Gənclərin İnkişaf və Karyera Mərkəzinin Qazax nümayəndəliyi "Təmiz nəfəs, sağlam həyat!" layihəsinə start verib
Gənclərin İnkişaf və
Karyera Mərkəzinin Qazax nümayəndəliyi "Təmiz nəfəs, sağlam həyat!"
layihəsinə start verib. Layihə çərçivəsində 26 İyun - Narkomaniya və
Narkobiznesə qarşı Beynəlxalq Mübarizə Gününə həsr olunmuş görüş təşkil olunub. Tədbirdə Qazax Rayon Polis
Şöbəsinin Narkotiklərlə mübarizə qrupunun baş əməliyyat müvəkkili polis mayoru
Hikmət Nəsibov və narkoloq-həkim Nahidə Osmanova çıxış ediblər. Narkomaniyanın
bütün dünyanı narahat edən problem olduğunu qeyd edən natiqlər ölkəmizdə bu
bəlanın qarşısının alınması istiqamətində mühüm işlər aparıldığını
vurğulayıblar. Bildirilib ki, narkomaniya
ilə bağlı problemləri daim ictimaiyyətin nəzarəti altında saxlamaq məqsədilə
1987-ci ildə BMT-nin müvafiq qərarı ilə hər il iyun ayının 26-sı dünyada
Narkomaniya və Narkobiznesə qarşı Beynəlxalq Mübarizə Günü kimi qeyd
olunur. Çıxışçılar
gəncləri bu bəladan yaxa qurtarmaq üçün narkomaniyaya düçar olmuş insanları
doğru yola çəkməyə, onlara kömək etməyə çağırıblar. Diqqətə çatdırılıb ki, bu
təhlükəli xəstəliklə mübarizədə maarifləndirmə işlərinə, idmanın kütləviliyinin
artırılmasına ehtiyac duyulur. Hər bir gənc çalışmalıdır ki, zərərli
vərdişlərdən uzaq dursun, özünü və ətrafdakıları qorusun. Tədbirdə gəncləri
maraqlandıran suallar cavablandırılıb.
GOYEZEN.AZ
Facebook-da paylaş