Qazaxda mülki müdafiə sahəsində 2018-ci ildə görülmüş işlərə və qarşıda duran vəzifələrə həsr olunmuş müşavirə keçirilib
Bu
gün müstəqil Azərbaycanın bütün sahələrində olduğu kimi, insanların, ölkə
vətəndaşlarının təhlükəsizliyinin təmin oluması da dövlətin qarşısında duran
prioritet məsələlərdəndir. Ulu öndər Heydər Əliyevin əhalinin təhlükəsizliyinin
təmin olunması ilə bağlı söylədiyi "Bir hadisənin qarşısını almaq, o hadisə baş
verəndən sonra onun nəticələrini aradan qaldırmaqdan daha asandır” dəyərli
fikirlərinə bu gün də böyük hörmətlə yanaşılır.
Ümummilli
liderin layiqli davamçısı ölkə başçısının əhalinin təhlükəsizliyinin təmin
olunması ilə bağlı verdiyi tapşırıq və tövsiyələrə, imzaladığı çoxsaylı
Sərəncamlara, Fərmanlara uyğun olaraq respublikamızın hər yerində olduğu kimi,
Qazaxda da bu sahəyə xüsusi diqqət ayrılır. Rayonun coğrafi mövqeyi, döyüş
bölgəsində yerləşməsi, rayon ərzisində hər an təbii və texnogen xarakterli
fövqəladə halların baş verə biləcəyi nəzərə alınaraq müvafiq Qanun və
Qərarların tələblərinə uyğun olaraq fövqəladə hadisələrdən mühafizəyə dair
rayonun bütün əhalisinin hazırlanması istiqamətində müvafiq tədbirlər həyata
keçirilir.
Bu
gün Qazax rayonunun mülki müdafiə sahəsində 2018-ci ildə görülmüş işlərə və
qarşıda duran vəzifələrə həsr olunmuş müşavirədə bu fikirlər səslənib.
Gənclər
Mərkəzində keçirilən müşavirədə Qazax
Rayon İcra Hakimiyyəti başçısı aparatının məsul şəxsləri, Fövqəladə Hallar Nazirliyi Gəncə Regional
Mərkəzinin, rayonun hüquq mühafizə orqanlarının əməkdaşları, idarə, müəssisə və
təşkilatların rəhbərləri, RİHB-nin kənd İƏD üzrə nümayəndələri, bələdiyyə
sədrləri, sahibkarlar, məktəb direktorları, körpələr evi-uşaq bağçalarının
müdirləri, MMQ rəisləri və mütəxəssisləri iştirak ediblər.
Qazax
Rayon İcra Hakimiyyəti başçısının birinci müavini, Rayon Fövqəladə Hallar
Komissiyasının sədri Məmməd Alıyev müşavirəni giriş sözü ilə açaraq qonaqları
və iştirakçıları salamlayıb, keçirilən müşavirənin məqsəd və əhəmiyyətindən
danışıb. Ermənistanla 168 km sərhəddi olan Qazax rayonunda hər an düşmən
təhlükəsi ilə üz-üzə dayanan rayon sakinlərinin təhlükəsizliyini təmin etmək,
baş verə biləcək fövqəladə hadisələr zamanı əhaliyə ilk yardımın göstərilməsi
və çıxış yollarının tapılması istiqamətində məqsədyönlü işlərin həyata
keçirildiyini bildirib.
M.Alıyev
qeyd edib ki, son iki il yarımdır ki, Qazaxda rayon rəhbərliyinin qayğısı
sayəsində rayonda mülki müdafiə işinin mövcud vəziyyətinin təhlili, bu sahədəki
problem və çatışmamazlıqların aradan qaldırılması yollarının müzakirəsi, habelə
mülki müdafiə işinin təşkilinin gücləndirilməsi, fövqəladə hadisələrdən
qorunmaya dair biliklərin təbliği, əhalinin hazırlanması və mülki müdafiə
dəstələrinin hazırlığının təmin edilməsi işi də daim diqqət mərkəzində
saxlanılır.
Bildirib ki, məhz bu qayğının nəticəsidir ki, 2016-cı
ildən başlayaraq rayon
rəhbərliyi yaranmış təhlükəli vəziyyəti nəzərə alaraq ilk növbədə atəş
nöqtələrinə ən yaxın məsafədə yerləşən evlərin qarşısına müdafiə hasarlarının
çəkilməsi barədə göstəriş vermişdir. Məzəm kəndində çəkilən
istinad divarlarından söz açan birinci müavin ötən il kənddə 21 evin qarşısına
1381 p/m uzunluğunda, bu il isə 12 evin qarşısına 244 p/m uzunluğu və 3 metr
hündürlüyü olan istinad divarlarının çəkilməsini qeyd edib. Bildirib ki, bu
müdafiə hasarları sayəsində kənd sakinləri öz həyətlərində qorxusuz hərəkət
edirlər. Bu divarlar kənd sakinlərini düşmənin atdığı güllələrdən qoruyur. Daha
yaşlı adamlarla yanaşı, uşaqlar da öz evlərində rahat yaşaya bilirlər. Bundan
əlavə, vətəndaşların xahişinin nəzərə alınaraq daha 5 evin qarşısına 88 p/m
uzunluğunda istinad divarının çəkilməsinin nəzərdə tutulması bu sahəyə olan
diqqətin bundan sonra da davam etdirilməsindən xəbər verir.
