Qazaxda Vətən müharibəsi şəhidlərinin təltif olunduqları medallar ailələrinə təqdim edilib
2020-ci
ilin 27 sentyabrında başlayan İkinci Qarabağ müharibəsi cəmi 44 gün sonra Azərbaycan
Respublikasının Prezidenti, Silahlı Qüvvələrin Müzəffər Ali Baş Komandanı İlham
Əliyevin rəhbərliyi altında şanlı ordumuzun rəşadəti sayəsində tarixi Qələbə
ilə başa çatdı. 44 günlük savaş Vətən müharibəsi kimi Azərbaycanın xalqının
yaddaşına əbədi həkk olundu və heç vaxt silinməyəcək. Ona görə ki, Vətən
müharibəsində Azərbaycanın igid, qəhrəman, cəsur oğulları sayəsində tarixi
torpaqlarımız işğaldan azad edilərək ərazi bütövlüyümüz bərpa olundu. Bu gün
hər bir azərbaycanlı tarixi Qələbənin müəllifi olan Müzəffər Ali Baş Komandan
İlham Əliyevə, şanlı Azərbaycan Ordusunun əsgər və zabitlərinə, hərbçilərinə,
Vətən uğrunda canından keçən şəhidlərimizə, sağlamlıqlarını itirən qazilərimizə
minnətdardır. 44 günlük haqq savaşında adlarını hərb tariximizə
qızıl hərflərlə yazan igid Vətən oğullarının döyüş meydanında göstərdikləri
qəhrəmanlıq, igidlik dövlətimiz, Ali Baş Komandan İlham Əliyev tərəfindən
də yüksək qiymətləndirildi. Vətən naminə canını fəda edən oğullarımız
ölümlərindən sonra orden və medallara layiq görüldülər. 44 günlük Vətən müharibəsində Qazaxın cəsur, qorxmaz
oğulları da Şəhidlik zirvəsinə ucalaraq qanları ilə dastan yazdılar.
Torpaqlarımızın azadlığı uğrunda şəhid olmuş 51 nəfər hərbi qulluqçudan 49
nəfəri 189 orden və medallarla (onlardan 11-i orden, 178-i medal) təltif
olundu. 246 nəfər yaralanmış hərbi qulluqçudan 242 nəfəri 590 orden və
medallarla (onlardan 4-ü orden, 586-sı medal), həmçinin, Tovuz döyüşlərində
şəhid olmuş 1 hərbi qulluqçu - mayor Əhmədov Namiq Hajan oğlu 1 ordenlə təltif
edilib. İyunun
6-da Qazaxda daha iki Vətən müharibəsi şəhidinin - baş leytenant
Hüseynov Nəbi Hacıbala oğlunun və MAHHXHQ əsgər Məmmədov
Tural Elxan oğlunun təltif olunduqları "Kəlbəcərin azad olunmasına görə” medalları şəhidlərimizin
ailələrinə təqdim olunub. Qazax Rayon İcra Hakimiyyəti başçısı aparatında
Vətən müharibəsi iştirakçıları və
şəhid ailələri ilə işin təşkili şöbəsinin müdiri, qazi
kapitan Samir Çobanov, Azərbaycan
Respublikası Səfərbərlik və Hərbi Xidmətə Çağırış üzrə Dövlət Xidməti Qazax
Rayon Şöbəsinin Səfərbərlik Hazırlığı və Səfərbərlik bölməsinin zabiti, kapitan
Natiq Əbilov şəhidlərimizin
evində olub, ailə üzvləri ilə görüşüb, medalları sahiblərinə çatdırıblar. Xalqımızın 30 illik yurd həsrətinə 44 gündə son qoyan,
apardığımız haqq savaşında əldə etdiyimiz şanlı Qələbəyə
görə Ali Baş Komandana, şanlı Azərbaycan Ordusuna, şəhidlərimizə, qazilərimizə
borclu olduğumuzu qeyd ediblər. Torpaq uğrunda canından keçən
şəhidlərimizlə, eləcə də igid, vətənpərvər oğullar böyüdən ata və analarımızla
hər birimizin fəxr etdiyini, illər ötsə, nəsillər dəyişsə belə şəhidlərimizin
qəhrəmanlığının heç vaxt unudulmayacağını bildiriblər. Dövlətimiz, ölkə
başçısı tərəfindən Vətən uğrunda
sağlamlıqlarını itirən qazilərimizin, yaralılarımızın, canını Vətənə fəda edən
şəhidlərimizin ailələrinin daim diqqət mərkəzində saxlanılacağını söyləyiblər.
Ölkə Prezidenti İlham Əliyevin və Birinci vitse-prezident Mehriban Əliyevanın
şəhidlərimizin, qazilərimizin ailələrinə göstərdikləri qayğının Qazaxda bundan
sonra da hər zaman nümunə götürüləcəyini vurğulayıblar. Övladlarının təltif olunduqları medalları
qəbul edən şəhid atası Hacıbala Hüseynov, şəhid anası Şükufə Quluyeva onlarla fəxr etdiklərini, qəhrəman oğullarının təltif
olunduqları orden və medalları qəbul etməyin çətin olduğu qədər də qürurverici
olduğunu söyləyiblər. 30 illik həsrətdən sonra Azərbaycan xalqına şanlı
Qələbəni yaşadan qəhrəman oğullarımızın qəlblərdə əbədi yaşayacağını,
dövlətimizin şəhidlərimizin adlarının yaşadılması üçün təqdirəlayiq işlər
gördüyünü bildiriblər. Şəhid ailələri kimi onlara göstərilən qayğıya görə ölkə
başçısına, Birinci vitse-prezidentə və rayon rəhbərliyinə minnətdarlıq ediblər. Ölümündən
sonra "Qarabağ” ordeni, "Vətən
uğrunda”,"Cəbrayılın azad olunmasına görə”, "Xocavəndin
azad olunmasına görə”, "Kəlbəcərin azad olunmasına görə", "Füzulinin azad
olunmasına görə” medalları ilə təltif olunmuş, Birinci Şıxlı kənd sakini, baş leytenant Hüseynov Nəbi Hacıbala oğlu Ölümündən sonra "Vətən uğrunda”, "Kəlbəcərin azad
olunmasına görə”, "Cəsur döyüşçü” medalları
ilə təltif olunmuş, Qızılhacılı kənd sakini, şəhid (MAHHXHQ) əsgər Məmmədov Tural Elxan oğlu
GOYEZEN.AZ
Facebook-da paylaş