Millət vəkili Səməd Seyidovun sakinlərlə keçirdiyi görüşdə qaldırılan daha bir məsələyə yerində baxılıb
Bu gün birmənalı şəkildə tam əminliklə söyləyə bilərik
ki, Azərbaycanda cənab Prezident İlham Əliyevin yürütdüyü dövlət siyasətinin əsasını
vətəndaş amili təşkil edir. Dövlət başçısının rəhbərliyi altında son illər həyata
keçirilən çoxsaylı layihələrin, tədbirlərin, atılan bütün addımların kökündə vətəndaşların
rahatlığı, onların məmnunluğu dayanır. Ölkə Prezidentinin icra hakimiyyəti
başçılarını, eləcə də mərkəzi icra hakimiyyəti orqanlarının rəhbərlərini qəbul
edərkən öz çıxışlarında dövlət məmurları haqqında söylədiyi fikirlər, dövlət
məmurlarına daim xalqın içində olmaları, bütün kəndləri gəzmələri,
sakinlərlə görüşmələri, vətəndaşların qayğılarını, problemlərini öyrənmələri,
düzgün təhlil aparmaları barədə aidiyyəti üzrə verdiyi tapşırıq və tövsiyələr
onu deməyə əsas verir ki, vətəndaş amili hər zaman dövlət siyasətinin prioritet
istiqamətlərindən olub və olacaq da... Ölkə rəhbərinin vətəndaşlarla bağlı verdiyi tapşırıq
və tövsiyələr Qazaxda da birmənalı şəkildə
icra olunur və hər bir işdə vətəndaş amili əsas götürülür. Azərbaycan
Respublikası Milli Məclisinin Beynəlxalq münasibətlər və parlamentlərarası əlaqələr
komitəsinin sədri, millət vəkili Səməd Seyidovun Yuxarı Salahlı kəndində seçicilərlə keçirdiyi görüşdə kənd
sakini Məmmədov Abdulla Mustafa oğlunun su
məsələsi ilə bağlı müraciətinə rayon rəhbərliyi tərəfindən yerində baxılması da
rayonda vətəndaş amilinin üstün tutulmasından xəbər verir. GOYEZEN.AZ
Bu gün Qazax Rayon İcra Hakimiyyətinin başçısı Rəcəb Babaşov icra
aparatının məsul işçiləri, millət vəkilinin köməkçisi Akif Əmirov, Suvarma
Sistemləri İdarəsinin rəisi Məhəd Vəkilov və digər aidiyyəti şəxslərlə birlikdə Yuxarı Salahlı kəndində olaraq mövcud vəziyyəti yerində öyrənib.İcra
başçısı qeyd edib ki, son illər Respublika Prezidenti cənab İlham Əliyevin rəhbərliyi
altında bölgələrimizdə, o cümlədən də Qazaxda əhalinin su təchizatının
yaxşılaşdırılması istiqamətində mühüm addımlar atılır. Vətəndaşların içməli və
suvarma suyu ilə bağlı müraciətlərinə nəinki yerli icra hakimiyyəti, eləcə də mərkəzi
icra hakimiyyəti orqanlarının rəhbərləri də həssaslıqla yanaşır. Vətəndaşların səsləndirdikləri
hər bir məsələ diqqət mərkəzində saxlanılır.
Ağsaqqal Abdulla Məmmədov vətəndaşlara göstərilən
diqqət və qayğıya görə ölkə başçısı İlham Əliyevə minnətdarlığını bildirib. Onun
müraciətinə belə həssaslıqla yanaşıldığına görə millət vəkili Səməd Seyidova və
rayon rəhbərinə razılığını ifadə edib.
Facebook-da paylaş