RİHBA-da
Sosial-iqtisadi inkişafın təhlili və proqnozlaşdırılması şöbəsinin müdir
müavini Azad Hümbətov geniş məruzə ilə çıxış edərək 2018-ci ildə mülki müdafiə
sahəsində görülmüş işlərdən danışıb. Qeyd edib ki, Mülki Müdafiənin -
ümumdövlət müdafiə sisteminin tərkib hissəsi olduğu, eyni zamanda dinc dövrdə
və ya müharibə dövründə əhalinin və ərazinin (torpaq, su və hava məkanının,
istehsal və sosial təyinatlı obyektlərin, habelə ətraf mühitin)
təhlükəsizliyinin təmin edilməsi məqsədilə dövlət hakimiyyəti orqanları, hüquqi
və fiziki şəxslər tərəfindən həyata keçirilən tədbirlər sistemi olduğu nəzərə
alınaraq Qazax rayonunda bu sahəyə xüsusi diqqət yetirilmişdir. Belə ki,
fövqəladə hadisələr zamanı əhalinin mühafizəsi və öyrədilməsi sahəsində
aparılan işlərin səmərəliliyinin artırılması məqsədilə tədris ilinin əvvəlində
Rayon İcra Hakimiyyəti başçısının müvafiq Sərəncamı verilmiş (9-21/176 nömrəli
20.12.2017-ci il tarixli), rayon ərazisində fəaliyyət göstərən, mülkiyyət
formasından asılı olmayaraq idarə, müəssisə və təşkilatların mülki müdafiəyə
hazırlanmasında əsas məqsəd - mülki müdafiə idarəetmə orqanlarının fəaliyyətinin
təkmilləşdirilməsi, mülki müdafiə qərargahlarının rolunun artırılması, əhalinin
və işçilərin mülki müdafiəyə hazırlanması, fövqəladə hadisələrin qarşısının
alınması və nəticələrinin aradan qaldırılmasına yönəldilmiş tədbirlərin həyata
keçirilməsi olmuşdur. Bu məqsədlə təxirəsalınmaz tədbirlər həyata keçirilmiş,
mülki müdafiə xidmətləri və xidmətlər üzrə ərazi qüvvələri, xilasetmə və digər
təxirəsalınmaz işlərin aparılmasının təşkili ilə əlaqədar ərazi xilasetmə
dəstəsi Rayon İcra Hakimiyyəti başçısının müvafiq Sərəncamı ilə yaradılmış,
Qazax Rayon İcra Hakimiyyəti ilə Fövqəladə Hallar Nazirliyi Gəncə Regional
Mərkəzinin birgə "Qarşılıqlı fəaliyyət planı” hazırlanmışdır.
Rayon
ərazisində baş verə biləcək fövqəladə hallar zamanı mülki müdafiənin fasiləsiz
olaraq idarə olunmasını təmin etmək üçün rayonun mülki müdafiə ehtiyat
idarəetmə məntəqəsinin yaradılması və təşkili məqsədilə Rayon İcra Hakimiyyəti
başçısının 13 mart 2018-ci il tarixli 9-21/29 nömrəli Sərəncamı verilmiş, həmin
Sərəncama uyğun olaraq ehtiyat idarəetmə məntəqəsi hazır vəziyyətə
gətirilmişdir.
"Mülki
müdafiə haqqında” Azərbaycan Respublikası Qanununa və "Azərbaycan Respublikasında sülh və müharibə
dövrlərində fövqəladə hallarda əhalinin mühafizəsinin əsas prinsipləri”
haqqında Azərbaycan Respublikası Nazirlər Kabinetinin 28 dekabr 1992-ci il tarixli 700 saylı Qərarının
tələblərinə müvafiq olaraq fövqəladə hadisələr zamanı Qazax rayonu əhalisinin
mühafizəsini təmin etmək üçün ikinci qrup mülki müdafiə əmlakının rayon
ərazisinə gətirilməsi və bölüşdürülməsini təşkil etmək məqsədilə Rayon İcra
Hakimiyyəti başçısının müvafiq Sərəncamına uyğun olaraq əmlakın gətirilmə və
bölüşdürülməsi ilə bağlı işlər görülmüşdür.
Respublika
Prezidentinin 18 aprel 1998-ci il tarixli 700 saylı Fərmanı ilə təsdiq edilmiş
"Mülki müdafiə haqqında” 30 dekabr 1997-ci il tarixli 420-1Q saylı Azərbaycan
Respublikası Qanununu, Azərbaycan Respublikası Nazirlər Kabinetinin "Mülki müdafiənin
təmin edilməsi barədə” 25 sentyabr 1998-ci il tarixli 193 saylı Qərarını və
yerli İcra Hakimiyyətləri haqqında Əsasnamənin 4.15.7., 4.15.8. və 4.15.14.
