Təhsil işçilərinin ənənəvi sentyabr konfransı keçirilib – Qazaxda
Rspublikamızın hər
yerində olduğu kimi, Qazax rayonunda da müəllimlərin ənənəvi sentyabr konfransı
keçirilib. Konfransda Təhsil Nazirliyinin baş məsləhətçisi Piralı Əliyev,6 saylı Ərazi Maliyyə Hesablaşma Mərkəzinin rəisi Emin Əliyev, təhsil sahəsində çalışan
qabaqcıl müəllimlər, məktəb direktorları, qəbul imtahanlarında yüksək bal
toplayaraq ali məktəblərə qəbul olmuş məzunlar, KİV nümayəndələri iştirak ediblər. Konfrans
iştirakçıları əvvəlcə ulu öndər Heydər Əliyevin abidəsi önünə gül dəstələri
qoyub, əziz xatirəsini böyük ehtiramla yad ediblər. Ümummilli liderin adını
daşıyan Mərkəzdə dahi şəxsiyyətin həyat və fəaliyyəti, mərkəz tərəfindən təhsil
sahəsində görülən işlərlə yaxından tanış olublar. Qonaqlara məlumat verilib ki,
hər tədris ilində mərkəzlə məktəblər əlaqəli şəkildə işlərini qurur və mütəmadi
olaraq "Açıq qapı” günləri təşkil olunur. Tarixi günlərlə bağlı silsilə
tədbirlər keçirilir. Sonra konfrans
iştirakçıları şəhərin mərkəzində Vətən torpaqlarının ərazi bütövlüyü uğrunda
canından keçmiş şəhidlərimizin xatirəsinə salınmış Şəhidlər Xiyabanında olub,
əziz xatirələrini dərin ehtiramla anıblar. Qazax Rayon İcra
Hakimiyyətinin başçısı Rəcəb Babaşov Ədəbiyyat Muzeyində keçirilən konfransı
giriş sözü ilə açaraq yeni dərs ilinin başlanması münasibətilə bütün təhsil
işçilərini təbrik edib. Qeyd edib ki, Аzərbаycаn
elminin, təhsilinin inkişafı görkəmli dövlət xadimi Hеydər Əliyеvin аdı ilə
bаğlıdır. Ölkəyə rəhbərliyinin bütün dövrlərində ulu öndər bu sаhəyə diqqət və
qаyğısını əsirgəməmiş, dаim еlmin, təhsilin himаyədаrı kimi çıхış еtmişdir.
Görkəmli dövlət xadimi Hеydər Əliyеv еlmin, təhsilin inkişаfınа milli dövlət
quruculuğu prоsеsinin zəruri əsаsı kimi yаnаşmış, хаlqın intеllеktuаl səviyyəsinin
аrtırılmаsını ən vаcib vəzifələrdən biri kimi qarşıya qoymuşdur. İcra başçısı qeyd edib ki, ümummilli liderin ötən
əsrin 70-80-ci illərində uzaqgörənliklə həyata keçirdiyi siyasət bu gün öz
nəticələrini göstərir. Əgər o illərdə xalqımızın böyük oğlu Heydər Əliyevin
təşəbbüsü və rəhbərliyi ilə təhsil müəssisələrinin zəngin şəbəkəsi
yaradılmasaydı, onların möhkəm maddi-texniki bazası qurulmasaydı, respublikadan
kənarda yüksək ixtisaslı mütəxəssislər hazırlanmasaydı, bu gün ölkəmizin müasir
tələblərə cavab verən milli təhsil sistemi olmazdı. Bu gün Heydər Əliyev
siyasətinin layiqli davamçısı möhtərəm Prezidentimiz İlham Əliyev cənabları da
ölkədə təhsil siyasətini uğurla davam etdirərək "Neft kapitalını insan
kapitalına çevirək" devizi altında təhsilin inkişafına böyük önəm verməkdədir. Son illərdə ölkədə təhsilin inkişafı istiqamətində
mühüm addımlar atılmışdır. Azərbaycan
Respublikası Prezidentinin 24 oktyabr 2013-cü il tarixli Sərəncamı ilə Azərbaycan
Respublikasında təhsilin inkişafı üzrə Dövlət Strategiyası təsdiq edilmişdir. Strategiyanın
məqsədi ölkədə səriştəli təhsil verənlərə, ən yeni texnologiyalara əsaslanan
infrastruktura malik, keyfiyyət nəticələri və əhatəliliyinə görə dünya ölkələri
sırasında qabaqcıl mövqe tutan təhsil sistemini yaratmaqdır. Azərbaycanın
təhsil sistemi iqtisadi cəhətdən dayanıqlı və dünyanın aparıcı təhsil
