse-prezident Mehriban Əliyevanın şəhidlərimizə, şəhid ailələrinə,
qazilərimizə göstərdiyi qayğı hər birimiz üçün örnəkdir”, - deyən icra başçısı bugünkü
ziyarətin kökündə də dövlət qayğısının dayandığını qeyd edib.
Şəhid atası Zakir Qocayev şəhid ailəsi kimi onlara
göstərilən diqqət və qayğıya görə ölkə Prezidenti İlham Əliyevə, Birinci
vitse-prezident Mehriban Əliyevaya, rayon rəhbərliyinə minnətdarlığını
bildirib. "Niftalı evin tək oğul övladı olsa da Vətəni yolunda vuruşmaqdan bir
an olsun belə tərəddüd etmədi. Vətənin dar günündə döyüşə yollandı. Ali Baş
Komandanın "İrəli!” əmrini layiqincə yerinə yetirdi, Şəhidlik adlı uca məqama
yüksəldi. Elinin, obasının və bizlərin başını uca etdi. Bu gün Niftalı ilə hər
kəsin fəxr etdiyini gördükcə bir ata kimi daha da qürurlanıram. Vətəni canından,
ailəsindən üstün tutan oğlum olduğu üçün fəxr edirəm. Fəxr edirəm ona görə ki.
Niftalı haqq savaşında qələbə qazandı, əməli ilə ürəklərdə əbədi məskən saldı”,
- deyən Zakir dayı övladı ilə ömrünün sonuna kimi hər zaman fəxr edəcəyini qeyd
edib.
Facebook-da paylaş