bəndlərini rəhbər tutaraq dinc və müharibə dövrlərinin fövqəladə hadisələri
zamanı mülki müdafiənin xüsusi tədbirlərini yerinə yetirmək məqsədilə "Qazax
rayon mülki müdafiə idarəetmə orqanlarının yaradılması haqqında” Rayon İcra Hakimiyyəti başçısının 10 may 2018-ci il
tarixli 9-21/54 nömrəli Sərəncamı verilmiş;
Sərəncamla: 11 xidmət (rabitə və xəbərdarlıq, ictimai
asayişin mühafizəsi, tibb, sığınacaq və
daldalanacaq, yanğın təhlükəsizliyi, avtonəqliyyat, elektrik qəza, qaz qəza,
su-kanal, baytarlıq və yol istismar xidmətləri) və ərazi qüvvələri (ərazi
kəşfiyyat və xilasetmə dəstəsi ) yaradılmış;
Azərbaycan
Respublikası Nazirlər Kabinetinin 06 avqust 1993-cü il tarixli 438 saylı Qərarı
ilə təsdiq edilmiş "Sülh və müharibə dövrlərində fövqəladə hallarda Azərbaycan
Respublikasında əhalinin köçürülməsi haqqında” Əsasnaməyə əsasən, yaranmış
vəziyyətlə əlaqədar olaraq, rayon əhalisini qeydiyyata almaqla və bütün köçürmə
üsullarından (avtomobil, dəmir yolu nəqliyyatından və piyada) istifadə etməklə
qısa vaxt ərzində təhlükəli zonadan planlı surətdə köçürülməsi məqsədilə
toplanış-köçürmə (qəbuletmə) məntəqələri Rayon İcra Hakimiyyəti başçısının
İnzibati Ərazi Dairələri üzrə nümayəndəliklərində yaradılmış və toplanış-köçürmə
məntəqə rəisləri İnzibati Ərazi Dairələrinin nümayəndələri təyin edilmişlər.
Tədris
ilinin əvvəlindən rayonun idarə, müəssisə və təşkilatlarının, Rayon İcra
Hakimiyyəti başçısının İnzibati Ərazi Dairələri üzrə nümayəndəliklərinin,
bələdiyyələrin, ümumtəhsil məktəblərinin və uşaq bağçalarının (180 təşkilat)
2018-ci il üçün mülki müdafiə tədbirləri planı işlənilərək FHN-nin Gəncə Regional
Mərkəzi ilə razılaşdırılmış və planlaşdırılmış tədbirlərin yerinə yetirilməsinə
nəzarət edilmişdir. Belə
ki, tədbirlərin yerinə yetirilməsi barədə müvafiq Sərəncamlar verilmiş,
təşkilati göstərişlər aidiyyəti üzrə müəssisə və təşkilatlara göndərilmiş,
tədbirlərin keçirilmə planları, iş sxemləri hazırlanmış, yoxlama aktları tərtib
edilmiş, tədbirlər planına uyğun olaraq planlaşdırılmış tədbirlər tədris ilinin
ötən dövrü ərzində yerinə yetirilmişdir.
"1
mart - Ümumdünya mülki müdafiə günü” ilə bağlı rayon ərazisində fəaliyyət
göstərən idarə, müəssisə və təşkilatlarda "Mülki müdafiə və milli qurumlar
tərəfindən fövqəladə halların effektiv idarə olunması” mövzusunda əhalinin yarana biləcək fövqəladə hallara hazır olması,
fövqəladə hallar zamanı davranış qaydaları, özünə və digərlərinə ilkin tibbi
yardımın göstərilməsi və mülki müdafiə sahəsində mükəmməl vərdiş və biliklərə
yiyələnməsinə nail olmaq məqsədi daşıyan maarifləndirici və təbliğat
xarakterli tədbirlərin əməli olaraq təşkil olunub keçirilməsini təmin etmək
məqsədilə Qazax Rayon İcra Hakimiyyəti başçısının 15 fevral 2018-ci il tarixli
9-21/11 nömrəli Sərəncamı verilmiş və tədbirlər planı hazırlanmışdır.
Rayon
İcra Hakimiyyətinin nəzarəti və əməli köməkliyi ilə Qazax şəhər 2 nömrəli tam
orta məktəbində və Qazax Müalicə Diaqnostika Mərkəzində nümunəvi "1 mart - Ümumdünya
mülki müdafiə günü” keçirilmiş, eyni zamanda, rayonun idarə, müəssisə və
təşkilatlarında mülki müdafiənin rolunu və vəzifələrini təbliğ edən silsilə
tədbirlər həyata keçirilmişdir. Məqsəd - rayon ictimaiyyətinin diqqətini
qarşıya qoyulan problemin hərtərəfli öyrənilməsinə və həllinə yönəltmək
olmuşdur.
Rayonun təhsil müəssisələrində "Fövqəladə hadisələrdən
müdafiə sahəsində əhalinin hazırlanması” mövzusunda silsilə tədbirlər keçirilmişdir.
Belə ki, Bakı Dövlət Universitetinin Qazax filialında, Qazax Dövlət Sosial-İqtisadi
Kollecində, Qazax Peşə Liseyində, rayon Təhsil şöbəsində, rayonun şəhər və kənd
ümumtəhsil məktəblərində keçirilən tədbirlər
zamanı əhalinin, o cümlədən gənclərin sülh və hərb mənşəli fövqəladə hallara
qarşı hazırlığı ölkə qarşısında duran əsas məsələlərdən biri olduğu, mürəkkəb vəziyyətlərdə
gənclərin qətiyyətli davranması üçün onlara lazımı biliklərin öyrədilməsi və bu
sahədə hazırlanmasının təhsil müəssisələrinin üzərinə düşən ən vacib məsələ
olduğu vurğulanmışdır.