sistemlərinin standartlarına uyğun olmalıdır. "2007-2015-ci illərdə
Azərbaycan gənclərinin xarici ölkələrdə təhsili üzrə Dövlət Proqramı”nın qəbul
olunması və proqram çərçivəsində gənclərin inkişaf etmiş ölkələrin nüfuzlu
universitetlərində təhsil almaları üçün vəsaitin ayrılması məhz Azərbaycanın
gələcək inkişafına qoyulan investisiyadır. Respublikanın hər yerində olduğu kimi, "Yeniləşən
Azərbaycana yeni məktəb” layihəsi çərçivəsində rayonumuzda da təhsil müəssisələrinin
maddi-texniki bazasının möhkəmləndirilməsi ötən dövr ərzində diqqət mərkəzində
olmuş, rayonun ümumtəhsil məktəblərinin böyük əksəriyyəti yeni daha müasir
binalarda fəaliyyət göstərməkdədir. Azərbaycan
Respublikası Prezidentinin 29 aprel 2016-cı il tarixli sərəncamı ilə Azərbaycan Dövlət Pedaqoji Universitetinin Qazax
filialı Bakı Dövlət Universitetinin Qazax filialı kimi fəaliyyətə başlamışdır.
2018-2019-cu tədris ilində BDU-nun Qazax filialına əlavə 4-ü yeni ixtisas
olmaqla, ümümilikdə 17 ixtisas üzrə qəbul aparılmışdır. 2017-2018-ci tədris
ilində 390 tələbə qəbul olduğu halda, bu il, 2018-2019-cu tədris ilində qəbul
olanların sayı 172 nəfər artaraq 562 nəfər olmuşdur. Filiala 2018-2019-cu
tədris ilində 600 baldan yuxarı 1 tələbə, 500 baldan yuxarı 4 tələbə, 400
baldan yuxarı 16 tələbə, 300 baldan yuxarı 172 tələbə qəbul olmuşdur. 2018-2019-cu tədris ilində BDU-nun Qazax
filialına respublikanın müxtəlif regionlarından qəbul olmuş 562 tələbədən 78-i
Qazax, 41-i Ağstafa, 40-ı Tovuz, 32-si Şəmkir, 27-si Ağdam, 25-i Bərdə, 23-ü
Bakı, 20-si Gəncə, 20-si Kəlbəcər, 18-i Gədəbəy, 18-i Goranboy, 14-ü Füzuli,
11-i Laçın, 11-i Tərtər, 9-u Ağcabədi, 9-u Şəki, 8-i Cəbrayıl, 8-i Masallı, 8-i
Şamaxı və digər rayonlardandır. Rayon rəhbəri bildirib ki, təhsilə göstərilən qayğının nəticəsidir ki, rayonumuzda məzunların ali məktəblərə qəbul faizi də
ilbəil artmaqdadır. 2017-2018-ci tədris ili üzrə qəbul olma faizi 54,15
olmuşdur. Belə ki, tədris ilində 676 nəfər məzundan 509 nəfər ali məktəbə qəbul
imtahanlarında iştirak etmiş, onlardan 274 nəfər ali təhsil müəssisələrinə
qəbul olmuşdur. Ümumilikdə rayon üzrə ötən ilin məzunları ilə birlikdə 651
nəfər qəbul imtahanlarında iştirak etmişdir ki, onlardan 329 nəfər ali təhsil
müəssisəsinə qəbul olaraq tələbə adını qazanmışlar. Sevindirici haldır ki, ali
təhsil müəssisələrinə qəbul olmuş tələbələrdən 49 nəfəri 500-dən, 19 nəfəri isə
600 baldan yuxarı toplayanlardır. Qəbul nəticəsinə görə şəhər 1 nömrəli tam orta
məktəb birinci, məktəb-litsey 2-ci, Kəmərli kənd tam orta məktəb isə 3-cü
olmuşdur. Ən zəif nəticə göstərən məktəblər isə Xanbağı və Quşçu Ayrım kənd tam
orta məktəbləridir. Şagirdlərin dərsə davamiyyətinin araşdırılması
zamanı ümumtəhsil məktəblərində 2016-2017-ci tədris ilində orta aylıq
davamiyyət 94,5 faiz olduğu halda, 2017-2018-ci tədris ilində artaraq 95,7 faiz
olmuşdur. 2017-2018-ci ilin tədris ili ərzində rayon Təhsil şöbəsinin
müvafiq Əmri ilə yaradılmış işçi qrupunun üzvləri tərəfindən rayonun 40
ümumtəhsil məktəbində ayrı-ayrı fənlər üzrə monitorinqlər aparılmış, nəticələr
yekunlaşaraq müzakirə olunmuşdur. Ümumilikdə 392 müəllimin dərsi dinlənilmişdir.
