Hüseynbəyli kənd tam orta məktəbin şagirdləri üçün Ulu Öndər Heydər Əliyevin dövlətçilik məfkurəsindən bəhs edən mühazirə oxunub
Qazax Rayon Heydər Əliyev Mərkəzinin 2022-ci il üçün
Tədbirlər Planına əsasən Azərbaycan xalqının Ümummilli Lideri Heydər Əliyevin
dövlətçilik məfkurəsini gənc nəsillərə çatdırmaq məqsədilə rayonun ümumtəhsil
məktəblərində şagirdlərə mühazirələrin oxunması davam edir. Respublika Prezidenti İlham Əliyevin 5 yanvar 2022-ci
il tarixli Sərəncamına əsasən 2022-ci ili "Şuşa İli” elan etməsi ilə
əlaqədar və Azərbayançılıq məfkurəsinin banisi, Ulu Öndər Heydər Əliyevin
siyasi irsinin təbliği məqsədilə növbəti mühazirə oxunub. Yanvarın 27-də Qazax rayon Alı Əliyev adına Hüseynbəyli kənd tam orta məktəbin 9-cu
sinif şagirdlərinin iştirakı ilə "Müasir və müstəqil
Azərbaycan Ümummilli Lider Heydər Əliyevin ideyaları əsasında inkişaf edir”
başlığı altında reallaşan mühazirədə dahi şəxsiyyətin dövlətimiz, xalqımız
naminə misilsiz xidmətlərindən söz açılıb.
Qazax Rayon Heydər Əliyev Mərkəzinin Baş fond mühafizi
Səidə Qocayeva Azərbaycanın
milli dövlətçilik ənənələrinin qurulmasında və inkişafında misilsiz xidmətləri
olan dahi rəhbər Heydər Əliyevin həyatından və siyasi fəaliyyətindən danışıb. Qeyd edib ki, bütün həyatını xalqının gələcəyinə, Azərbaycan dövlətinin inkişafına həsr etmiş dahi şəxsiyyətin Vətən
və xalq qarşısındakı xidmətləri misilsizdir. Müstəqil Azərbaycan dövlətinin
qurulması, milli-mənəvi dəyərlərimizin qorunub saxlanması, ilk Milli
Konstitusiyamızın qəbul edilməsi, vətəndaş cəmiyyətinin formalaşdırılması məhz
Ümummilli Lider Heydər Əliyevin adı ilə bağlıdır. Ulu öndər Heydər Əliyevin zəngin dövlətçilik irsinin uğurlu davamçısı
Prezident İlham Əliyevin məqsədyönlü və milli maraqlara əsaslanan xarici siyasəti
nəticəsində Azərbaycan regionun lider dövlətinə çevrilmiş və uğurlara imza
atmışdır. S.Qocayeva həmçinin Şuşanın tarixi, mədəniyyəti, görkəmli şəxsiyyətləri,
dahi şəxsiyyət Heydər Əliyevin Şuşanın, ümumilikdə Qarabağın inkişafı,
tərəqqisi uğrunda misilsiz xidmətləri, mənfur ermənilərlə apardığı mübarizələr,
Azərbaycana rəhbərliyinin birinci dövründə dəfələrlə Qarabağa, Şuşaya etdiyi
səfərlər, Şuşa şəhərinin Azərbaycan xalqının böyük bir tarixi abidəsi kimi
bərpa edilməsinin zəruriliyi istiqamətində gördüyü əhəmiyyətli işlərdən söz
açıb. Bu gün şahidi olduğumuz tarixi proseslərin əsasının
hələ o dönəmlərdə qoyulmasından, düşmən işğalından azad edildikdən sonra həmin
ərazilərdə, o cümlədən Şuşa şəhərində aparılan işlərdən, Şuşanın Mədəniyyət
paytaxtı elan edilməsindən, 32 ildən sonra yenidən keçirilən Xarı Bülbül
festivalından, Vaqif Poeziya günlərindən, Vaqifin bərpa edilən məqbərəsindən,
Şuşa Rəsm Qalereyasından, Şuşa Xalça Muzeyindən, yeni salınacaq otellərdən və s.
geniş danışıb. Şuşanın tarixini, coğrafiyasını, mədəniyyətini, təbiətini
özündə əks etdirən kitablarla, şəkillərlə və digər əyani vasitələrlə Şuşa
şəhəri, Ulu öndər Heydər Əliyevin və Onun siyasətini uğurla davam etdirən,
Respublika Prezidenti İlham Əliyevin Şuşanı böyük bir tarixi memarlıq abidəsinə
çevirmək istiqamətində gördüyü əhəmiyyətli işlər haqqında şagirdləri
maarifləndirib.
GOYEZEN.AZ
Facebook-da paylaş