Tədbir iştirakçılarına fövqəladə hadisələrin
qarşısının alınması üçün profilaktik tədbirlərin həyata keçirilməsi, fövqəladə
hadisələr zamanı mümkün olan ziyan və itkilərin həcminin maksimum azaldılması və
fövqəladə hadisələrin nəticələrinin aradan qaldırılması ilə bağlı məsələlər
geniş izah edilmiş, fövqəladə hadisələr zamanı əhalinin mühafizəsi və əhaliyə
mülki müdafiənin öyrədilməsi sahəsində aparılan işlərin səmərəliliyinin
artırılması bu gün qarşıda duran ən vacib məsələlərdən olduğu bildirilmişdir.
Mərkəzi
və regional mülki müdafiə kurslarının 2018-ci ildə dinləyicilərlə
komplektləşdirmə təqvim planına uyğun olaraq 2018-ci ildə rəhbər və komandir–rəis
heyətindən 32 nəfərin (Mərkəzi mülki müdafiə kurslarında rayonun mülki müdafiə
rəhbər heyətindən 22 nəfərin, Gəncə Regional kurslarında isə obyektlərdə
yaradılmış qüvvələrin komandir-rəis heyətindən 10 nəfərin) kurslarda hazırlığı
təmin olunmuşdur.
"Azərbaycan
Rеspublikasında sülh və müharibə dövrlərində fövqəladə hallarda əhalini
mühafizənin əsas prinsipləri haqqında” Azərbaycan Rеspublikası Nazirlər
Kabinеtinin 700 nömrəli 28 dеkabr 1992-ci il tariхli Qərarının tələblərinin
yerinə yetirilməsi məqsədilə rayon ərazisində kollektiv mühafizə qurğularının tələb
olunan tехniki istismar vəziyyətinə gətirilməsi üçün Rayon İcra Hakimiyyəti
başçısının tapşırığına uyğun olaraq Qazax Mənzil İstismar Sahəsi tərəfindən
ictimai binaların altında yerləşən kollektiv mühafizə qurğuları təmizlənmiş və
lazımi tədbirlər həyata keçirilmişdir. Qazax şəhərində yerləşən ictimai yaşayış
binalarında insanların həyat və sağlamlığının təhlükəsizliyinin təmin edilməsi
məqsədilə müvafiq tədbirlər görülmüş, bu sahəyə diqqət artırılmışdır. Belə ki,
şəhərdə yerləşən ictimai yaşayış binalarının çardaq sahələrində, eyvanlarında,
zirzəmilərində, pilləkən qəfəslərində lazımi təmir işləri görülmüş, binaların
zirzəmi və çardaq hissələrinin vətəndaşlar tərəfindən zəbt edilərək oradan
saxlanc yeri və ya yaşayış məqsədi üçün istifadə edilməməsi, pilləkən
qəfəslərinə müxtəlif əşyalar qoyularaq maneələr yaradılmaması, çardaq
sahələrinə qalxmaq üçün yanmayan materialdan nərdivanlar quraşdırılması və
digər yanğına qarşı tələblərin icrası təmin edilmişdir. Tədris
ili ərzində mülki müdafiənin maddi-texniki bazasının, mühafizə qurğuları
fondunun, fərdi mühafizə vasitələri və digər mülki müdafiə avadanlıqları
ehtiyatının yaradılmasına və hazır vəziyyətdə saxlanılmasına, müşahidə və
laboratoriya nəzarəti şəbəkəsinə daхil olan obyеkt laboratoriyalarının hazırlığına,
avadanlıq və cihazlarla təmin olunmasına diqqətin artırılması üçün aidiyyəti
üzrə tapşırıq və tövsiyələr verilmiş, rayonun ərazi mülki müdafiə qüvvələri ilə
xəbərdarlığı və toplanışı üzrə məşqlər keçirilmiş, təhsil müəssisələrinin
tədbirlər planına uyğun olaraq ümumtəhsil məktəblərində mülki müdafiə günləri
keçirilmişdir. Rayonun ümumtəhsil məktəblərində mülki müdafiəni tədris edən
2-ci, 5-ci və 6-cı siniflərin sinif rəhbərləri ilə 12 sentyabr 2018-ci il
tarixdə Gənclər Mərkəzində metodiki toplantı keçirilmişdir. (toplantıda 202
nəfərə qarşı 195 nəfər sinif rəhbərinin iştirakı təmin edilmişdir)
Rayon
əhalisinə mühafizə biliklərinin öyrədilməsində təbliğatın böyük rol oynadığını
nəzərə alaraq rayonun kütləvi informasiya vasitələrindən səmərəli istifadə
edilmiş, müvafiq mövzuda yazıların "Göyəzən” rayon qəzetində dərc edilməsinə,
GOYEZEN.AZ və Rayon İcra Hakimiyyətinin elektron saytlarında verilməsi təmin
edilmişdir.
Rayon
İcra Hakimiyyəti başçısının İnzibati Ərazi Dairələri üzrə nümayəndəliklərində baş
verə biləcək fövqəladə hadisələrin qarşısının alınması, nəticələrinin aradan
qaldırılması və qəza-xilasetmə işlərinin aparılmasının təşkili üzrə yaradılmış
təcili yığma qruplarının tərkibinin dəqiqləşdirilməsi və yenidən təsdiqi üçün
aidiyyəti üzrə tapşırıqlar verilmiş və icrası təmin edilmişdir.