Nəticəsi yüksək olan 58 müəllimə təşəkkür elan edilmiş, 42 zəif nəticəsi olan
müəllimə məktəb direktorları tərəfindən inzibati tənbeh tədbirlərinin görülməsi
nəzərdə tutulmuşdur. İşçi qrupu tərəfindən yüksək qiymətləndirilən gənc
müəllimlər - Kosalar kənd tam orta məktəbin fransız dili müəllimi Həbibə Mustafayeva,
Fərəhli kənd tam orta məktəbin ingilis dili müəllimi Humay Əfəndiyeva, Aslanbəyli
kənd tam orta məktəbin kimya müəllimi Elmar İbrahimovu xüsusi qeyd etmək
istərdim. Bu müəllimlərə gələcək fəaliyyətlərində uğurlar arzu edirəm. Azərbaycan Respublikasının ictimai həyatında
səmərəli fəaliyyətinə görə, 8 Mart - Beynəlxalq Qadınlar Günü münasibətilə
Ağköynək kənd tam orta məktəbin direktoru Rəhimova Səfurə Firudun qızı
Azərbaycan Respublikası Prezidentinin sərəncamı ilə "Tərəqqi” medalı ilə təltif
edilmişdir. Bir daha təbrik edirik. İcra başçısı qeyd edib ki, bugünkü tədbirimizə
rayonumuz üzrə 19 nəfər 600 baldan yuxarı nəticə göstərən məzunlarımız
toplaşmışlar. Onları bir yerə toplamaq, onlarla söhbət aparmaq, bundan sonra da
harada təhsil almalarından asılı olmayaraq onlara uğurlar diləmək biz
ziyalıların borcudur. Əziz balalar, biz sizinlə fəxr edirik. İnanıram ki, siz
təhsil alacağınız ali məktəbdə rayonumuzun adını həmişə yüksəklərə
qaldıracaqsınız. Qazax Rayon İcra Hakimiyyətinin başçısı Rəcəb
Babaşov bildirib ki, bu gün dövlətimizin siyasətinin əsas strateji xəttini
təhsilin inkişafı təşkil edir. Mənə elə gəlir ki, bu işdə hər birimizin
fəallığı hiss olunmalıdır. Dünyada baş verən qlobal böhranlar, iqtisadi
problemlər Azərbaycana bir o qədər də təsir göstərməmişdir. Bunun səbəbi
ölkəmizdə qabiliyyətli kadr potensialının yetişməsi, təhsilin inkişafıdır.
