Azərbaycanın mədəniyyət paytaxtı elan edilən Şuşada bu gün şəhərin tarixi simasının bərpası istiqamətində böyük layihələr həyata keçirilir
Qazax Rayon Heydər Əliyev Mərkəzinin 2022-ci il üçün Tədbirlər
Planına uyğun olaraq Respublika Prezidenti İlham Əliyevin 5 yanvar 2022-ci il
tarixli sərəncamına əsasən 2022-ci ilin "Şuşa İli” elan edilməsi ilə əlaqədar və Azərbaycançılıq məfkurəsinin
banisi, Ulu Öndər Heydər Əliyevin siyasi irsinin təbliği məqsədilə rayonun
ümumtəhsil məktəblərində mühazirələrin oxunması davam edir. Növbəti mühazirə martın
11-də Qazax şəhər Firuddin Şamoyev adına 4 nömrəli tam orta məktəbin VI sinif
şagirdlərinə "Müasir və müstəqil Azərbaycan Ümummilli Lider Heydər Əliyevin
ideyaları əsasında inkişaf edir” başlığı altında oxunub. Qazax Rayon Heydər
Əliyev Mərkəzinin Baş fond mühafizi Səidə Qocayeva bildirib ki, Azərbaycan dövlətçilik
tarixində müstəsna xidmətləri olan görkəmli ictimai-siyasi dövlət xadimi, Azərbaycan
xalqının Ümummilli Lideri Heydər Əliyev böyük fədakarlıqlar
hesabına Azərbaycanın müstəqilliyinin əbədiliyini, dönməzliyini təmin etmişdir.
Ulu Öndər Heydər Əliyev sovet dövründə Azərbaycana rəhbərlik etdiyi zamanda
Qarabağa çox böyük diqqət və qayğı göstərmiş və demişdir ki, "Şuşa abidələr şəhəridir.
Diyarın zəngin tarixi ilə bağlı olan hər şeyi qorumaq, qədim tikintiləri bərpa
etmək lazımdır”. Heydər Əliyevin xidmətləri nəticəsində Şuşa şəhərini
tarix-memarlıq qoruğu elan edən qərar qəbul olunmuşdu. Həmin vaxtdan Şuşada
quruculuq işləri geniş vüsət alıb. Şuşanın abidələr şəhəri olduğunu söyləyən Ümummilli
Lider Heydər Əliyev onun Azərbaycan üçün müstəsna əhəmiyyətini yüksək qiymətləndirərək
"Şuşasız Qarabağ, Qarabağsız isə Azərbaycan yoxdur” - demişdir. Ulu Öndər Heydər
Əliyevin siyasi kursu bu gün Prezident
İlham Əliyev tərəfindən uğurla həyata keçirilir. Azərbaycanın tarixi mədəniyyət
mərkəzi və Qarabağın tacı olan Şuşa şəhəri artıq işğaldan azad edilmişdir. Bu
gün isə Şuşa yenidən qurulur. Şuşanın yenidən qurulması Prezident İlham
Əliyevin adı ilə bağlıdır. Azərbaycanın mədəniyyət paytaxtı elan edilən Şuşada
bu gün şəhərin tarixi simasının bərpası istiqamətində böyük layihələr həyata
keçirilir.
GOYEZEN.AZ
Facebook-da paylaş