Azərbaycan
Rеspublikası Nazirlər Kabinеtinin 8 dekabr 1992-ci il tariхli 655-32 nömrəli
Qərarına müvafiq olaraq хəbərdarlıq və rabitə sistеmlərinin hazır vəziyyətdə
saхlanılması, fövqəladə hadisələr zamanı idarəеtmənin opеrativ təşkili üçün
TKQ-da mərkəzi çağırış dayağının və elektrik sirenalarının qorunub saxlanması
və işlək vəziyyətdə olması təmin edilmişdir.
Tədbirlər
planına uyğun olaraq Qazax rayonunda 27-29 iyun 2018-ci il tarixlərində
kompleks mülki müdafiə təlimi ilə əlaqədar "Rayon ərazisində fəaliyyət
göstərən, mülkiyyət formasından asılı olmayaraq idarə, müəssisə və
təşkilatların hazırlığı üzrə” Rayon İcra Hakimiyyəti tərəfindən təşkilati
göstərişlər hazırlanmış, idarə, müəssisə və təşkilatlarda həyata keçiriləcək
tədbirlər və görüləcək işlər müəyyən edilərək geniş toplantılar keçirilmiş,
aidiyyəti üzrə tapşırıqlar verilmişdir. 12 iyun 2018-ci il tarixdə Qazax Rayon
İcra Hakimiyyətinin və Fövqəladə Hallar Nazirliyinin Mülki müdafiə işinin
təşkili Baş idarəsinin təşkilatçılığı ilə "Mülki müdafiə işinin təşkilində
səmərəliliyin artırılması, bu sahədə nazirlik, dövlət qurumları və yerli İcra Hakimiyyəti
orqanları arasında qarşılıqlı fəaliyyətin təkmilləşdirlməsi" mövzusunda
müşavirə keçirilmişdir. Müşavirənin keçirilməsində əsas məqsəd rayon ərazisində
mülki müdafiə işinin mövcud vəziyyətinin təhlili, bu sahədəki problem və
çatışmazlıqların aradan qaldırılması yollarının müzakirəsi, habelə mülki
müdafiə işinin təşkilinin gücləndirilməsi, fövqəladə hadisələrdən qorunmaya
dair biliklərinin təbliği, əhalinin hazırlanması və mülki müdafiə dəstələrinin
daimi hazırlığının təmin edilməsi işinə diqqətin artırılması olmuşdur.
Müşavirədə kompleks mülki müdafiə təliminə hazırlıqla bağlı məsələlər rayonun
mülki müdafiə xidmətləri ilə birgə müzakirə olunmuşdur. Azərbaycan
Respublikasının 2018-ci il üçün Mülki müdafiə tədbirləri planına müvafiq
olaraq, Qazax rayonunda 27-29 iyun 2018-ci il tarixlərində Fövqəladə Hallar
Nazirliyinin və Qazax Rayon İcra Hakimiyyətinin birgə təşkilatçılığı ilə
"İrimiqyaslı fövqəladə hadisələrin nəticələrinin aradan qaldırılması zamanı
mülki müdafiə orqan və qüvvələrinin idarə edilməsinin təşkili” mövzusunda
kompleks mülki müdafiə təlimi keçirilmişdir.
Təlimə Qazax Rayon İcra Hakimiyyəti başçısının
aparatı, fövqəladə hallar komissiyası, mülki müdafiə xidmətləri, ərazi və
obyekt mülki müdafiə qüvvə və vasitələri, təsərrüfat obyektləri, eləcə də Fövqəladə
Hallar Nazirliyinin Mülki müdafiə qoşunlarının, Dövlət Yanğından Mühafizə Xidmətinin
və Gəncə Regional Mərkəzinin şəxsi heyəti və texnikası cəlb olunmuşdur.
Kompleks təlimin keçirilməsində məqsəd mülki müdafiə
idarəetmə orqanlarının, fövqəladə hallar komissiyalarının fövqəladə hallar
zamanı əhalinin və ərazilərin mühafizəsinin təşkili ilə bağlı mülki müdafiə tədbirlərinin
yerinə yetirilməsindən, mülki müdafiə idarəetmə orqanlarının və rəhbər heyətin
mülki müdafiə qüvvələrinin idarə olunması zamanı vaxtında və düzgün qərarların
qəbul olunması, həmçinin xilasetmə işlərinin təşkili və aparılması üzrə əməli vərdişlərinin
aşılanmasından ibarət olmuşdur.
Təlim zamanı rayonun mülki müdafiə qüvvələri şərti
olaraq fövqəladə hal baş vermiş ərazidə ümumi və xüsusi kəşfiyyatın aparılması,
ərazinin mühafizəsi, əraziyə giriş-çıxışın məhdudlaşdırılması, yanğınların
söndürülməsi, radioaktiv mənbənin axtarışı, partlayış baş vermiş obyektdə
axtarış-xilasetmə işlərinin həyata keçirilməsi, zərərçəkmişlərə tibbi yardımın
göstərilməsi, kommunal-enerji sistemlərində qəzaların nəticələrinin aradan
qaldırılması, epidemiya və epizootiyaya qarşı mühafizə işlərinin həyata
keçirilməsi, insanların təhlükəsiz ərazilərə köçürülməsi və onların həyat təminatının
bərpası məqsədilə çadır şəhərciyində yerləşdirilməsi tədbirlərini yerinə
yetirmişlər. Təlimin keçirilməsində əsas diqqət komandir-rəis heyətinin idarəetmə
bacarıqlarının və mülki müdafiə dəstələrinin şəxsi heyətinin peşəkarlıq səviyyəsinin
artırılmasına, Fövqəladə Hallar Nazirliyinin qüvvələri ilə Qazax rayonunun hərbiləşdirilməmiş
mülki müdafiə dəstələri arasında qarşılıqlı fəaliyyətin əlaqələndirilməsi, əməliyyat
qərargahının işinin təşkili, xilasetmə və digər təxirəsalınmaz işlərin
aparılması zamanı təhlükəsizlik qaydalarına ciddi riayət olunmasına yönəldilmişdir.
