İcra başçısı Ağköynəkdən olan sakinlərin müraciətini dinlədi
Bu gün Azərbaycanda cənab Prezident İlham Əliyevin
yürütdüyü dövlət siyasətinin mərkəzində vətəndaş amili dayanır. Həyata
keçirilən layihələr, görülən işlər, atılan addımlar ölkə vətəndaşlarının sosial
rifah halının yaxşılaşdırılmasına, onların etdikləri müraciətlərin müsbət
həllinə, ən əsası da vətəndaş məmnunluğuna hesablanır. Ölkə Prezidentinin icra
hakimiyyəti başçılarını, eləcə də mərkəzi icra hakimiyyəti orqanlarının
rəhbərlərini qəbul edərkən öz çıxışlarında dəfələrlə dövlət məmurları haqqında
söylədiyi fikirlər, dövlət məmurlarına daim xalqın içində
olmaları, bütün kəndləri gəzmələri, sakinlərlə görüşmələri, vətəndaşların
qayğılarını, problemlərini onların öz dilindən öyrənmələri, düzgün təhlil
aparmaları barədə aidiyyəti üzrə verdiyi tapşırıq və tövsiyələr də bunu
bir daha sübut edir ki, vətəndaş amili, vətəndaş mövqeyi hər zaman üstün
tutulur. Bu gün tam əminliklə dəyə bilərik ki, ölkə rəhbərinin
vətəndaşlara olan sonsuz diqqət və qayğısı Qazaxda da
hiss olunur. Vətəndaş amili rayon rəhbərliyinin iş fəaliyyətinin əsasını təşkil
edir ki, bunu sakinlərə olan səmimi münasibətdən, vətəndaşlara göstərilən
diqqət və qayğıdan, vətəndaşların müraciətinə operativ şəkildə cavab verilməsindən,
yaşadıqları ünvandan asılı olmayaraq yerində baxış keçirilməsindən, qaldırılan
məsələlərin həlli istiqamətində yerindəcə tapşırıq verilməsindən aydın şəkildə
görmək olur. Vətəndaşlara olan diqqət və qayğı sayəsində bu gün hər bir qazaxlı
Rayon İcra Hakimiyyətinə ünvanlanmış müraciətə, yazılan məktuba dəqiq şəkildə
baxılacağına inanır. Bu gün Qazax Rayon İcra Hakimiyyətinin başçısı Rəcəb Babaşov Ağköynək kəndində olub, sakinlərin
qayğıları ilə maraqlanıb. Sakinləri diqqətlə dinləyən icra başçısı səslənən
hər bir müraciətə həssaslıqla yanaşılacağını bildirib, qeyd edilən məsələlərlə
bağlı aidiyyəti üzrə müvafiq tapşırıqlarını
verib. Kənd sakinləri vətəndaşlara göstərilən diqqətə,
qayğıya görə ölkə Prezidenti İlham Əliyevə minnətdarlıqlarını bildiriblər. Onlara
olan səmimi münasibətə görə rayon rəhbərinə razılıqlarını ifadə ediblər. GOYEZEN.AZ
Facebook-da paylaş