Dəfələrlə möhtərəm Prezidentimiz öz çıxışlarında "Biz neft kapitalını insan
kapitalına çevirməliyik” söyləmişdir. "Bu kapital sizsiniz, xalqımız öz
gələcəyini sizin kimi savadlı, qabiliyyətli, bacarıqlı gənclərə etibar edəcək”
- deyən rayon rəhbəri bu yolda onlara uğurlar və cansağlığı arzulayıb. Rayon Təhsil
şöbəsinin müdiri Nizaməddin Babanlı geniş hesabat məruzəsi ilə çıxış edərək
2017-2018-ci tədris ilində qazanılan uğurlardan, həyata keçirilən tədbirlərdən
danışıb. Qeyd edib ki, ötən tədris ilində əldə edilən uğurların bünövrəsində Rayon
İcra Hakimiyyətinin başçısı Rəcəb Babaşovun təhsilə göstərdiyi diqqət və qayğı
dayanır. Rayon rəhbərliyinin təşəbbüsü ilə yaradılmış işçi qrupunun fəaliyyəti
isə təqdirəlayiqdir. İşçi qrupunun gərgin zəhməti sayəsində bütün məktəblərdə
şagirdlərin dərsə davamiyyəti yüksəlmiş, müəllimlərin keçdikləri dərslərin
keyfiyyəti artmışdır. Təhsilə
göstərilən qayğının nəticəsidir ki, rayonumuzda məzunların ali məktəblərə qəbul
faizi də ilbəil artmaqdadır. Qeyd edib ki, 2017-2018-ci dərs
ilinin təhsildə keyfiyyət ili elan edilməsi ümumi təhsilin keyfiyyətinin daim
diqqətdə saxlanmasının real nümunəsidir. Bu və ya digər məsələlərin icrası ilə əlaqədar
məqsədyönlü işlər həyata keçirilmişdir. Təhsil islahatlarına başlanıldığı vaxtdan məktəb tikintisi də
prioritet sahəyə çevrilmişdir. Xüsusilə Prezident İlham Əliyevin
hakimiyyəti dövründə bu sahədə çox mühüm nailiyyətlər əldə
olunmuşdur. Bunun nəticəsidir ki, hətta ən ucqar dağ kəndlərində belə yeni
təhsil ocaqları tikilərək istifadəyə verilib. Sosial-iqtisadi vəziyyətin çətin
olduğu dövrdə də məktəb tikintisi diqqətdən yayınmır, yeni məktəblər inşa
edilir, əsaslı təmir işləri həyata keçirilir. Prezident
İlham Əliyevin məqsədyönlü fəaliyyətinin nəticəsidir ki, 2017-2018-ci il tədris
ilində Qazaxda S.Vurğun adına şəhər 2 nömrəli tam orta məktəb əsaslı təmir
olunur, Xanlıqlar və Daş Salahlı kənd 1 saylı tam orta məktəblərində cari təmir
işləri həyata keçirilir. Ölkə Prezidenti İlham Əliyevin
tapşırığına əsasən hər il mütəmadi olaraq təşkil olunan Rayon İcra Hakimiyyəti
tərəfindən həyata keçirilən "Ölkəmizi tanıyaq” maarifləndirici tur-aksiyası
çərçivəsində rayonumuzun 80 nəfər təhsildə fərqlənən məktəblilərin payız
tətilində Qəbələ və Şəki bölgəsinə, yaz tətilində isə respublikamızın
Lənkəran və Astara bölgəsinə ekskursiyası təşkil olunmuşdur. Ekskursiyaların
keçirilməsində məqsəd respublikamızın bölgələrinə səyahət etmək, orada olan
tarixi yerlər, qədim və müasir milli memarlıq abidələri ilə yaxından tanış
olmaqdan ibarətdir. Yeniyetmə və gənc nəsilin vətənpərvər ruhda tərbiyə
olunmasında "Ölkəmizi tanıyaq” tur-aksiyasının böyük rolu olduğunu nəzərə
alaraq bu cür tur-aksiyaların İcra Hakimiyyəti tərəfindən bundan sonra da
vaxtaşırı təşkil ediləcəyi ilə bağlı müvafiq tədbirlər görüləcəkdir. 2017-2018-ci tədris ilində
Azərbaycan Respublikası Prezidentinin Sərəncamına əsasən 5 oktyabr - Beynəlxalq