Kompleks təlimə rayonun hərbiləşdirilməmiş mülki müdafiə dəstələrinin ümumilikdə
242 nəfər şəxsi heyəti və 50 ədəd texnikası, Fövqəladə Hallar Nazirliyinin Gəncə
Regional Mərkəzinin, Xüsusi Riskli Xilasetmə Xidmətinin və Mülki müdafiə
qoşunlarının hərbi hissələrinin ümumilikdə 60 nəfər şəxsi heyəti və 10 ədəd
texnikası cəlb edilmişdir. Təlimin gedişində rayonun mülki müdafiə dəstələri və
xidmətlərinin qarşılıqlı fəaliyyəti təşkil edilmiş, qarşıya qoyulmuş məqsədə
nail olunmuşdur. Kompleks mülki müdafiə təlimi ilə bağlı Qazax rayonunda təşkil
edilmiş silsilə tədbirlər yüksək səviyyədə yerinə yetirilmişdir.
Qazax
rayonunun Ermənistan respublikası ilə
168 km həmsərhəd olmasını və döyüş bölgəsində
yerləşməsini nəzərə alaraq "Mina təhlükəsizliyi” ilə bağlı Azərbaycan
Respublikası Ərazilərinin Minalardan Təmizlənməsi üzrə Milli Agentliyin (ANAMA)
rayonumuzda keçirdiyi tədbirlərdə yaxından iştirak edilmiş, rayonun cəbhəboyu
zonada və digər yaşayış məntəqələrində aşkar edilmiş 14 ədəd müxtəlif növ
partlamamış hərbi sursatların zərərsizləşdirilməsi üçün lazımi tədbirlər
görülmüşdür.
Respublika
Prezidentinin müvafiq Fərmanı ilə təsdiq edilmiş "Cəbhəboyu zonada yerləşən
yaşayış məntəqələrində gücləndirilmiş təhlükəsizlik rejiminin təmin edilməsi
Qaydaları”na uyğun olaraq Qazax rayonunun cəbhəboyu zonada yerləşən 13 yaşayış
məntəqələrində (Quşçu Ayrım, Məzəm, Fərəhli, Abbasbəyli, Kəmərli, Qaymaqlı,
Aslanbəyli, İkinci Şıxlı, Xanlıqlar, Cəfərli, Bala Cəfərli, Ağköynək, Daş
Salahlı kəndlərində) gücləndirilmiş təhlükəsizlik rejiminin təmin edilməsi ilə
bağlı tədbirlər görülmüşdür. Belə ki, rayonun cəbhəboyu zonasında yerləşən
yaşayış məntəqələrində gücləndirilmiş təhlükəsizlik rejiminin təmin edilməsi
məqsədilə mütəmadi olaraq həmin yaşayış məntəqələrində rayon rəhbərliyinin, rayonun hüquq-mühafizə orqanlarının, hərbçilərin,
idarə, müəssisə və təşkilat rəhbərlərinin, kənd sakinlərinin iştirakı ilə geniş
müşavirələr keçirilmiş, sərhəd kəndlərinin
təhlükəsizliyinin möhkəmləndirilməsi ilə bağlı görülməsi vacib olan məsələlər
araşdırılmış, aidiyyəti üzrə konkret tapşırıqlar verilərək icrası təmin
edilmişdir. Cəbhəboyu zonada yerləşən yaşayış məntəqələrinin
sakinlərinin ehtiyac olarsa təxliyə edilməsi üçün alternativ yollar hazırlanmışdır.
Rayon
ərazisində güclü leysan yağışları nəticəsində evlərin zirzəmi mərtəbəsinə və
həyətlərə dolan sel sularının çıxarılması məcburiyyətində qalındığı üçün Rayon
İcra Hakimiyyəti tərəfindən 2018-ci ildə 4 ədəd yeni su nasosu alınmış və 1
ədəd Qaz-53 su avtomaşını tam təmir olunaraq hazır vəziyyətdə saxlanılmışdır.
Hesabat
dövründə Qazax rayonu ərazisində fəaliyyət göstərən idarə, müəssisə və təşkilatlarda
yanğın təhlükəsizliyi sahəsində mövcud problemlərin aradan qaldırılması ilə
bağlı Rayon İcra Hakimiyyətinin başçısı tərəfindən təsdiq edilmiş tədbirlər
planına uyğun olaraq idarə, müəssisə və təşkilatlarda yanğın təhlükəsizliyi
qaydalarının tələblərindən irəli gələn vəzifələrin yerinə yetirilməsi
istiqamətində lazımi tədbirlər həyata keçirilmişdir. Belə ki,
-
Yanğın təhlükəsizliyi qaydalarının tələblərindən irəli gələn vəzifələrin yerinə
yetirilməsini təmin etmək üçün idarə, müəssisə və təşkilatlarda yanğın
təhlükəsizliyi ilə bağlı tədbirlər planı hazırlanmışdır.
