Qazaxda aşıq sənətinə və aşıqlarımıza verilən qiymət həmişə yüksək səviyyədə olub
Bu gün böyük
tikinti meydançasını xatırladan Qazax rayonunda digər sahələrlə yanaşı, mədəniyyət
sahəsinə də xüsusi diqqət və qayğı göstərilir. Fəaliyyətə başladığı ilk gündən
rayon rəhbərliyi tərəfindən tarixi şəxsiyyətlərin, şairlərin, yazıçıların, saz,
söz adamlarının doğum və anım günlərinin keçirilməsi, tarixi günlərin yüksək
səviyyədə qeyd olunması, onların xatirəsinə ucaldılmış abidə və büstlərinin
yenidən bərpa olunması bunun bariz nümunəsidir. Bu yaxınlarda Əməkdar incəsənət xadimi Aşıq Ədalət Nəsibovun
möhtəşəm qəbirüstü abidəsinin qoyulması və ildönümünün yüksək səviyyədə qeyd
olunması bunu bir daha əyani şəkildə sübut etdi. Ötən
yazılarımızda isə icra başçısı Rəcəb Babaşovun tapşırığına əsasən Azərbaycanın ustad aşıqlarından Aşıq Ələsgərin şəhərin mərkəzində yerləşən büstünün yenilənməsi, Aşıq Şəmşirin isə yeni büstünün qoyulması və ətrafının
abadlaşdırılması barədə məlumat vermişdik. Artıq bir neçə müddətdir ki, bu
istiqamətdə məqsədyönlü işlərin görülməsinə başlanılıb.
Bu gün Qazax Rayon İcra
Hakimiyyətinin başçısı Rəcəb Babaşov büstlərin qoyulacağı yerdə görülməsi nəzərdə
tutulan işlərlə tanış olub, tapşırıq və tövsiyələrini verib. Şəhər sakinləri hər zaman saz,
söz sənətinin beşiyi sayılan Qazaxda Aşıq Ələsgərin və Şəmşirin büstlərinin
qoyulmasını və ətrafının abadlaşdırılmasını həm aşıq sevərlərə, həm də
rayonumuzun gözəlliyinə əsl töhfə olacağını qeyd ediblər. Respublikamızda aşıq
sənətinə və aşıqlarımıza verilən yüksək qiymət və dəyərə görə ölkə başçısı
İlham Əliyevə dərin minnətdarlıqlarını bildiriblər. Qazaxda rayon rəhbərinin
aşıqlarımızın xatirəsinin əbədiləşdirilməsi istiqamətində gördüyü işləri
mədəniyyətin aparıcı qollarından olan aşıq sənətinə verilən ən yüksək qiymət kimi
dəyərləndiriblər. Buna görə rayon rəhbərliyinə sonsuz təşəkkürlərini
çatdırıblar.
GOYEZEN.AZ
Facebook-da paylaş