Müəllim Günü ilə əlaqədar ümumtəhsil məktəblərinin təlim-tərbiyə prosesinin
təşkilində yüksək nəticələr əldə etmiş qabaqcıl təhsil işçiləri Ş.Şahvələdov
adına Xanlıqlar kənd tam orta məktəbin biologiya müəllimi Hüseynxanova Xatın
Zakir qızı "Əməkdar müəllim”, M.Hüseyn adına məktəb-liseyin Azərbaycan dili və
ədəbiyyatı müəllimi Əliyeva Rəhilə Alı qızı "Tərəqqi” medalı fəxri adları,
N.Vəliyev adına şəhər 5 nömrəli tam orta məkrtəbin fizika müəllimi Qayayeva
Yasəmən Naib qızı ”Qabaqcıl Təhsil İşçisi” döş nişanı, Q.Hacımahmudova şəhər
ümumi orta məktəbin direktoru Göyüşlü Yeganə Göycə qızı isə "Fəxri Fərman”la təltif
edilmişdir. Ölkəmizin sosial-iqtisadi və mədəni inkişafında
ümumtəhsil məktəbinin rolu danılmazdır. Ümumi
təhsilin inkişaf səviyyəsindən təhsil sisteminin sonrakı pillələrinin inkişafı
çox asılıdır. Çünki ümumi
təhsil əsasdır, özüldür, təməldir. Bu özül nə qədər möhkəm olarsa, təhsil
sistemi bütövlükdə o qədər güclü olar. Ümumtəhsil məktəblərinin 1 saylı hesabatına görə
dərs ilinin əvvəlində şagirdlərin sayı 12687 nəfər (888 nəfər məktəbə hazırlıq,
11799), dərs ilinin sonunda isə şagirdlərin sayı 12579 nəfər (872 nəfər məktəbə
hazırlıq, 11707) olmuşdur. Dərs ili ərzində təhsil müəssisələrindən gedənlərin
sayı 416 nəfər, dərs ili ərzində təhsil müəssisələrinə qəbul olanların sayı isə
308 nəfər olmuşdur. Şəhər 4 N-li tam orta məktəb, Ağköynək, Yuxarı
Əskipara, Hüseynbəyli, Kosalar, Xanbağı, Birinci Şıxlı, Çaylı kənd 2 N-li, Daş
Salahlı kənd 1N-li tam orta məktəblərində təhsildən yayınma halları olmuşdur
ki, bunun da qarşısı alınmışdır. 2017-2018-ci
tədris ilində Təhsil şöbəsi tərəfindən Rayon İcra Hakimiyyətinin yaxından
iştirakı ilə şagirdlərin dərsə davamiyyətinin yaxşılaşdırılması, bu sahədə
məktəb və sinif rəhbərlərinin fəaliyyətinin gücləndirilməsi, məsuliyyətlərinin
artırılması ilə əlaqədar vaxtaşırı olaraq reydlər keçirilmiş, dərsdən yayınma
hallarına yol verən şagirdlərin dərsə cəlb edilməsi ilə bağlı ciddi işlər
görülmüşdür. Keçirilən tədbirlər nəticəsində ümumtəhsil məktəblərinin
fəaliyyətində ciddi dönüş yaranmışdır. Tədris ili ərzində şəhər 2 N-li,
Daş Salahlı 1,2 N-li, Kosalar, Ağköynək, Çaylı 2N-li tam orta və Qarapapaq kənd
ümumi orta məktəblərində şagirdlərin davamiyyəti qismən zəif olmuşdur. Aparılan
müvafiq tədbirlər nəticəsində bütün ümumtəhsil məktəbləri üzrə şagirdlərin
dərsə davamiyyəti yaxşılığa doğru dəyişmişdir. "Ümumtəhsil məktəblərinin
beşgünlük tədris həftəsinə keçirilməsi barədə” Təhsil Nazirliyinin Əmrinə uyğun
olaraq rayonun məktəblərində iş rejimi təkmilləşdirilmiş, 46 ümumtəhsil
məktəbindən 45-i bir növbədə, 1-i isə iki növbədə işləmişdir.
Rayon üzrə 12687 nəfər şagirddən 117 nəfəri,
yəni 0,9 %-i ikinci növbədə təhsil almışdır. 2017-2018-ci tədris ilində Təhsil Nazirliyi
tərəfindən göndərilən 43800 ədəd dərslik Qazax rayonunun ümumtəhsil
məktəblərində təhsil alan şagirdlərin istifadəsinə verilmişdir. Ötən müddətdə təhsil
sisteminin informasiyalaşdırılması sahəsində də müəyyən işlər görülmüşdür.