-
İdarə, müəssisə və təşkilatlarda bina və otaqların görünən yerlərində yanğın
təhlükəsizliyi xidmətinin çağırış telefon nömrələrini bildirən göstərici
lövhələr asılmış, bildirişlər vurulmuşdur.
-
Hər bir müəssisənin yanğın təhlükəsizliyinin təmin edilməsi üçün əmrlə yanğına qarşı
rejim müəyyənləşdirilmiş, yanğın təhlükəsizliyinə cavabdeh şəxslər təyin
edilmiş, baş verə biləcək yanğının qarşısının alınması və söndürülməsi üçün
müəssisə daxilində yanğından mühafizə
dəstələri (qrupları) yaradılmış, yanğın zamanı rəhbər və cavabdeh şəxslərin
hərəkətləri müəyyənləşdirilmişdir.
-
Yanğınların söndürülməsi üçün istifadə edilən ilkin yanğınsöndürmə vasitələri
saxlanılan yerlərə sərbəst yanaşmaq üçün gedən yollar, keçidlər və girişlərdə
olan maneələr açılmışdır.
-
Müəssisələrin ərazilərində yanar tullantılar təmizlənmiş, onların
yandırılmasına yol verilməməsinə və ilkin yanğınsöndürmə vasitələrinin başqa
məqsədlər üçün istifadə olunmamasına nəzarət artırılmışdır.
-
Baş verə biləcək yanğın və digər hadisələr zamanı insanların köçürülməsi üçün
təxliyyə (köçürmə) planları işlənib hazırlanmış və görünən yerlərdən asılması
təşkil edilmişdir.
Rayonda
açıq səhralarda, meşə ərazilərində müxtəlif səbəblərdən baş verə biləcək yanğın
hadisələrinin qarşısının alınması istiqamətində tədbirlər görülmüş, digər
yanğın hadisələrinin qarşısı dərhal alınmışdır.
Taxıl
sahələrinin biçin vaxtı yanğından mühafizə olunmasını daha da etibarlı təmin
etmək məqsədilə Rayon İcra Hakimiyyəti başçısının 08 iyun 2018-ci il tarixli
9-21/77 nömrəli Sərəncamı verilmiş, ərazilərə 175 traktor və 102 ədəd şum
kotanı cəlb edilmiş, rayonun Yuxarı Salahlı kəndi ərazisində yanğınsöndürmə
növbəsinin yaradılması təşkil edilmiş, yanğın təhlükəsizliyi qaydalarına əməl
etməklə taxıl biçininin qısa müddətdə məhsul itkisinə yol vermədən başa
çatdırılması təmin olunmuşdur. Qeyd
olunan məsələnin vacibliyini nəzərə alaraq 10 sentyabr 2018-ci il
tarixdə rayonun hüquq-mühafizə orqanları rəhbərlərinin, RİHB-nin İnzibati Ərazi
Dairələri üzrə nümayəndələrinin, bələdiyyə sədrlərinin, idarə, müəssisə və
təşkilat rəhbərlərinin, rayon fövqəladə hallar komissiyasının üzvlərinin
iştirakı ilə Qazax Rayon İcra Hakimiyyətində yanğın təhlükəsizliyi hallarının pozulmasının
qarşısının alınması ilə bağlı növbəti müşavirə keçirilmiş, keçirilən müşavirədə
mövcud vəziyyət və gələcəkdə qarşıya çıxa biləcək hadisələrlə bağlı məsələlər
müzakirə olunmuş, yüksək gərginlikli elektrik naqillərinin altında əkin
sahələrinin salınması və yaşayış evlərinin tikilməsinin olduqca təhlükəli
olması ilə bağlı məsələnin əsas mahiyyəti bir daha diqqətə çatdırılmışdır.
Rayonun
enerji təchizatında, eləcə də tibb müəssisələrində yarana biləcək hər hansı
hadisənin qarşısının alınması istiqamətində silsilə tədbirlər təşkil olunmuş,
2018-2019-cu tədris ilinin başlanması ilə bağlı təhsil müəssisələrinin
rəhbərlərinə tapşırıqlar verilmişdir.
Yanğın
təhlükəsizliyi qaydalarının tələblərindən irəli gələn vəzifələrin yerinə
yetirilməsi istiqamətində lazımi tədbirlərin həyata keçirilməsi məqsədilə Rayon
İcra Hakimiyyəti başçısının "Qazax rayonu ərazisində yanğın təhlükəsizlik tədbirlərinin görülməsi ilə əlaqədar işçi qrupunun
yaradılması haqqında” 12 sentyabr 2018-ci il tarixli 9-21/117 nömrəli Sərəncamı
verilmiş və yaradılmış işçi qrupuna müvafiq tapşırıqlar verilmiş, Sərəncama uyğun olaraq işçi qrupu tərəfindən
bu istiqamətdə lazımi tədbirlər həyata keçirilir.
Hesabat
dövründə rayonun idarə, müəssisə və təşkilatlarında görülmüş işlər Rayon İcra
Hakimiyyəti başçısının yanında Şura iclasında müzakirə olunmuş və müvafiq
qərarlar qəbul edilmişdir.
