Qazaxda 1 İyun - Uşaqların Beynəlxalq Müdafiəsi Günü onlayn şəkildə qeyd olunub
Bu
gün ölkəmizdə uşaq və yeniyetmələrə, gənclərə göstərilən diqqət və qayğı,
onlara yaradılan hərtərəfli şərait dövlət siyasətinin prioritet istiqamətlərindən
biridir. Ulu öndər Heydər Əliyevin vaxtilə bu sahəyə ayırdığı diqqət, uşaq və
yeniyetmələrin sağlam, bilikli və hərtərəfli böyümələri yönündə həyata
keçirdiyi məqsədyönlü tədbirlər bu gün də uğurla davam etdirilir. Respublika Prezidenti cənab İlham Əliyev tərəfindən
uşaqların sağlam və firavan böyüməsi, onların rifahının yüksəldilməsi üçün məqsədyönlü
işlər görülür. Ölkə başçısının müvafiq Sərəncamı ilə ölkəmizdə 2009-cu ilin
"Uşaq ili” elan edilməsi bu sahəyə olan diqqətin əyani göstəricisidir. Azərbaycan
Respublikasının Birinci vitse-prezidenti, Heydər Əliyev Fondunun prezidenti
Mehriban xanım Əliyevanın öz fəaliyyətində daim uşaqların xoşbəxt böyüməsini
prioritet məsələ kimi saxlaması gələcəyimiz olan uşaqlara göstərilən qayğının
bariz nümunəsidir. Məhz bu qayğı sayəsində ölkəmizdə uşaqların gözəl şəraitdə
böyümələri üçün bütün imkanlardan istifadə edilir.Saysız-hesabsız müasir standartlara cavab verən çoxsaylı məktəblər, körpələr
evi-uşaq bağçaları inşa olunur. Qazaxda hər il olduğu kimi, bu
il də 1 İyun - Uşaqların Beynəlxalq Müdafiəsi Günü qeyd olunub. Qazax Rayon İcra Hakimiyyətinin təşəbbüsü
ilə bağça kollektivləri ölkəmizdə hökm sürən koronavirus (COVID-19) pandemiyası
ilə əlaqədar olaraq balaca fidanları onlayn şəkildə təbrik edib, səmimi
arzularını çatdırıblar. Şəhər 1 saylı körpələr evi-uşaq bağçasının müdiri Gülnar Qocayeva, tərbiyəçilər
Arzu Hacıyeva, Aynurə Əliyeva, 4 saylı körpələr evi-uşaq bağçasının müdiri
Aynurə Abbasova, tərbiyəçilər Elnarə Paşayeva, Təhminə Pirverdiyeva, 5 saylı
körpələr evi-uşaq bağçasının müdiri Elnarə Məmmədli, tərbiyəçi Solmaz Həsənova
uşaqları əlamətdar gün münasibətilə təbrik edərək onların parlaq gələcəyi naminə
daha gözəl günlər yaşamalarını arzulayıblar. Ölkə başçısının, Birinci
vitse-prezidentin uşaqlara olan qayğılarını hər zaman hiss etdiklərini
bildiriblər. Bugünkü onlayn təbriki həmin qayğının və diqqətin əyani sübutu
kimi qiymətləndiriblər. Bayramlarını
onlayn şəkildə qeyd edən 1 saylı körpələr evi-uşaq
bağçasının fidanlarından Narın Sadiqi, Ayla Məhərrəmli, Casu Məhərrəmli, Zəhra
Abdulzadə, Cahid Nuri, Cavid Nuri, 4 saylı körpələr evi-uşaq bağçasından Aliyə
Pənahlı, Nurfazə Əliyeva, Nabad Əliyeva, Humay Həsənzadə, 5 saylı körpələr
evi-uşaq bağçasının uşaqlarından Nailə Hüseynli, Nuray Quluyeva, Nilay Sadıqzadə,
Rəfayıl Məmmədov bir-birindən gözəl şeirlər söyləyib,
mahnılar oxuyublar. Həmyaşıdlarını təbrik edərək 1 İyun - Uşaqların Beynəlxalq
Müdafiəsi Gününü əsl bayram əhval-ruhiyəsi ilə qeyd ediblər. Şəhər 1 saylı körpələr evi-uşaq bağçası
Şəhər 4 saylı körpələr evi-uşaq bağçası
Şəhər 5 saylı körpələr evi-uşaq bağçası
GOYEZEN.AZ
Bu gün Uşaqların
Beynəlxalq Müdafiəsi Günüdür. BMT Baş Məclisinin 1950-ci il iyunun 1-də təşkil etdiyi qadınların beynəlxalq konfransında uşaq
hüquqlarının təmin edilməsi ilə bağlı təkliflər səslənib və elə həmin
konfransda da iyunun 1-ni uşaqların müdafiəsinə həsr etmək qərara alınıb.
Bundan sonra həmin gün uşaqların beynəlxalq müdafiəsi günü kimi tarixə düşüb. Bu
əlamətdar tarix Azərbaycanda da geniş qeyd olunur. Azərbaycanda əhalinin
təxminən 30 faizini uşaqlar təşkil edir. Ölkəmizdə uşaq və yeniyetmə gənclərin
təxminən 95 faizi təhsil alır.
Facebook-da paylaş