2017-2018-ci tədris ilində Təhsil Nazirliyi tərəfindən 38 kompyuter dəsti, 106
ədəd noutbuk ümumtəhsil məktəblərinə verilmişdir. Təhsilin informasiyalaşdırılması
sahəsində Dövlət Proqramınn icrası nəticəsində hazırda hər 18 (ötən il 20)
şagirdə bir kompyuter düşür. Rayonun 38
(ötən il 36) məktəbi internet şəbəkəsinə qoşulmuşdur. Son dövrlərdə Təhsil
Nazirliyi tərəfindən təhsil sistemində şəffaflığın təmin edilməsi, yeni
idarəetmə modelinin tətbiqi sahəsində əhəmiyyətli addımlar atılmışdır. Belə
addımlardan biri XI sinfi bitirən şagirdlərin hamısına attestat almaq hüququnun
verilməsi olmuşdur. Bununla da həmin gənclərin sosial həyata aktiv şəkildə
qoşulmaq imkanları xeyli artmışdır. Bu il rayonun IX siniflərini bitirən 1002
nəfər, XI sinfi bitirən 676 nəfər attestat almışdır. 2017-2018-ci dərs ilində rayon Təhsil şöbəsinin tabeliyində 33 tam orta,
o cümlədən 1 məktəb-lisey, 6 ümumi orta, 6 ibtidai məktəb, 2 məktəbdənkənar
müəssisə fəaliyyət göstərmişdir. Ümumtəhsil
məktəblərində 12579 nəfər şagirdin təlim tərbiyəsi ilə 1685 nəfər müəllim məşğul olmuşdur. Təhsil Nazirliyinin "Kənd yerlərindəki ümumtəhsil
məktəblərinə pedaqoji kadrların cəlb olunmasının həvəsləndirilməsi tədbirləri
haqqında” müvafiq Əmrinin icrası daim diqqət mərkəzində olmuşdur. Ümumilikdə
müəllimlərin işə qəbulu müsabiqəsindən keçən 41 nəfər gənc müəllim rayonun
ümumtəhsil məktəblərində ixtisaslarına uyğun olaraq işlə təmin olunmuşdur. Onlardan
20 nəfər Qazax rayonunda qeydiyyatda olan fənn müəllimləridir. 2017-2018-ci tədris ilində Azərbaycan
Respublikası Təhsil Nazirliyinin 11 mart 2016-cı il tarixli, 143 nömrəli Əmri
ilə təsdiq edilmiş, Azərbaycan Respublikası Təhsil Nazirliyi sisteminə daxil
olan ümumi təhsil müəssisələrinin direktoru vəzifəsinə işə qəbul və
direktorların yerdəyişməsi üzrə qaydalarına uyğun olaraq rayonun Kosalar,
İkinci Şıxlı tam orta, Birinci Şıxlı, Fərəhli kənd ümumi orta məktəblərinin
vakant olan direktor vəzifəsinə məktəb direktorları təyin olunmuşdur. 2018-2019-cu
tədris ilində şəhər 3 N-li, Canalı kənd tam orta, Xanlıqlar, Barxudarlı,
Qarapapaq kənd ümumi orta məktəbləri üzrə vakant direktor vəzifələri direktorların işə qəbulu müsabiqəsinə
təqdim edilmişdir. 2017-2018-ci tədris ili təlim-tərbiyə prosesinin
təşkili, tədrisin keyfiyyətinin artırılması, buraxılış və ali məktəbə qəbul
olma göstəricilərinin müsbət şəkildə dəyişməsi, şagirdlərin müxtəlif
intellektual müsabiqələrdə, idman yarışlarında, fənn olimpiadalarında, fənn
müsabiqələrində uğurlu nəticələr əldə etməsi və s. ilə əlaqədar əlamətdar
olmuşdur. Fövqəladə
Hallar Nazirliyinin və Təhsil Nazirliyinin dəstəyi ilə "Fövqəladə hallar
uşaqların gözü ilə” mövzusunda məktəblilər arasında keçirilmiş VII
Ümumrespublika uşaq yaradıcılıq müsabiqəsinin respublika mərhələsində üç nəfər
şagirdimiz (şəhər 5 N-li tam orta məktəbin şagirdi Nurlan Bayramov, şəhər 4
N-li tam orta məktəbin şagirdi Nuray Məmmədova, Xanbağı kənd tam orta məktəbin
şagirdi Tahirə Qapıçıyeva) yanğın və
qəza-xilasetmə texnikasının modeli, əl işi və plakat nominasiyaları üzrə
III yerə layiq görülmüşdür. 2017-ci ilin oktyabr ayında sərbəst güləş
üzrə Türkiyədə keçirilən beynəlxalq turnirdə İmaməliyeva Yamilha Rasim qızı 35
kq çəki dərəcəsində III yer, Rəhimli İsmayıl Adil oğlu 40 kq çəki dərəcəsində
II yer tutmuşdur. Azərbaycanın müstəqilliyinin və
suverenliyinin rəmzi olan 9 Noyabr-Bayraq Günü ilə əlaqədar yuxarı sinif
şagirdləri arasında inşa və rəsm müsabiqəsi keçirilmiş, müsabiqə qalibləri mükafatlandırılmışdır. 17
aprel 2018-ci il tarixdə Qazax şəhər stadionunda orta ümumtəhsil məktəblərinin
şagirdləri arasında "Marş irəli!" devizi altında "Vətənin Müdafiəsinə
Hazıram” poliatlon çoxnövçülüyü üzrə rayon birinciliyi keçirilmişdir. Aşağı
Salahlı kənd tam orta məktəbin komandası I yerə, şəhər 2 N-li tam orta məktəbin
komandası II, məktəb-liseyin komandası isə III yerə çıxmışdır. 24 aprel 2018-ci il tarixdə Qazax şəhər stadionunda
orta ümumtəhsil məktəblərinin şagirdləri arasında "Marş irəli!"