Görülmüş
işlərlə yanaşı, aparılan yoxlamalar və keçirilən tədbirlər zamanı mövcud
çatışmazlıqlar vardır ki, bunun üçün rayon ərazisində fəaliyyət göstərən idarə,
müəssisə və təşkilatların - mülki müdafiə tədbirlərinin vaxtında və keyfiyyətlə
icra olunmasına, mülki müdafiə sahəsində maarifləndirmə işinin
gücləndirilməsinə, mülki müdafiə qüvvələrinin hazırlıq səviyyəsinin
artırılmasına, əhalinin və işçilərin ehtimal olunan fövqəladə hadisələrin
təsirindən qorunmasına və fövqəladə hadisələr zamanı xilasetmə və digər
təxirəsalınmaz işlərin yerinə yetirilməsinə, "Mülki müdafiə haqqında” Azərbaycan
Respublikasının Qanununun, "Mülki müdafiənin təmin еdilməsi barədə” Azərbaycan
Respublikası Nazirlər Kabinеtinin 193 nömrəli 25 sеntyabr 1998-ci il tariхli
Qərarının tələblərinin yerinə yetirilməsinə diqqət və məsuliyyət
artırılmalıdır.
Odur
ki, 2019-cu ildə qarşıda duran əsas məqsədə - mülki müdafiə idarəetmə
orqanlarının fəaliyyətinin təkmilləşdirilməsinə, mülki müdafiə qərargahlarının
rolunun artırılmasına, əhalinin və işçilərin mülki müdafiəyə hazırlanmasına,
fövqəladə hadisələrin qarşısının alınması üçün profilaktik tədbirlərin
gücləndirilməsinə və hadisələrin nəticələrinin aradan qaldırılmasına
yönəldilmiş tədbirlərin həyata keçirilməsinə nail olmaq üçün hər birimiz daha
məsuliyyətlə çalışmalı, verilən tapşırıqların layiqincə yerinə yetirilməsində
fəal iştirak etməliyik. Bu yolda hər birinizə uğurlar arzulayıram.
Qazax rayon Təhsil şöbəsinin
müdiri Nizaməddin Babanlı çıxış edərək rayonun bütün ümumtəhsil məktəblərində
mülki müdafiə işinin lazımi səviyyədə təşkil olunduğunu, şöbə tərəfindən təsdiqlənmiş
tədbirlər planına uyğun olaraq istər müəllimlərin, istərsə də şagirdlərin
maarifləndirilməsi sahəsində məqsədyönlü tədbirlərin həyata keçirildiyini qeyd
edib.
Rayon Mərkəzi Xəstəxanasının baş həkim əvəzi Sevda Məmmədova çıxışı zamanı rayonda,
eləcə də tibb müəssisələrində mülki müdafiə sahəsində görülmüş işlərdən
danışaraq bu sahənin daim diqqət mərkəzində olduğunu bildirib.
Qazax Dövlət Yanğın Mühafizə Hissəsinin rəisi, polkovnik-leytenant
Abdal Aşurov çıxış edərək bildirib ki, bu gün rayonda vaxtından əvvəl görülmüş
tədbirlərin nəticəsidir ki, son iki il yarımda rayonda yanğın hadisəsi 2 dəfə
azalmışdır. Bundan əlavə, rayonda baş verə biləcək hər hansı bir hadisənin
qarşısı operativ şəkildə alınır və bunun üçün bu sahəyə rayon rəhbərliyi tərəfindən
xüsusi diqqət ayrılır.
Qazax Telekommunikasiya Qovşağının rəisi Nizaməddin Məmmədov da müşavirədə çıxış
edərək rəhbərlik etdiyi təşkilatda görülmüş işlər barədə məlumat verib. Bu gün
rayonda baş verə biləcək hər hansı bir fövqəladə hadisə zamanı əhalinin təhlükəsizliyinin
təmin olunması sahəsində məqsədyönlü işlər görüldüyünü, qovşaqda olan çağrı
qurğularının işlək vəziyyətə gətirildiyini və şəhərin 3 yerində bu qurğuların
yerləşdirildiyini bildirib.
Fövqəladə Hallar Nazirliyi Gəncə Regional Mərkəzinin rəis müavini,
polkovnik Məhəmməd
Tağıyev çıxış edərək dövlətimiz və dövlət başçımız tərəfindən əhalinin təhlükəsizliyinin
təmin olunması sahəsində görülmüş işlərdən və bu sahəyə xüsusi diqqət göstərilməsindən
söz açıb. Bu gün mülki müdafiə sahəsində görülmüş işlərin qanunla da tənzimləndiyini
bildirib. Rayonda görülmüş işləri yüksək qiymətləndirən M.Tağıyev qarşıda duran
vəzifələrdən də danışıb. Növbəti ildə də bu sahədə tədbirlər planının
hazırlanmasının, işləməyən əhalinin mülki müdafiə sahəsində məlumatlandırılması
ilə bağlı məlumat guşlərinin yaradılmasının, bu sahənin daha da təkmilləşdirilməsi
üçün müvafiq kursların təşkil olunmasının vacibliyini vurğulayıb. Qazax
Rayon İcra Hakimiyyəti başçısının birinci müavini Məmməd Alıyev müşavirəyə
yekun vuraraq iştirakçılara qarşıdan gələn növbəti ildə də səmərəli fəaliyyət
arzulayıb. GOYEZEN.AZ
Facebook-da paylaş