Qazaxda daha bir küçəyə asfalt vurulub
Respublika Prezidenti İlham Əliyevin diqqət və qayğısı
sayəsində respublikamızda
aparılan abadlıq işləri Qazaxda da uğurla icra olunmaqdadır. Bunu son illər rayonda
görülmüş işlərin geniş miqyas almasından da görmək olur. Həyata keçirilən tikinti-quruculuq
işləri sayəsində bu gün Qazax böyük bir tikinti meydançasını xatırladır. Ölkə rəhbərinin
tapşırığına əsasən rayonda icra olunan
layihələrdən biri də "Azərsu” Açıq Səhmdar Cəmiyyəti tərəfindən Qazax
şəhərində içməli su və kanalizasiya sisteminin yenidən qurulmasıdır ki, bu
sahədə işlər sürətlə davam etdirilir. Hazırda su və kanalizasiya sisteminin
çəkilişləri şəhərin Heydər Əliyev prospektində aparılır. Ən əsası isə şəhərdə su və kanalizasiya xətlərinin
çəkilişi yekunlaşan ərazilər abadlaşdırılır, işlərin başa çatdırıldığı prospekt
və küçələr asfaltlanır, səkilərə yeni tamet, bardür düzülür, qaz, elektrik,
rabitə xətləri səliqəyə salınır, rənglənmə işləri aparılır, yaşıllıqlar
salınır. İçməli su və kanalizasiya sisteminin çəkilişi
yekunlaşan daha bir küçəyə - Azadlıq küçəsinə ("Qızılhacılı”
tikinti materialları mağazasından "Samur” marketə kimi olan hissə) də asfalt
vurulub. Məlumat üçün onu da qeyd edək ki, bu günə kimi
şəhərin Heydər Əliyev prospektində su və kanalizasiya
sisteminin çəkilişləri yekunlaşan hissələrdə, eləcə də çəkiliş tam başa
çatmış Molla Pənah Vaqif, Səməd
Vurğun, Azadlıq, Zeynalabdin Tağıyev, Murtuz
Carçıyev, Əminə Dilbazi, Molla Vəli Vidadi, Hüseyn Arif, Məmməd
Əmin Rəsulzadə, Əhməd Seyidov, Mehdi Hüseyn, Bakı, Firuddin
Şamoyev, Əliağa Şıxlinski küçələrinə yeni asfalt örtüyü
vurulub. Şəhərin Nəriman Nərimanov yaşayış massivində yerləşən 1,2,3,49
saylı, Heydər Əliyev prospektində yerləşən
61A,63,65 saylı, Azadlıq küçəsində yerləşən
92,208,208A saylı, Şəhidlər Xiyabanı küçəsində
yerləşən 12,14,25,27 saylı, Əliağa Şıxlinski küçəsində
yerləşən 4 və 5 saylı çoxmənzilli yaşayış binalarının həyətində abadlıq işləri
aparılaraq "Abad məhəllə” kimi sakinlərin
istifadəsinə verilib. Qazaxda
aparılan genişmiqyaslı quruculuq
işləri sakinlər tərəfindən də böyük rəğbətlə qarşılanır. Və bütün bu işlərə
görə ölkə Prezidenti İlham Əliyevə minnətdarlıqlarını bildirirlər. GOYEZEN.AZ
Facebook-da paylaş