devizi altında "Vətənin Müdafiəsinə Hazıram” atletika üzrə rayon birinciliyi
keçirilmişdir. Aşağı Salahlı kənd tam orta məktəbin komandası I yerə, şəhər 1
N-li tam orta məktəbin komandası II, Daş Salahlı kənd 2N-li tam orta
məktəbin komandası isə III yerə
çıxmışdır. Respublika Şahmat festivalının rayon turunda Daş
Salahlı 2 N-li tam orta məktəbin komandası I yer, şəhər 2 N-li tam orta
məktəbin komandası II yer, məktəb-lisey komandası III yerə layiq görülmüşdür.
26-28 aprel 2018-ci il tarixlərdə Bakı şəhərində keçirilən Şahmat festivalının
respublika mərhələsində 6 nəfər şagird iştirak etmişdir. 2018-ci ildə fənn olimpiadalarının
rayon turunda 374 şagird iştirak etmişdir. Fənn olimpiadalarının zona
mərhələsinə 49 şagird vəsiqə qazanmışdır. Mart ayında həmin şagirdlər Gəncə
şəhərində zona mərhələsində iştirak etmişlər. Onlardan 4 nəfəri Respublika
mərhələsinə çıxmışdır. Aprel ayında Bakıda yekun mərhələsində Azərbaycan dili
və ədəbiyyatı fənni üzrə 1 nəfər şagirdimiz Bala Çaylı kənd tam orta məktəbin XI
sinif şagirdi Quliyeva Günay Sabir qızı I yerə layiq görülərək qızıl medal
almış, respublika üzrə IX,X,XI sinif şagirdləri arasında "Birincilərin
birincisi” nominasiyasının qalibi olmuşdur. Ölkə Prezidentinin qayğısı, Təhsil
Nazirliyinin təhsilin daha da inkişafı naminə həyata keçirdiyi çox mühüm işlər
hesabat dövründə qarşıya qoyulmuş vəzifələrin həllində əsas rol oynamışdır. Məruzə ətrafında çıxışlar
olmuşdur. Qazax şəhər 1 nömrəli tam orta
məktəbin direktoru, "Əməkdar müəllim” Bəsti Ələkbərova çıxış edərək rəhbərlik etdiyi
məktəbdə qazanılan uğurlardan danışıb və yeni dərs ilində bütün müəllimlərə
uğurlar arzulayıb. Qazax şəhər S.Vurğun adına 2 nömrəli tam orta
məktəbin məzunu, qəbul imtahanlarında 685 bal toplamışRuhan Budaqlı öz çıxışında Qazax Rayon İcra
Hakimiyyətinin başçısı Rəcəb Babaşovaonlara göstərdiyi diqqət və qayğıya görə bütün məzunlar adından minnətdarlığını
bildirib. Bundan sonra təhsil aldığı universitetdə də Qazaxın adını daim uca
tutacağını qeyd edib. Bala Çaylı kənd tam orta məktəbin XI sinif şagirdi,
Respublika Fənn Olimpiadasında I yer tutmuş, "Birincilər birincisi”
adını almış Günay Quliyeva çıxış edərək
bildirib ki, bu gün Qazaxda şagirdlərin yüksək səviyyədə təhsil almaları üçün
hər cür şərait yaradılıb. Bu qayğının nəticəsidir ki, məktəblilər rayonumuzu
hər yerdə yüksək göstəricilər əldə edərək təmsil edirlər. O, çıxışı zaman
bundan sonra da öz üzərində çalışaraq daha böyük nailiyyətlər qazanacağını
söyləyib. Hüseynbəyli kənd tam orta məktəbin fransız dili
müəllimi, müəllimlərin işə qəbulunda ən yüksək nəticə (55 bal) əldə etmiş
Gülnur Əliyeva söz
alaraq işə qəbul prosesindən danışıb, müəllimlər üçün yaradılan şəffaf şəraitə
və geniş imkanlara görə Ölkə başçısına, Təhsil Nazirinə minnətdarlığını
bildirib. Valideynlər
adından çıxış edən Çaylı kənd 2 saylı tam orta məktəbin direktor müavini Sevil
Göyüşova təhsil sahəsinə, xüsusilə də müəllimlərə göstərdiyi diqqət və qayğıya,
yaradılan yüksək şəraitə görə ölkə başçısına, rayon rəhbərliyinə bütün
valideynlər adından dərin təşəkkürlərini çatdırıb. Təhsil Nazirliyinin
baş məsləhətçisi Piralı Əliyev çıxış edərək yeni dərs ilinin başlanması münasibətilə
müəllimləri təbrik edib, yüksək bal toplayan məzunlara tələbəlik illərində
yeni-yeni nailiyyətlər qazanmalarını arzulayıb. Sonra təhsilin indiki
vəziyyətindən, əldə olunan yeniliklərdən, aparılan islahatlardan ətraflı söz
açıb. Rayonda təhsil sahəsində görülən işləri yüksək qiymətləndirən natiq
Qazaxın tarixən öz mədəniyyəti, saz-söz adamları ilə tanındığını qeyd edib.
