Qazaxda daha iki çoxmənzilli yaşayış binasının təmiri sürətlə davam etdirilir
Ş.Xiyabanı 27 saylı bina
Bu gün Qazax Rayon İcra Hakimiyyətinin başçısı Rəcəb Babaşov şəhərin
mərkəzində təmir işləri aparılan, Bağanıs Ayrım kəndindən məcburi köçkün olan sakinlərin
yaşadığı Ş.Xiyabanı 27, şəhər sakinlərinin
yaşadığı Ş.Xiyabanı 25 saylı binalarda
görülən işlərlə maraqlanıb. Rayon rəhbərliyinə
bildirilib ki, Ş.Xiyabanı 25 saylı binanın xarici fasadında görülən suvaq və
bloklarda aparılan astar-üzlük vurulması işi tam başa çatıb. Ş.Xiyabanı 27
saylı binanın bloklarında suvaq və birinci qat üzlük vurulması işi yekunlaşıb,
ikinci qat üzlüyün vurulmasına başlanılacaq. Binanın xarici fasadında da bir
hissədə rənglənmə işləri aparılıb. Digər hissədə isə suvaq işləri davam edir. Eyni
zamanda hər iki binada bloklara giriş qapıları qoyulub. Təmir işləri ilə yaxından
tanış olan icra başçısı binalarla yanaşı sakinlərin istəyinə əsasən həyətdə də
abadlıq işlərinin aparılmasını bildirib. Görülən bütün işlərin bina
sakinlərinin istəyinə uyğun şəkildə yerinə yetirilməsini qeyd edib və işlərin
keyfiyyətlə aparılmasını vurğulayıb. Eyni zamanda əlavə görüləcək işlərlə bağlı
aidiyyəti üzrə tapşırıq verib. Bina sakinləri
respublikamızda, eləcə də Qazax rayonunda görülən genişmiqyaslı işlərə,
xüsusilə də çoxmənzilli yaşayış binalarının yüksək səviyyədə təmir olunmasına
görə ölkə Prezidenti İlham Əliyevə və rayon rəhbərliyinə öz dərin
minnətdarlıqlarını bildiriblər. Məlumat üçün qeyd edək ki, son
3 ildə Qazaxda vətəndaşlara olan diqqət və qayğı sayəsində əhalinin mənzil-məişət
şəraiti xeyli dərəcədə yaxşılaşdırılıb. Bu istiqamətdə həyata keçirilən işlərin
nəticəsidir ki, rayonda mövcud olan 163 çoxmənzilli yaşayış binasından 120-ə yaxın binanın dam örtüyündə, bloklarında və xarici
fasadında təmir işləri aparılıb.
GOYEZEN.AZ
Facebook-da paylaş