“Heydər Əliyev fenomeni” mövzusunda növbəti mühazirə oxunub
Qazax Rayon Heydər
Əliyev Mərkəzində zəngin dövlətçilik təcrübəsinə
malik olan Heydər Əliyevin anadan olmasının 99-cu ildönümü ilə əlaqədar
təşkil edilmiş ekskursiyalar davam etdirilir. Aprelin 27-də təşkil
olunmuş ekskursiyaların bugünkü iştirakçıları Qazax Dövlət Sosial- İqtisadi
Kollecin, Bakı Dövlət Universitetinin Qazax filialının tələbələri və Qazax
Rayon Şamoy Çobanov adına Ağköynək kənd tam orta məktəbin müəllim və şagirdləri
olub. Ziyarətçilərə Ulu Öndər Heydər Əliyevin keçdiyi şanlı həyat yolu və
siyasi fəaliyyətindən bəhs edən film nümayiş etdirilib. "Heydər Əliyev
fenomeni” mövzusunda mühazirə oxunub. Qazax Rayon Şamoy Çobanov adına Ağköynək
kənd tam orta məktəbin coğrafiya müəllimi
Sahibə Qocayeva çıxış edərək Ulu Öndərin Azərbaycanın
bu günü və gələcəyi naminə həyata keçirdiyi uğurlu siyasətin gələcək nəsillərə
olduğu kimi çatdırılması, Heydər Əliyev irsinin təbliğ olunması, şagirdlərin
vətənpərvərlik, mərdlik kimi xüsusiyyətlərinin formalaşdırılması üçün bu cür
ekskursiyaların böyük rolu olduğunu vurğulayıb. Sonra ziyarətçilər
muzeyi ekskursiya edərək fenomenal şəxsiyyətə həsr edilmiş kitab sərgisi ilə
tanış olublar.
GOYEZEN.AZ
Facebook-da paylaş