Prezident İlham Əliyevin və onun yerlərdə təyin etdiyi rəhbər şəxslərin
sayəsində ölkə təhsilinin gündən-günə inkişaf etdiyini bildirib. Qeyd edib ki,
ölkə başçısının təhsilin səviyyəsinin artırılmasında əsas məqsədi müəllimlik
peşəsinə olan hörməti artırmaq və daha yüksək zirvədə olduğunu göstərməkdir. Bu
il rayon üzrə qəbul olmuş 329 nəfər tələbədən məhz 98 nəfərinin müəllimlik
peşəsini seçməsi də bunun bariz nümunəsidir. Daha sonra natiq çıxışında Təhsil
Nazirliyinin tövsiyələrindən söz açaraq ibtidai siniflərdə dərslərin bir
müəllim tərəfindən keçirilməsi, müəllimlərin beynəlxalq layihələrdə iştirak
etməsi, hər bir şagirdin təhsil aldığı müddətdə hərəkət qrafikinin olması,
məktəbə hazırlıq kurslarında şagirdlərə intellektin, şifahi nitqin,
vətənpərvərlik hissinin aşılanması və s.
məsələlərdən danışıb. 2017-2018-ci tədris ilinin
"Ümumi təhsildə keyfiyyət ili” elan edilməsi haqqında Azərbaycan Respublikası
Təhsil Nazirliyinin 28 avqust 2017-ci il tarixli, 261 nömrəli Əmrinin
tələblərinə uyğun olaraq M.Dilbazi adına Cəfərli kənd tam orta məktəbin Azərbaycan
dili və ədəbiyyatı müəllimi Rüstəmov Vilayət Xançoban oğlunu "Respublika
pedaqoji mühazirələri”nin nəticələrinə görə Təhsil Nazirinin Əmrinə əsasən "Tərifnamə”
ilə təltif edilməsi münasibətilə təbrik edərək "Tərifnamə”ni ona təqdim edib. Sonra konfransın
qərar layihəsi oxunub və səsə qoyularaq yekdilliklə qəbul edilib. Rayon təhsil
şöbəsi şurasının tərkibi oxunub. Konfransda
Azərbaycan Respublikasının Prezidenti İlham Əliyevə konfrans iştirakçıları adından
müraciət qəbul olunub. Sonra Qazax Rayon
İcra Hakimiyyəti tərəfindən 600-dən yuxarı bal toplayan 19 nəfər məzuna
qiymətli hədiyyələr və gül dəstələri təqdim olunub. Konfransda rayonda
təhsil sahəsinə, xüsusilə də uşaqlara göstərdiyi yüksək diqqət və qayğıya görə rayon
Uşaq Gənclər İnkişaf Mərkəzinin dərnək üzvləri tərəfindən hazırlanmış əl işi rayon
rəhbərinə təqdim edilib. Qazax Rayon İcra
Hakimiyyətinin başçısı Rəcəb Babaşov konfransa yekun vuraraq qarşıda duran
vəzifələrdən danışıb, yeni dərs ilinin başlanması münasibətilə müəllimləri bir daha
səmimi qəlbdən təbrik edərək gələcək işlərində uğurlar arzulayıb. GOYEZEN.AZ
Facebook-da paylaş